குமரிக்கண்டமும் நேசமணியும்

குமரிக்கண்டமும் நேசமணியும்

மூழ்கிப்போன கண்டமொன்று இருந்தாக மேலைநாட்டு அறிஞர்கள் கூறியபோது,
தமிழ் இலக்கியங்களுடன் அதைப் பொருத்திப்பார்த்து
குமரிக்கண்டத்தை மீண்டும் மக்கள் அறியச் செய்தவர்,
ஈழத்தமிழரும்,
தமிழகத்தில் பிறந்து வளர்ந்தவருமான கனகசபை ஆவார்.

ஆனால் குமரிமுனை மலையாளிகளிடம் அடிமைப்பட்டுக் கிடந்தது.

அதை மீட்டு அங்கிருந்த மக்கள் வணங்கிவந்த (கன்னி) குமரியம்மன் பெயராலும்,
மூழ்கிய குமரிக்கண்டத்தின் நினைவாகவும்,
"கன்னியாகுமரி" என்று பெயர் வைத்தவர் (கிறித்தவரான) நேசமணி ஆவார்.

இதற்கு பின்னணிக் காரணம் 'குமரிக் கண்டத்து வழக்கறிஞர்' என்றழைக்கப்படும் கவிமணி தேசியவிநாயகம் பிள்ளை ஆவார்.

தந்தை செல்வாவுக்கு இருபது ஆண்டுகள் முன்பே அதிரடி அரசியல் செய்து,
காமராசரின் ஆதரவு இல்லாமல் போனாலும்,
ஈ.வே.ரா ஆதரவு தர மறுத்து திருப்பி அனுப்பினாலும்,
திராவிடக் கட்சிகள் கண்டுகொள்ளாது போனாலும்,

தன் அறுபத்தைந்து வயதிலும் தளராது போராடி,
பாதியளவு மண்ணையாவது தமிழகத்துக்கு மீட்டுத்தந்த தமிழர் தந்தைதான் நேசமணி அவர்கள்.

சாதியாகவும் மதமாகவும் ஏன் மொழியாலும் பிரிந்து கிடந்த தமிழினத்தினை ஒன்றுதிரட்டி மண்மீட்பில் வெற்றிபெற்ற முதல் தமிழ்தேசியவாதியும் அன்னாரே ஆவார்.

தமிழியத் தலைவர் மார்சல்.நேசமணியை தமிழினம் வரமாய் பெற்ற நாள் இன்று (12-06-1895).

அப்பாவிகள் தண்டிக்கப்படாமல் இருக்க

அப்பாவிகள் தண்டிக்கப்படாமல் இருக்க என்ன செய்யவேண்டும்???

ஒரே வழி, அவர்கள் உண்மையிலேயே குற்றவாளிகளாக இருக்கவேண்டும்.

  ஹிந்தியா மட்டுமன்றி ஒட்டுமொத்த உலகத்தின் விதிமுறை இதுதான்.

குற்றவாளியை விட அப்பாவிதான் தண்டிக்கப்பட அதிக வாய்ப்பு உள்ளது.

( இது மிகைப்படுத்தப்பட்ட பதிவு அல்ல)

ஈழமும் தனித்தமிழ்நாடும் மோதிக்கொள்ளலாமா?!

ஈழமும் தனித்தமிழ்நாடும் மோதிக்கொள்ளலாமா?!
?.?.?.?.?.?.?.?.?.?.?.?.?.?.?

தமிழ்தேசியம் Vs நாம் தமிழர்
என்பது
தமிழர்நாடு Vs ஈழம்
என்பதன் மறுவடிவமே

முதலில் நாம் தமிழர் கட்சி பேசுவது தமிழ்தேசியமா?
இல்லை.
அது ஈழதேசியம்தான் பேசுகிறது.

மீதி ஏழரைக் கோடி தமிழர்களின் விடுதலையைப் பற்றிய கவலையோ
தனித்தமிழ்நாடு பற்றிய அக்கறையோ
தமிழகமும் ஈழமும் ஒரே நாடு என்ற எண்ணமோ
அவர்களுக்குக் கிடையாது.

