பரத்தையும் பரத்தனும்

பரத்தையும் பரத்தனும்.

சங்ககாலத்தில்... என்றாலே

ஓடிவிடுகிறான் இன்றைய தமிழன்

வரலாறு படிப்பது ஏன் என்று கொஞ்சம் பார்ப்போமா?

நேரடியாக மோதமுடியாத வல்லரசான ரோமன் பேரரசை சுற்றுப்பாதையில் சென்று ஆல்ப்ஸ்  பனிமலையை ஏறி இறங்கி  ஹனிபல்  நிர்மூலமாக்கினான்.
இது நடந்து 2000 ஆண்டுகள் கழித்து மாவீரன்  நெப்போலியன் அதேபோல ஆல்ப்ஸ் மலையைக் கடந்து சுற்றுப்பாதையில் சென்று ஆஸ்திரியாவை வென்றான்.
ஐரோப்பா கண்டத்தையே கைப்பற்றினான்.
பிறகு நெப்போலியன் ரஷ்யநாட்டின் மீது குளிர்காலத்தில் படையெடுத்துச்சென்றதால் தோற்றான்.
இதுநடந்து 150ஆண்டுகள் கழித்து ஹிட்லர் ஐரோப்பா கண்டத்தையே கைப்பற்றினான். நெப்போலியனின் வரலாறை ஹிட்லர் கவனத்தில் கொண்டிருந்தால் வெற்றி மேல் வென்றி குவித்த நாஜிப்படைகள் வலிமைகுறைந்த ரஷ்ய படையிடம் குளிர்காலத்தில் தோற்று மண்ணைக்கவ்வியிருக்காது.

பழங்காலத்தில் நடந்ததை அறிவது இன்றியமையாதது என்பதை வலியுறுத்தவே ஐரோப்பாவரை செல்லவேண்டிவந்தது.
மற்றபடி இந்தப் பதிவு போர்பற்றியது அன்று. நாகரீகம் பற்றியது. இல்லறம் பற்றியது.
-----------------

சங்ககாலத்தில் குடும்பம் என்கிற அமைப்பு தோன்றாதபோது கூட்டமாக வாழ்ந்த இனங்களில் எவரும் எவருடனும் சேர்ந்து பிள்ளைபெறலாம் என்ற நிலை இருந்தது.
பிறகு ஒருவனுக்கு ஒருத்தி என்கிற முறை, திருமணம், நிலையான இடத்தில் வாழ்க்கை, குடும்ப அமைப்பு ஆகியன தோன்றின.
ஆனாலும், பழைய முறைப்படி திருமணம் முடிக்காமல் வாழ்ந்தவர்களும் இருந்தனர். இப்படிப்பட்டோர் பரத்தை என்றும் இவர் ஊரில் வாழ்ந்த பகுதி 'பரத்தைச் சேரி' (சேரி=சேர்ந்துவாழும் இடம்) அழைக்கப்பட்டது.
இவர்கள் குடும்பமாக வாழ்வோரைப் போலவே மதிக்கப்பட்டனர்.
--------------
பரத்தை ஒருத்தி தன் தோழியிடம் தன்னை நாடிவரும் தலைவனைப் பற்றிக் கேலியாகப் பின்வருமாறு கூறுகிறான்.

எம்இல் பெருமொழி கூறித் தம்இல்
கையும் காலும் தூக்கத் தூக்கும்
ஆடிப் பாவை போல
மேவன செய்யும்தன் புதல்வன் தாய்க்கே.
(குறுந்தொகை:8)

என் வீட்டிற்கு வந்தால், "தான் அப்படி, தான் இப்படி" என்றெல்லாம் ஓங்கி பேசுவான். ஆனால் தன் வீட்டிற்குப் போய் விட்டாலோ, அங்குள்ள தன் மகனின் தாயாகிய அவனது மனைவியிடம் எப்படி நடந்துகொள்வான் தெரியுமா?? நாம் நம் கையையும் காலையும் தூக்கத் தானும் அது போலவே தூக்கும், கண்ணாடியில் தெரியும் நிழற்பாவைபோல அவள் விருப்பப்படியெல்லாம் ஆடுவான்.

பரத்தைக்குத் தலைவன் வீட்டுக்குச் சென்றுவரும் உரிமைகூட இருந்ததோ என்னவோ?
----------------------
தலைவன் பரத்தையை நாடிச் சென்றுவிட்டு வீடு திரும்புகிறான். அவனை வீட்டுவாசலிலேயே நிறுத்தி தலைவி கேள்வி கேட்கிறாள். தலைவன் உடனே தலைவியின் காலில் விழுந்து தான் பரத்தை வீட்டுக்குச் சென்றது தவறுதான் என்றும் அதற்காக பொறுத்தருளுமாறும் மன்றாடுகிறான். உள்ளம் உருகிப்போன தலைவி அவனை தூக்கி "நீ இப்படிக் காலில் விழுவதை நீ காதல் கொண்ட என் தங்கைகளான பரத்தைகள் கண்டால் சிரிப்பார்களே?!" என்று கேலியாகக் கூறுகிறாள்.

அடிமேல் வீழ்ந்த கிழவனை நெருங்கி
காதல் எங்கையர் காணின் நன்று என...

தொல்காப்பியம் (கற்பியல்:6)

பரத்தைகளை தங்கைகள் என்று அக்காலப்பெண்கள் குறிப்பிடும் அளவுக்கு அப்பெண்களுக்கு மதிப்பு இருந்துள்ளது.
---------------
மேற்கண்ட இருபாடல்களிலிருந்தும் ஆண்கள் வீட்டில் பெண்களுக்கு அடங்கிநடந்தது தெரிகிறது. அதுபோல, அக்காலத்தில் வேட்டையாடுதலிலும்  போர்புரிவதலிலும் ஆண்கள் ஈடுபட்டதால் ஆண்களின் உயிரிழப்பு பெண்களின் உயிரிழப்பைவிட அதிகமாக இருந்திருக்கலாம். அதனால் பெண்கள் எண்ணிக்கை ஆண்களைவிட அதிகமாக இருந்திருக்கும். அப்போது தலைவன்(கிழவன் அதாவது ஆண்) தலைவி(கிழத்தி)யை மணமுடித்தோடு  காமக் கிழத்தி (வைப்பாட்டி)கூட வைத்துக்கொண்டனர்.
அப்போதைய சூழலுக்கு அது சரியாக இருந்தது.
இதனால் பெண்கள் அடிமைநிலையில் வாழ்ந்ததாகத் தெரியவில்லை.
திருமணச்சீர் (வரதட்சணை) வாங்கும் பழக்கமானது அப்போது இல்லை. மாறாக பரிசம் (பணம்) கொடுத்து மணப்பெண்ணை அழைத்துவரும் முறை இருந்துள்ளது.
-------------------
பரத்தைப் பெண்கள் மட்டுமன்றி ஆண் பரத்தர்களும் இருந்துள்ளனர்.

பெண்ணியலா ரெல்லாருங் கண்ணிற் பொதுவுண்பர்
நண்ணேன் பரத்தநின் மார்பு.
திருக்குறள்:1311

'புலவி நுணுக்கம்' என்ற அதிகாரத்தில் வள்ளுவர் பெண்கள் எப்படியெல்லாம் சின்னச் சின்ன காரணங்களைக்கொண்டு தலைவனிடம் ஊடல் செய்வார்கள் என்று விவரிக்கிறார். அதில் மேற்காணும் குறள் வருகிறது.
தலைவனை பெண்கள் பலரும் விரும்புவதைக் கண்டு பொறாமை கொண்டு தலைவி தலைவனிடம்,
பெண் இயல்பு உள்ள அனைவரும் பொதுப்பொருள் போல உன்னை தன் கண்களால் விழுங்குகிறார்கள் (பார்த்து ரசிக்கிறார்கள்) பரத்தனுக்கு ஈடான உன்னை (உன் மார்பை) நான் இனித் தழுவமாட்டேன்" என்று சினந்துகூறுகிறாள்.

சிலப்பதிகாரத்தில் . "வம்பப் பரத்தர் வறுமொழி யாளர்' என்ற சொற்றொடர் வருகிறது.
கோவலனும் கண்ணகியும் மதுரைக்குச் செல்லும்போது, கவுந்தியடிகளும் சேர்ந்துகொண்டார். அப்போது வழியில் இரு பரத்தர்கள் அவர்களைச் சந்தித்ததாகக் கூறப்பட்டுள்ளது.

ஆகவே, சங்ககாலத்தில் தமிழர் வாழ்வியலில் பெண்ணடிமை நிலவியதாகக் கூறவியலாது.

கற்பு என்பது காலத்திற்கு காலம் மாறுவது ஆண், பெண் இருவருக்கும் பொதுவானது.

போரும் அரசியலும் கற்பியலும் மிகப் பழமையானவையும் நெருங்கிய தொடர்புடையவையும் ஆகும்.

Politics is war without blood,war is politics with blood.

Politics is the second oldest profession,and the first is prostitution.

தெலுங்கு கடற்படைத் தாக்குதல்

தெலுங்கு கடற்படைத் தாக்குதல்

0 0 0 0 0 0 0 0 0 0 0 0 0 0 0 0

சலிப்பாக இல்லையா?

எத்தனை நாட்களுக்குத்தான் ராமேஸ்வரம் மீனவர்கள் சிங்களவர்களால் சுடப்பட்டு சாவதையும் அதன்பிறகு அவர்கள் நடத்தும் (மானங்கெட்ட) ஒருநாள் வேலைநிறுத்தத்தையும் படிப்பது?

சென்னை மீனவன் அடிவாங்கும் கதையைச் சொல்லவா?

12,ஏப்ரல்,2014 .

100க்கும் மேற்பட்ட படகுகளில் 2000க்கும்(!!) மேற்பட்ட தெலுங்கர்கள் திடீரென தமிழக எல்லைக்குள் இருக்கும் 'சின்ன மாங்கோடு'  குப்பம் நோக்கி ஈட்டி, கத்தி, அரிவாள், கையெறி குண்டு, பெட்ரோல் குண்டுகளோடு கடல்வழி வந்து இறங்கி கண்ணில்பட்டத் தமிழனையெல்லாம் தாக்கத்தொடங்கினர்.
பீதியடைந்த தமிழக மீனவமக்கள் போட்டது போட்டபடி அருகேயிருந்த  தேவங்கோடு குப்பம் நோக்கி ஓட ஆரம்பித்தனர்.
ஏற்கனவே தகராறு நடைபெற்று வந்ததால் அங்கே பாதுகாப்புக்காக காவல்துறையினர் கொஞ்சம் இருந்தனர். ஆனால், இத்தனை பெரிய தாக்குதலை அவர்கள் எதிர்பார்க்கவில்லை.
வந்தவர்கள் தமிழக காவல்துறையைச் சேர்ந்த
ஏ.டி.எஸ்.பி.ஸ்டாலின்,
இன்ஸ்பெக்டர்.ராஜா ராபர்ட்,
எஸ்.ஐ.காமராஜ் உட்பட அங்கிருந்த காவலர்களை சரமாரியாகத் தாக்கினர். இதில் 6காவலர்கள் வலுத்த காயமடைந்தனர்.
கண்ணில் பட்டவர்களை அடித்து உதைத்தவாறு அங்கே இருந்த குடியிருப்புகளில் பெட்ரோல் குண்டுகளை வீசி எரித்தனர்.
அங்கே இருந்த மீனவப் படகுகள் அத்தனையும் நாசமாக்கினர். உடைத்து நொறுக்கியது போக கிடைத்த பொருட்களை எடுத்துக்கொண்டு திரும்பினர்.
சின்னமாங்கோடு, பெரிய மாங்கோடு, பொன்னேரி ஆகிய இடங்களில் இருந்த தமிழ் மீனவர்கள் வெளியேறி ஆங்காங்கே அடைக்கலம் தேடிக்கொள்ளும் நிலைக்கு தள்ளப்பட்டார்கள்.
( http://dinakaran.com/News_Detail.asp?Nid=87349
http://tamilmurasu.org/Inner_Tamil_News.asp?Nid=54966
http://www.dinamani.com/tamilnadu/2014/04/16/சின்னமாங்கோடு-கலவரம்-13-தமிழக-/article2171086.ece?service=print )