அவர்கள் ஈழத்து மனநிலையில்தான் இங்கே திரிந்துகொண்டிருக்கின்றனர்.

அவர்களைப் பொறுத்தவரை தமிழரைத் தமிழன் ஆள்வது என்பது முதல் அமைச்சர் ஆவதுதான்.
(அதாவது முதல் படியை அவர்கள் இறுதி படியாக நினைக்கிறார்கள்)

ஈழத்தில் வந்தேறி அடையாள மறைப்பு கூட்டம் இல்லாததால் புலிகளுக்கு சாதி ஒழிப்பு ஒரு பிரச்சனையாக இருக்கவில்லை.
அங்கே யார் தமிழன் என்ற குழப்பம் இல்லை.

தமிழகத்தின் நிலை வேறு.
தமிழகத்தில் தெற்கே தேனி வரை கன்னடக் குடியேற்றமும்
தூத்துக்குடி வரை தெலுங்கு குடியேற்றமும் உள்ளது.

அதாவது தமிழகத்தின் மூலை முடுக்கெல்லாம் தமிழ்பேசும் அடையாளம் தெரியாத வந்தேறிகள் நிறைந்துள்ளனர்.

தமிழருக்கென்ற ஒரு நாடு அமைந்து,
தமிழ் சாதிகள் யாரெல்லாமோ அவர்களின் ஆவணங்களில் சாதிப் பெயர்களை நீக்கிவிட்டு  அதற்குப் பதில் தமிழர் என்று போடவேண்டும்.

அத்தோடு ஒழிந்தது சாதி.

அதுவரை தமிழரை அடையாளம் காண சாதி அடையாளம் தேவை.

நமக்கான அரசு அமைந்த பிறகு நமக்கான ஒரு மதத்தை நிறுவி அதற்கு மாறிக்கொள்ளவேண்டும்.
அதில் தமிழர் மட்டுமே இணைய வேண்டும்.

சாதி= தமிழ்
இனம்= தமிழ்
மொழி= தமிழ்
மதம்= தமிழியம்
நாடு= தமிழர்நாடு

என்ற நிலை வரவேண்டும்.

தமிழர்நாடு பற்றி பேசாமல் வெறும் ஈழத்தைப் பற்றி பேசும் நா.த.கட்சிக்கு முழு தமிழருக்குமான சீர்திருத்ததை முன்வைக்க என்ன தகுதி உள்ளது?

தமிழக மக்கள் மட்டுமன்றி ஈழமக்கள் கூட உங்களை மட்டுமே நம்பியிருக்கிறார்கள் வேறு போக்கிடம் இல்லை என்று நினைக்கவேண்டாம்.

இப்போதே சாதியை ஒழித்துவிட்டு வா என்று கூறினால்
எதை வைத்து தமிழரை அடையாளம் காண்பீர்கள்?
இதற்கு பொருத்தமான பதில் சொல்லுங்கள் பதிவையே நீக்கிவிடுகிறேன்.

தமிழ் பேசினாலே தமிழர்.
தமிழ் உணர்வு இருந்தாலே தமிழர்.
என்றெல்லாம் வரையறுத்தால் கருணாநிதி கூட தமிழர்தான்.

ஆகவே நாம் தமிழர் அண்ணன்களே தம்பிகளே!

நீங்கள் தமிழ்நாட்டு மாநிலமும் ஈழத்து நாடும் தமிழருக்குக் கிடைக்க போராடுங்கள் தவறில்லை.
அதற்காக தனித்தமிழ்நாடு போராளிகளைப் பகைத்துக்கொள்ளவேண்டாம்.

ஏதேது? நாளை நீங்கள் முதலைச்சராக ஆளும்போது தனித்தமிழ்நாட்டு விடுதலைக்காக ஆயுதம் தூக்கும் இளைஞர்களை அழித்தொழிப்பீர்கள் போலிருக்கிறதே?!

அதே போல தனித் தமிழ்நாடு போராளிகளே!
தமிழர் நாடு போராளிகளே!
நாம் தமிழர் கட்சி வெளிப்படையாகப் பிரிவினை பேச முடியாது.
பேசினால் தேர்தலில் போட்டியிட முடியாது.
அவர்கள் ஆட்சியைப் பிடிப்பது நமக்கு முதல் வெற்றி.
நமக்கான ஆயுதக் குழு தோன்றும் வரை நாம் தமிழரை பந்தாடவேண்டாம்.
புலிகள் ஏன் த.தே.கூ கட்சியை ஆரம்பித்தார்கள்?
அதுபோல நாம் தமிழர் நமக்கான அரசியல் கட்சி அவ்வளவுதான்.

நாம் சீமான் அண்ணனை நம்புகிறோம்.
ஆனால் சீமான் அண்ணனை மட்டுமே நம்பியிருக்கவில்லை.

ஆனால் சாதி ஒழிப்பு நடக்கத்தான் வேண்டும்.
தமிழினமே ஒரே சாதியாவது மட்டுமன்றி அதற்கும் மேல் ஒரே குடும்பமாகும் நிலை வரவேண்டும்.

ஆனால் முதல்படி ஏறுமுன்னே நான்காம் படியில் கால்வைப்பது சரியில்லை.

ஆக நெல்லூர் முதல் கதிர்காமம் வரை
கண்ணூர் முதல் கொழும்புவரை
பெங்களூர் முதல் கண்டி வரை
பரந்து விரிந்த தமிழர்நாடு (ஒரே நாடாக) தமிழரின் ராணுவக் கட்டுப்பாட்டுக்குள் வரும்வரை
சாதி அடையாளம் தேவை.

இதுதான் தீர்ப்பு.

பஞ்சாயத்து முடிந்தது.

கிளம்பி வேறு வேலையிருந்தால் பாருங்கள்.

இதற்கு மேலும் முகநூலில் அண்ணன் தம்பிகளுடன் மோதிக்கொண்டு நாசத்திற்கு வழிவகுக்கவேண்டாம்.

இரு தரப்பினரையும் கேட்டுக்கொள்கிறேன்.

நன்றி.

அணுவுலையும் அப்துல் கலாமும்

அணுவுலையும் அப்துல் கலாமும்

கலாம் தமிழின துரோகியா என்றால் ஆமாம் அவர் துரோகிதான்.

முதலில் கலாம் ஒரு ராக்கெட் விஞ்ஞானி அவருக்கு அணுவுலை பற்றி எப்படி தெரியும்?

அவர் முதலில் விஞ்ஞானியே கிடையாது.

வெளிநாட்டிலிருந்து வரும் ஏவுகணை பாகங்களை ஒன்றாக இணைத்து அதில் ஹிந்தியாவின் கொடியை ஒட்டி வானில் ஏவுவதுதான் இஸ்ரோ வின் வேலை.

சொந்த நாட்டுத் தயாரிப்பு என்று கலாம் காலத்தில் ராக்கெட்டுக்கு அடித்த பெயிண்ட் கூட இல்லை.

அவர் அணுகுண்டு சோதனை நடத்தினார் என்கிறார்கள்.

முதலில் ஒன்றைத் தெரிந்துகொள்ளுங்கள்.

அணுகுண்டு சோதனை தோல்வியில் முடிந்தது.

இதை அக்குழுவின் தலைவர் சந்தானம் வெளிப்படையாகவே கூறிவிட்டார்.

கூடங்குளம் அணுவுலையின் உலையினுடைய சுற்றுச்சுவரை சுத்திப்பார்த்து அது கதிரியக்கத்தைத் தாங்குமா என்று ஆராய்ந்து சொல்லவே இரண்டு மாதம் ஆகும்.

கலாம் வந்தார்.
ஒருமணிநேரம் கண்காட்சி போல சுற்றிபார்த்துவிட்டு அணுவுலை நன்றாக இருக்கிறது என்று அறிக்கை விட்டார்.