இந்த நிகழ்வுக்கு மூலகாரணம் தெலுங்கர்களின் அத்துமீறல்தான்.
தமது பகுதியில் மீன்வளம் இருந்தும் தெலுங்கர்கள் பெருமளவில் எல்லைதாண்டி தமிழக எல்லைப்பகுதிகளில் வந்து மீன்பிடித்துவந்தனர். தமிழக மீனவர்கள் தட்டிக்கேட்டால் தாக்கவும் செய்தனர். இதனால் அடிக்கடி அங்கே மோதல்கள் நடந்துவந்தன.
கடற்கொள்ளையர்கள் போலக் குழுவாக சேர்ந்துகொண்டு ஆயுதங்களை வைத்துக்கொண்டு தனியாக வரும் தமிழக படகுகளை நிறுத்தி கொள்ளையடிப்பது, தமது படகில் வேலைகள் எதாவது செய்துதரச் சொல்வது, ஆள்கடத்தல் செய்து ஆந்திராவுக்குள் அழைத்துச்சென்று மறைத்து பணம் பெற்றபிறகு விடுவிப்பது என்று அட்டூழியங்கள் கடந்த 4ஆண்டுகளாக அதிகரித்துவவருகின்றன.
( http://www.dinamalar.com/news_detail.asp?id=791776&Print=1
http://m.oneindia.in/tamil/news/2008/06/03/tn-100-kasimedu-fishermen-kidnapped-by-ap.html
http://m.oneindia.in/tamil/news/2008/08/28/tn-168-kasimedu-fishermen-rescued-from-ap.html )

இவர்களுக்கு வழிகாட்டி சிங்கள மீனவர்கள்.
தமிழக மீனவர்கள் கச்சத்தீவையே நெருங்கமுடியாத போது சிங்க மீனவர்கள் வசதியாக முழுதமிழகத்தையும் தாண்டி ஆந்திராவரை வந்து மீன்பிடிக்கிறார்கள். தட்டிக்கேட்க யாருமே கிடையாது. அப்படியே பெயருக்கு சிறைபிடிக்கப்பட்டாலும் 'மாப்பிள்ளை'போல சென்னை ஆட்சித்தலைவர் முன்னிறுத்தப்பட்டு 'மறுவீடு' செல்வதுபோல புழல்சிறையில் ஓரிரு நாட்கள் இருந்துவிட்டு விடுதலையாகிவிடுகிறார்கள்.
அதிலும் இந்த சிங்கள மீனவர்களிடம் ஹிந்திய கடற்படைக்கு இருக்கும் காதலை விவரிக்க எழுத்தாளர் சாண்டியல்யனால்கூட முடியாது.

ஆந்திரா அருகே சிங்களரைக் கண்டதும் இந்தியக் கடற்படையினர் ஓடிஞ்சென்று கைகுலுக்கி ராஜபக்சவின் நலம் விசாரித்துவிட்டு வருவார்கள். எப்போதாவது பெயருக்கு கைது(?) செய்து ஆந்திராவுக்குக் கொண்டுபோகாமல் தமிழகத்துக்குக் கொண்டுவருவார்கள்.
ஏன் தெரியுமா? ஆந்திர அரசிடம் ஒப்படைத்தால் நூறாயிரம் (ஒரு லக்சம்) ரூபாய் வரை தண்டம் விதிப்பார்கள். இதை ஹிந்தியர்களின் மனம் தாங்குமோ?!
தமிழன் இளிச்சவாயன் தானே! இட்டளி சாம்பாரோடு விருந்து கவனித்து வீட்டுக்கு அனுப்ப தமிழகமே சிறந்த இடமன்றோ!

ஹிந்தியன்தான் தமிழக மீனவன் நடமாட்டத்தை சிங்களவனுக்கு காட்டிக்கொடுப்பான் உடனே சிங்கள கடற்படை வந்து சுடும், தமிழக மீனவனை விரட்டிவிட்டபிறகு சிங்கள மீனவன் வந்து மீன் அள்ளிப்போக வசதியாக இருக்கும்.
இதோடு நில்லாமல் சிங்களவருக்காகத் தமிழக மீனவனை தாக்கக்கூட செய்துள்ளது ஹிந்திய கடற்படை.
( http://m.oneindia.in/tamil/news/2013/08/02/tamilnadu-indian-navy-attacks-karaikal-fisher-180421.html )

ஹிந்தியனும், தெலுங்கனும், சிங்களனும் கூட்டுச்சேர்ந்து தமிழனைக் கொள்ளையடித்துவருகின்றனர். அதன் ஒரு வடிவம் இந்த கடல் கூட்டணி.
கூடிய விரைவில் மலையாளியும் இக்கூட்டணியில் இணைவனாக.

ஹிட்லர் சொன்ன வார்த்தைகள்தான் நினைவுக்கு வருகின்றன.
"ராணுவமில்லாத இனம் அனாதை இனமே".

நல்லவேளையாக எல்லாத் தமிழனும் சுரணையற்றவன் என்ற முடிவுக்கு வரவிடாமல் சில நிகழ்வுகள் தடுக்கின்றன.

தாக்கிய சிங்களரைத் துரத்திப் பிடித்த காசிமேடு மீனவர்கள்
http://m.oneindia.in/tamil/news/2008/04/12/tn-10-lankan-fishermen-nabbed-by-chennai-fishermen.html
மீனவர் தாக்குதலுக்குப் பதிலடியாக எழும்பூர் புத்த மடாலயம் தாக்குதல்
http://www.yarl.com/forum3/index.php?/topic/81280-%E0%AE%AA%E0%AF%81%E0%AE%A4%E0%AF%8D%E0%AE%A4-%E0%AE%AE%E0%AE%9F%E0%AE%BE%E0%AE%B2%E0%AE%AF%E0%AE%A4%E0%AF%8D%E0%AE%A4%E0%AF%88-%E0%AE%A4%E0%AE%BE%E0%AE%95%E0%AF%8D%E0%AE%95%E0%AE%BF%E0%AE%AF%E0%AE%A4%E0%AE%BE%E0%AE%95-%E0%AE%95%E0%AF%88%E0%AE%A4/

தலைவருடன் கோட்டோவியர் மதன்

தலைவருடன் கோட்டோவியர் மதன் .

அரிய புகைப்படம்.

தலைவர் தமிழகத்தில் தங்கி இயக்கத்தைக் கட்டமைத்தபோது தமிழகத்தின் பல்வேறு துறையைச் சேர்ந்தவர்களும் அவரைச் சந்தித்தனர்.

யாழ்க் கோட்டையைப் புலிகள் கைப்பற்றியிருந்த நேரம் (1990), இந்த சந்திப்பு நிழ்ந்ததெனத் தெரிகிறது.

ராவ் என்பவர் எழுதிய ஒரு பதிவு இதனை உறுதி செய்கிறது.
http://andhimazhai.com/news/view/seo-title-9923.html

நெருப்புக்குத் தீப்பொறி தமிழ்க் குடியரசுக்கு ஈழப்பொறி

நெருப்புக்குத் தீப்பொறி
தமிழ்க் குடியரசுக்கு ஈழப்பொறி

¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥

தமிழீழம் நிலப்பரப்பு= 21,952 ச.கீ.மி
+
தற்போதைய தமிழகம்=130,058 சகீமி
+
அண்டைமாநிலங்கள் பறித்துக்கொண்டது=70,000சகீமி
==
மொத்தம்=222,010 சகீமி

அதாவது புலிகள் அறிவித்த தமிழீழத்தை விட 10.11 மடங்கு பெரியது நம் தாய்மண்.

உலகின் பரப்பளவில் (510,072,000 சகீமி)  இது 0.043% ஆகும்.
அதாவது நூற்றுக்கு அரைப்பங்கு கூட இல்லை.

இதில் கிட்டத்தட்ட பாதியளவுள்ள (58%) தமிழகத்தைத் தவிர மற்ற பகுதிகள் வேற்றினத்தாரிடம் முற்றாக இழந்துவிட்டோம்.
தமிழகம்கூட அரைகுறைக் கட்டுப்பாட்டில்தான் உள்ளது .

உலக மக்கள்தொகை 712கோடி.
அதில் அசல் தமிழர் கிட்டத்தட்ட 6.5 கோடி.
இது 0.91 சதவீதம் ஆகும்.
இது நூறுபேரில் ஒருவர்கூட தமிழினம் இல்லை.

பரப்பளவின் படி நாம் 77வது நாடு.

நாம் ஒரு பழமையான மிகச் சிறுபான்மையான இனம். நமக்குள் வேறுபாடுகள் ஏன்?

நமது தாய்நிலம் சின்னஞ்சிறியது இதற்குள் ஏன் இருநாடுகள்?

பெரியநாடுகளோடு நாம் இணைந்திருப்பதால் நமது வளங்கள் சுரண்டப்பட்டு நாம் அடிமைப்படுத்தப்படுகிறோம்.
நாம் ஒரு நாடமை(தேசிய)இனம்.
நமக்கு தனிநாடு பெறும் தகுதியும் உரிமையும் உண்டு.
இந்தியா மற்றும் ஸ்ரீலங்கா நாட்டினர் நம்மை 'ஸகோதரர்கள்' என்கிறார்கள்.
உடன்பிறந்த அண்ணன் தம்பியே ஆனாலும் ஈன்ற பெற்றோரே ஆனாலும் உரிமைகள் வழங்கப்படாவிட்டால் பிரிந்துசெல்வது சரியே ஆகும்.
நம் வளங்களைச் சுரண்டி நம்மை எட்டுதிக்கும் விரட்டியடிக்கும் இவர்கள் நமது உடன்பிறந்தவர்களும் இல்லை. இவர்கள் நமது எதிரிகளே ஆவர்.

எனவே தமிழரே,
தலைவர் பிரபாகரன் வழியில் நாம் நமக்குள் திரண்டு நமது சின்னஞ்சிறிய தாய்மண்ணை மீட்டு நமக்கான நாட்டினை அமைக்க ஆயத்தமாவோமாக.

நம்மிலும் சிறிய தாய்நிலத்தையும் நம்மைவிடக் குறைந்த மக்கள்தொகையும் கொண்ட பிரிட்டிஷ்காரர்கள் உலகிலேயே பெரிய பேரரசை நிறுவவில்லையா?

நம்மால் நமது தாய்நிலத்தில் ஒரு வல்லரசை நிறுவிப் படைக்க இயலாதா?

உலக மானிடர் அனைவருக்கும் நாம் நல்லது செய்யலாம். எப்படி செய்யலாம் என்றால் அவர்களுக்கு ஒரு முன்மாதிரியாக சிறந்துயர்ந்த ஒரு நாட்டினைக் கட்டியமைப்பதன் மூலம் செய்யலாம்.

( தமிழ்க் குடியரசு எல்லைகள்
https://m.facebook.com/photo.php?fbid=419383841498608&id=100002809860739&set=a.108935022543493.9865.100002809860739 )
(தமிழகம்-ஈழம் வாங்கிய அடிகளில் ஒற்றுமை
https://m.facebook.com/photo.php?fbid=435281226575536&id=100002809860739&set=a.203447446425583.28789.100002809860739&refid=13 )

பூலித் தமிழனும் கெட்டி வடுகனும்

பூலித் தமிழனும்
கெட்டி வடுகனும்

கட்டபொம்மன் ஆன கெட்டிபொம்மு நாய்க்கென்:

கெட்டிபொம்மு நாய்க்கெனின் முப்பாட்டன் ஜெகவீர கெட்டிபொம்மு நாய்க்கென் என்ற தெலுங்கன் பெல்லாரி என்ற இடத்திலிருந்து வந்தவன். இவன் குறுக்குவழியில் பாஞ்சாலங்குறிச்சி அரசைக் கைப்பற்றினான்.
வந்தேறிகள் அப்போது தமிழர்களை வரைமுறையில்லாமல் சுரண்டிக்கொண்டிருந்த காலம்.
ஆங்கிலேயரை எதிர்த்து முதன்முதலாக வீரப்போரைத் தொடங்கிய பூலித்தேவன் மற்றும் பெரிய காலாடி, சின்னக்காலாடி, வாண்டாயத்தேவன் கூட்டணிக்கு எதிராக கெட்டிபொம்முவின் தாத்தா (அவர் பெயரும் கெட்டிபொம்மு) ஆங்கிலேயருடன் இணைந்து போர்நடத்தினார்.
பூலித்தேவன் வீரமரணமடைந்து (1767) இருபத்தி மூன்று ஆண்டுகள் கழித்துதான் 1790ல் கட்டபொம்மன் என்றழைக்கப்படும் கெட்டிபொம்மு ஆட்சிக்கு வருகிறான். தாத்தா காலத்திலிருந்து வெள்ளையனுக்கு ஆதரவாக இருந்தவன் அடாவடியாக வரிகொடுக்க மறுக்கிறான்.
கலெக்டர் ஆலன்துரை கெட்டிபொம்மு மீது படையெடுக்கிறான். ஆனால், கெட்டிபொம்முவைத் தோற்கடிக்கமுடியவில்லை. பொம்மு தன் ஆட்சியின் கீழுள்ள மக்களைக் கொடுமைப்படுத்தி கொடுங்கோலாட்சி புரிகிறான்.பக்கத்து பாளையமான எட்டயபுரத்தைப் பலமுறைக் கொள்ளையடிக்கிறான். இதுகுறித்து எட்டையபுர மன்னர் ஆங்கிலேயரிடம் முறையிடுகிறார். அப்போது புதிதாக வந்த மாவட்ட கலெக்டர் ஜாக்சன்  கெட்டிபொம்முவை எச்சரிக்கிறான். வரியோடு வந்து தன்னை நேரில் சந்திக்குமாறு உத்தரவிடுகிறான்.
வரியோடு வந்த கெட்டிபொம்முவுக்கு பாடம் கற்பிக்கும்வகையில் 23நாட்கள் அவனை ஒவ்வொரு இடமாக அலைக்கழித்து இராமநாதபுரம் வரை வரவைக்கிறான். இந்த சந்திப்பின்போது ஜாக்சனுக்கும் கெட்டிபொம்முவுக்கு வாக்குவாதம் வந்து அங்கிருந்தவர்களைத் தாக்கிவிட்டு கெட்டிபொம்மு தப்பிவிடுகிறான். உடனே பானர்மேன் தலைமையில் ஆங்கிலேயர்கள் கெட்டிபொம்முவை தோற்கடித்து, தப்பியோடிய அவனை புதுக்கோட்டை மன்னன் உதவியுடன் சிறைபிடித்து தூக்கிலிடுகின்றனர்.
இதற்கெல்லாம் கெட்டிபொம்மு மீது எட்டையபுர மன்னர் அளித்த புகார்கள் இன்றும் சான்றாக உள்ளன. எட்டப்பன் கெட்டிபொம்முவைக் காட்டிக்கொடுத்ததாக எந்த சான்றும் இதுவரை இல்லை.
கெட்டிபொம்முவால் மக்களுக்கு நன்மை நடந்ததாக எந்த செய்தியும் இல்லை. ஆங்கிலேயருக்கும் நாயக்கர்களுக்கும்  மக்களைச் சுரண்டுவதில் ஏற்பட்ட போட்டியே இது.
ஆனால், இவனை வெள்ளையரை முதன்முதலாக எதிர்த்தவன் என்று திரிக்கின்றனர்.

காத்தப்ப பூலித்தேவனார்:

1755ல் மாபூஸ்கான்(ஆற்காடு நவாப் பரம்பரை) கர்னல் ஹீரான்(ஆங்கிலேயர்) கான்சாகிப் (மருதநாயகம்) ஆகியோர் கூட்டணி அமைத்து பாளையங்களாகச் சிதறிக்கிடந்த தமிழகத்தை கைப்பற்றத் தொடங்கினார்கள். பல பாளையங்கள் அடிபணிந்தன. முதன்முதலாக அந்த பெரிய நவீனமான படையை எதிர்த்து போர்புரிந்தவர் பூலித்தேவனே ஆவார்.
பக்கத்தில் இருந்த பாளையங்களுடன் கூட்டணி அமைத்து ஆங்கிலேயர் படையை 1755ல் தோற்கடிக்கிறார். 12மாதங்கள் கழித்து1756ல் மீண்டும் பெரிய படையோடு வந்தவர்களை திருநெல்வேலியில் மீண்டும் தோற்கடிக்கிறார்.
1759ல் மீண்டும் கான்சாகிப் தலைமையில் நாகப்பட்டினத்தில் இருந்து படை, திருச்சியில் இருந்து படை, தூத்துக்குடியில் இருந்து படை, பாளையங்கோட்டையில் இருந்து படை, மதுரையில் இருந்து படை, திருவனந்தபுரத்தில் இருந்து படை என பெரிய படையைத் திரட்டிக்கொண்டுவந்து போரிட்டனர்.
ஆனால், பூலித்தேவரிடம் எதுவும் பலிக்கவில்லை, போரில் பூலித்தேவர் மாபெரும் வெற்றிபெற்றார்.
ஆற்காடு நவாப் மாபூஸ்கான் உட்பட பலர் பூலித்தேவர் வீரத்தைப் பார்த்து வியந்து அவருடன் சேர்ந்துகொள்கின்றனர்.
1760ல் மீண்டும் கான்சாகிப் படையெடுத்துவந்தான். இம்முறையும் நான்காவது முறையாகப் பூலித்தேவனார் அவனைத் தோற்கடித்தார்.
1761ல் மீண்டும் பெரிய படையுடன் கான்சாகிப் ஆங்கிலேயர் ஆதரவுடனும் போரிட்டான். இம்முறை பூலியார் தோற்றுவிட்டார்.
(தோற்கடித்த கான்சாகிப் அதாவது மருதநாயகம் ஒரு தமிழன் என்பதை நினைவில் கொள்க. இவனே வெள்ளையருக்கு பெரும்சவாலாக விளங்கிய ஹைதர் அலியையும் தோற்கடித்தவன், பிற்காலத்தில் ஆங்கிலேயருடன் முரண்பட்டு மதுரையைத் தன்கட்டுப்பாட்டில் கொண்டுவந்தான். ஆங்கிலேயர் சூழ்ச்சிசெய்து தொழுகையின்போது இவனைக் கைது செய்து பின் தூக்கிலிட்டனர்)

பூலியார் நற்செயல்கள்:

சங்கரன்கோவில் கோவிலுக்கு சபாபதி மண்டபம் கட்டியுள்ளார், தெப்பக்குளமும் வெட்டியுள்ளார்.
கரிவலம் வந்தநல்லூர் பால்வண்ணநாதர் ஆலயத்துக்கு முன்மண்டபம் கட்டியுள்ளார், ஆலயத்துக்குத் திருத்தேரும் வெள்ளி ஆசனங்களும் செய்தளித்துள்ளார்.
மதுரை மீனாட்சி அம்மனுக்கு தங்க நகைகள், வைரஅட்டிகைகள் செய்துதந்துள்ளார்.
தாருகாபுரத்தில் 16 கால் மண்டபத்தைக் கட்டி அன்னதானம் செய்தவந்தார். அதுமட்டுமல்ல, சீவலப்பேரி மருகால்தலையில் பூலுடையார் கோவில் மண்டபம் கட்டியவரும் அவரே.
நெல்லையில் வாகையம்மன் கோவிலை கட்டியவர் பூலித்தேவரே.

பூலித்தேவனார் கெட்டிபொம்மு ஒப்பீடு:

புலித்தேவன் படையில் காலாடிப்பள்ளர்கள் இருந்தது போல கெட்டிபொம்முவின் (கொள்ளையடிக்கும்)படையில குடும்பப்பள்ளர்கள் இருந்ததையும் ஒப்பிட்டு இருவரும் ஒரே சிந்தனையைக் கொண்டவர்களாகப் பொய்யுரைக்கிறார்கள்.
'ஆப்பநாட்டு கொண்டயங்கோட்டை மறவனான' புலித்தேவன் தன் நண்பன் காலாடிக்கு நடுகல் நட்டு பெருமைப்படுத்தினான். புலித்தேவன் சிந்தில் காலாடி, ஒண்டிவீரன் உட்பட அனைவரைப் பற்றிய பாடல்களும் உண்டு.
கெட்டிபொம்மு குடும்பப் பள்ளருக்கு நடுகல் நட்டானா? சிந்து பாட வைத்தானா? இல்லை புலித்தேவன் காலாடிப் பள்ளன் வீரமரணம் அடைந்தபோது தன் மடியில் கிடத்தி ஊர்கூட்டி ஒப்பாரி வைத்தது போல் குடும்பனை மடியில் கிடத்தி ஒப்பாரி வைத்தானா?
பூலித்தேவனார் வீரம்கண்டு வியந்த மிடேமியா என்ற இசுலாமியர் ஆற்காட்டு நவாபிடமிருந்து வெளியேறி பூலியாருடன் சேர்ந்தவர்களில் ஒருவர். அவர் மார்பில் குண்டுவாங்கி பூலியார் மடியில் உயிர்விட்டவர். அவருக்கும்கூட நடுகல் நட்டுள்ளார் பூலித்தேவனார்.
வாசுதேவநல்லூரில்
அல்லா தெரு என்று ஒரு தெரு இருக்கிறது. இங்கேதான்  மாபூஸ்கானும் அவரது இசுலாமிய வீரர்களும் தங்கவைக்கப்பட்டிருந்தனர். பூலியார் அவர்களுக்கு பள்ளிவாசலும் கட்டிக்கொடுத்தார். அவர்களுக்கு முன்பே பூலியார் படையில் பீர்முகமது சாயபு என்ற இசுலாமியத் தளபதி இருந்துள்ளார்.
கெட்டிபொம்மு எப்படி இவருக்கு ஈடாவான்?

இன்று:
வந்தேறிகள் ஆட்சியில் 'வீரபாண்டிய கட்டபொம்மன்' என்ற படமானது தெலுங்கரான பந்துலு என்பவரால் பணம்போட்டு இயக்கி வெளியிடப்பட்டு தமிழக மக்களை முட்டாளாக்கிவைத்துள்ளது.
பூலியார் பற்றிய ஒரு குறும்படம் கூட இல்லை.
கெட்டிபொம்முவின் இடிந்த கோட்டை, கொத்தளம், கொலுமண்டபம், ஜக்கம்மா தேவி ஆலயம் அனைத்தும் மீண்டும் கட்டப்பட்டுள்ளது.
நினைவுக் கோட்டையை உள்ளடக்கிய 6 ஏக்கர் பரப்பினைச் சுற்றி மதில் சுவர் எழுப்பப்பட்டு உள்ளே தொல்பொருள்(?!)ஆய்வுமையமும் உள்ளது.
இக்கோட்டை 1977 முதல் சுற்றுலாத் துறையின் பராமரிப்பில் இயங்கிவருகிறது.
தற்போது 35 ஏக்கர் பரப்பிற்கு மேல் உள்ள பழைய கோட்டையின் அடிப்பகுதிக் கட்டிடங்கள் தொல்பொருள் ஆய்வுத் துறையின் பராமரிப்பின் கீழ் உள்ளன.
அவன் தூக்கிலிடப்பட்ட கயத்தாறில் நினைவிடமும், நினைவுத்தூணும், கல்வெட்டும், உருவச்சிலையும் நிறுவப்பட்டுள்ளன.
பூலித்தேவனுக்கு நெற்கட்டும்செவலில் ஒரேயொரு நினைவு மண்டபமும் அவரது பெயரில் திருமண(?!)மண்டபமும் உள்ளது. அதன்வாசலில் ஒரேயொரு உருவச்சிலை அமைக்கப்பட்டுள்ளது.
கெட்டபொம்முபயன்படுத்திய ஆயுதங்கள், அவன் காலத்து மக்கள் பயன்படுத்திய பல்வேறு பொருட்கள், அணிகலன்கள் நாணயங்கள் போன்றவை தொல்பொருள் ஆய்வுத் துறையினரால் கண்டெடுக்கப்பட்டு சென்னையில் தமிழ்நாடு 'அரசு அருங்காட்சியகத்தில்' பொதுமக்கள் பார்வைக்கு வைக்கப்பட்டுள்ளன.
அவனுக்கு அஞ்சல் தலைகூட வெளிவந்துள்ளது.
பூலித்தேவன் காலத்து நினைவுச் சின்னங்கள் மற்றும் ஆயுதங்கள் பொதுமக்கள் பார்வைக்கு அவரது நினைவுமண்படத்திலேயே வைக்கப்பட்டுள்ளது.
அவை எந்த அரசுத்துறையின்கீழும் இல்லை. ஆய்வுகள் எதுவும் நடைபெறவும் இல்லை.

வந்தேறிகள் வரலாற்றையே வளைத்துவிட்டனர். செந்தில், கருணாஸ், அருண்பாண்டியன், கார்த்திக் போன்ற நடிகர்களை அழைத்துவந்து ஒரு சாதிக்கூட்டம் பூலியாருக்கு விழா எடுக்கிறது.
புலியாரும் பூலியாரும் வரலாற்றின் சில பக்கங்களை பிச்சைகேட்டு நிற்கும் நிலை இனியும் தொடருமா?

https://m.facebook.com/photo.php?fbid=511482995622025&id=100002809860739

ஈ.வே.ரா.வின் அடித்தளம்

ஈ.வே.ரா -வின் அடித்தளம்.

திராவிடக் கட்சிகளுக்கு அடித்தளம் திராவிடர் கழகம்.
இது 'நீதிக் கட்சியும்' 'சுயமரியாதை இயக்கமும்' இரண்டறக் கலந்து 1944ல் உருவானது.

இவ்விரண்டில் (ஸ்வய மர்யாதா என்பதை தமிழாக்கி) 'சுயமரியாதை இயக்கம்' என்பது ஈவேரா காங்கிரசிலிருந்து ஆறாண்டுகளுக்குப் பிறகு விலகி 1925ல் தொடங்கியது.

1926ல் நீதிக்கட்சியும் சுயமரியாதை இயக்கமும் சேர்ந்து நடத்திய பிராமணரல்லாதார் மாநாடு மதுரையில் நடைபெற்றது.
இதற்கு தலைமை தாங்கியவர் தெலுங்கரான சர்.ஏ.பி.பாத்ரோ

1927ல் இதேபோல கோவையில் பிராமணரல்லாதார் மாநாடு நடந்தது.
இதற்கு தலைமை வகித்தவர் தெலுங்கரான குமாரசாமி ரெட்டியார்.

1928ல் நடந்த முதல் சுயமரியாதைக் கூட்டத்தில் முன்னிலை வகித்தவர் தெலுங்கு பிராமணரான 'மணத்தட்டை சேதுரத்தின ஐயர்'.

1929ல் செங்கல்பட்டில் முதல் சுயமரியாதை மாநாட்டுக்குத் தலைமை, கன்னடன் என்று தன்னைக் கூறிக்கொண்ட தெலுங்கர் ஈவேரா.

1930ல் நடைபெற்ற சுயமரியாதை மாநாட்டில் தலைமையேற்றவர் எம்.ஆர்.ஜெயகர் என்ற வடஹிந்தியர்.

1931ல் விருதுநகர் சுயமரியாதை மாநாட்டுக்கு சர்.ஹரி சிங் என்பவர் அழைக்கப்பட்டார். அவர் பாதிவழிவரை வந்து உடல்நலமின்றி திரும்பிவிட்டார். அதனால்  தமிழரான ஆர்.கே.சண்முகம் செட்டியார் தலைமைதாங்கினார்.

1933ல் கோவை சுயமரியாதை மாநாட்டிற்கு தலைமைதாங்கியவர் கே.ஐயப்பன் என்ற மலையாளி.

அடித்தளமே இப்படியென்றால்
ஆட்சி எப்படி என்பது இப்போது தெரிகிறதல்லவா?
https://m.facebook.com/photo.php?fbid=510532462383745&id=100002809860739&set=a.108935022543493.9865.100002809860739&_rdr

தமிழியத்தின் பிரித்தாளுதல்

தமிழியத்தின் பிரித்தாளுதல்.

இனவெழுச்சி மூன்று படிகளில் நிகழ்கிறது.

1)வேறுபாடுகளை மறந்து தாய்நிலத்தில் நிலைகொள்தல்.

2)அருகாமை இனங்களை அடக்குதல்

3)தொலைதூரம் வரை ஆதிக்கத்தை பரப்புதல்.

எந்த ஒரு இனமும் முதலில் தனக்குள் இருக்கும் வேறுபாடுகளைக் களைந்து எழுச்சிகொண்டு அருகாமை இனங்களை அடக்கி மேலும் எழுச்சி அடைந்து பிறகு தொலைதூரத்திற்கு தமது ஆதிக்கத்தை பரப்பத் தொடங்குகிறது.

சிறிதுகாலம் அந்த ஆதிக்கம் தொடர்கிறது. பிறகு தலைமாற்றி எல்லாம் நடக்கிறது. முதலில் அது தொலையாதிக்கத்தை இழக்கிறது. பிறகு அருகாமை இனங்களின் மீதான ஆதிக்கத்தை இழக்கிறது. பிறகு தாய்நிலத்தை இழக்கிறது. பிறகு அடையாளம் இழந்து அழிந்துபோகிறது.

ஆனால், அழிந்துபோகுமுன் விழித்துக்கொள்ளுமேயானால் அது தாய்நிலத்திற்குள் வலுவான அரசாக உருப்பெருகிறது.

தமிழியம் மற்ற பழமையான இனங்கள் போலவே பல நூற்றாண்டுகளாக கொஞ்சம் கொஞ்சமாகச் சுருங்கி அழியும் நிலைக்கு வந்தபிறகு கடைசி நேரத்தில் விழித்துக்கொள்ளும்.

முதலில் அது தம்மையொத்த இனங்களோடு திரட்டி,  கண்டம் கடந்த தொலையாதிக்கத்தை ஒன்றுக்கு இன்னொன்றை எதிரியாக்கி தொலையாதிக்கத்தை வெல்லும் .(ஆங்கிலேய ஆட்சி முடிவு, இந்திய ஒன்றியம் தோன்றல்).

பிறகு அது அடிமையாயிருந்த இனங்களை இரண்டாகப் பிரித்து ஒன்றுக்கு இன்னொன்றை எதிரியாகப் பயன்படுத்தும் (இது வடயிந்திய- தென்னிந்திய வேறுபாட்டுக்கான திராவிட ஆதரவு)

பிறகு தன்னையும் தனது கூட்டாளி இனங்களையும் ஒன்றுக்கு இன்னொன்றை எதிரியாக்கும் அந்த பிரிவிலிருந்து தன்னை விடுவிக்கும் (அதுதான் இப்பொது நடந்துவரும் தமிழின-அண்டை இன மோதல்கள்).

இதோடு நிற்காது.

தாய்நிலத்திற்கு வெளியே மற்றவர்களை ஓரம்கட்டியபிறகு தனக்குள்ளே ஒரு போரைத் தொடங்கும்.

அது சாதிகளை ஒன்றுக்கு இன்னொன்றை எதிரியாக்கி இருவரின் குறைகளையும் வெளிக்கொணர்ந்து இருவரையும் முறியடிக்கும்

மதங்களை ஒன்றுக்கு இன்னொன்றை எதிரியாக்கி இருவரையும் முறியடிக்கும்.

வேறுபாடுகளை களையெடுத்தபின் தமிழியம் தனது ஆற்றலைத் திரட்டும்.

பிறகு அது அண்டையினங்களை அடக்கும்.

பிறகு தொலைதூரம்வரை தனது ஆதிக்கத்தைப் பரப்பும்.

ஆனால், இது தொடர்ந்தால் எல்லாம் தலைமாற்றி நடந்து மீண்டும் அழிவு வரலாம்.

எனவே, எப்போது தமிழியம் தன் தாய்நிலத்தில் தனது ஆற்றலைத் திரட்டி தொலையாதிக்கத்திற்கு ஆதிக்கத்திற்கு ஆயத்தமாகிறதோ அந்த இடத்தில் நாம் நின்றுகொள்ளவேண்டும்.

தமிழியத்தை அதன் வழியில் தனது ஆற்றலை தொலையாதிக்கத்திற்கு பயன்படுத்த விடக்கூடாது.
நம் தாய்நிலத்தில் அந்த ஆற்றலைத் தக்கவைத்துகக் கொள்வோமேயானால் எத்தனை ஆயிரம் ஆண்டுகள் ஆனாலும் சரி.
நாம் ஒரு வலிமையான அரசாகத் திகழ்வோம்.

கி.மு.வில் பேரரசாக எழுந்த கிரேக்கரும், ரோமானியர்களும், மௌரியர்களும் மற்றும் பலரும் இன்று வரலாற்றுப் புத்தகங்களில் மட்டுமே இருக்கின்றனர்.

1200களில் உலகின் கால்வாசியையும் உலக மக்களில் நால்வரில் ஒருவரையும் ஆண்ட மங்கோலியர் இன்று அழிவுநிலையில்

உலகில் கால்வாசிப்பகுதியையும் உலக மக்களில் மூன்றில் ஒருவரையும் ஆண்ட ஆங்கிலேய அரசு இன்று தாய்நிலத்திற்குள் சுருங்கிவிட்டனர்.

பேரெழுச்சி பெற்று விரிந்த ரஷ்ய இனமும் தாய்நிலத்திற்குள் சுருங்கிக்கொண்டு வருகின்றனர்.

மாபெரும் அரசை ஏற்படுத்திய பாரசீகரும் ஓட்டோமான்களும் அடையாளம் இழந்து இன்று தாய்நிலத்தில் அழிவுக்கு சென்றுகொண்டிருக்கின்றனர்.

குறுகிய காலத்தில் பெரிய நிலப்பரப்பைக் கைப்பற்றிய ஜெர்மனியும், ஜப்பானும், ஸ்பெயினும் தாய்நிலத்திற்குள் சுருங்கி அழிவு நிலைக்கு வந்ததும் விழித்துக்கொண்டதால் இன்று வல்லரசாகத் திகழ்கின்றனர்.

தொலையாதிக்கத்தைப் பரப்பிவரும் அமெரிக்காவும், சீனாவும் விரைவில் தலைமாற்றி நடக்கும் நிகழ்வுகளால் தாய்நிலத்தில் சுருக்கப்படுவர்.

என்றென்றைக்கும் எக்காலமும் நீடித்திருக்கும் ஒரு வல்லரசை யாராலும் அமைக்கமுடியவில்லை.

மூடிய பாத்திரத்தில் ஆற்றலை நிரப்புவதே எளிது.
வரையறுக்கப்பட்ட தாய்நிலத்தில் ஆற்றலைத் தக்கவைத்துக்கொள்வதே எளிது.

எனவே, தாய்நிலத்தில் வல்லரசை நிறுவவிருக்கும் தமிழர்களே, நீங்கள் ஆற்றலை தாய்நிலத்திற்கு வெளியே தேவையின்றி பயன்படுத்தாதீர்கள்.

ஆனால், உலகின் மறுமூலையில் ஒரு படையெடுப்பை நிகழ்த்தி வெல்லும் அளவு ஆற்றலை உங்களுக்குள்ளே தேக்கிவைத்திருங்கள்.

எப்போது நம்மை சீண்டுகிறார்களோ அவர்களுக்கு முன் நாம் முந்திக்கொண்டு படையெடுத்து செல்ல எந்நேரமும் ஆயத்தமாக இருக்கவேண்டும்.

எதிரிகளை முறியடித்து அவர்கள் நிலத்தைக் கைப்பற்றிய பிறகு தொடர்ந்து அதை கைக்குள் வைத்திருக்க நினைக்கக்கூடாது. எதிரி இனத்தில் தகுந்தவர்களிடம் அதை ஒப்படைத்துவிட்டு தாய்நிலம் திரும்பிவிடவேண்டும்.

எவரிடமும் ஒரு பிடி தாய்மண்ணையும் விட்டுக்கொடுக்காமல் எவருடைய தாய்நிலத்திலத்திலும் ஒரு பிடி மண்ணைக் கவர்ந்துகொள்ளாமலும் நாம் இருக்கவேண்டும்.

அப்படி நடந்துகொண்டால் நாமே நிலைத்திருக்கும் பேரரசு.

(படம்: தொண்ணூறே ஆண்டுகளில் மங்கோலியர் கைப்பற்றிய நிலப்பரப்பு)
https://m.facebook.com/photo.php?fbid=509316365838688&id=100002809860739&set=a.108935022543493.9865.100002809860739&_rdr#509318922505099