இதுதானா அவரது ஆய்வு?!

முதலில் கலாம் பெயரில் கூட்டம் சேர்ப்பது சங்கம் அமைப்பது போன்றவற்றை நிறுத்துங்கள்.

விஞ்ஞானி என்றால் உருப்படியாக எதாவது கண்டுபிடிக்கவேண்டும்.

கலாம் உருப்படியாக கண்டுபிடித்தது ஒன்றுமே கிடையாது.

அவர் தமிழர் என்பதற்காக அவரை ரோல்மாடல் ஆக்கவேண்டாம்.

அவர் பிறந்த ராமேஸ்வரத்து மீனவர் பிரச்சனைக்கோ
எழுவர் தூக்குக்கான கருணை மனுவிலோ
கூடங்குளத்திலோ
அந்த ஆள் தமிழர் மீதான பாசத்தைக் காட்டவில்லை.

நமது ராமானுஜன், சி.வி.ராமன், போன்றவர்கள்தான் உண்மையான அறிவியலாளர்கள்.

வெளிநாட்டில் போய் அப்துல் கலாம் எங்கள் ஹிந்திய நாட்டு தலைசிறந்த விஞ்ஞானி என்று கூறிவிடாதீர்கள்.

காறி துப்பிவிடுவான்.

அணுவுலை பற்றி கூறவேண்டுமானால்

யானை விலை கொடுத்து எலியை வாங்கிவருவது போன்றது

பல கோடி செலவில் அந்த உலையை நிறுவினால் அது தரும் மின்சாரம் மிகவும் குறைவு.

இன்றுவரை ஹிந்தியாவின் ஒட்டுமொத்த மின்தேவையின் 15%தான் அணுவுலைகள் முக்கி முக்கி ஈடு செய்கின்றன.

மீதி 85% மின் உற்பத்திக்கு ஆகும் செலவை விட இதற்கு அதிக செலவு.

ஆபத்து என்று பார்த்தால் உள்ளதிலேயே அதிக ஆபத்து.

ஆபத்து என்றால் சிலிண்டர் பயன்படுத்தமுடியாது
கரண்ட் கூட பயன்படுத்தமுடியாது
வாகனம் ஓட்டமுடியாது என்கிறார்கள்.

அதுவாவது விபத்து நடந்தால் சில உயிர்சேதத்துடன் அன்றே முடிந்துவிடும்.

ஆனால் அணுவுலை கால காலத்திற்கும் தலைமுறை தலைமுறைக்கும் தொடர்ந்து பாதிப்பை ஏற்படுத்தும்.

கால்வாசி தமிழ்நாடு சுடுகாடாகும்.
புல் பூண்டு முளைக்காது.

இதுவும் விபத்தும் ஒன்றா?
இது விபத்தில்லை பேரழிவு.

அணுவுலைக் கழிவையும் அணுகுண்டு போல பாதுகாக்கவேண்டும்.
அணுக்கழிவை அழிக்கும் தொழில்நுட்பம் இதுவரை கண்டறியப்படவில்லை.

40 ஆண்டுகளுக்கு மேல் அணுவுலை காலாவதி ஆகிவிடும்.
அதன்பிறகு அதயும் அணுகுண்டு போல ராணுவப் பாதுகாப்புடன் வைத்திருக்கவேண்டும்.

அமெரிக்காகாரனே 50 ஆண்டுகளாக அணுவுலை திறக்கவில்லை.

மற்ற நாடுகள் அணுவுலைகளை மூடுவதைப் பற்றி திட்டமிடுகின்றன.

3 மாதம் வெயிலடிக்கும் நாடுகளெல்லாம் அதை சோலார் பேனல் மூலம் மின்சாரம் தயாரிக்கின்றன.

நாம் 12 மாதமும் கொளுத்தும் வெயிலை விட்டுவிட்டு

காற்று வீசும் கரிசல் காடுகளில் காற்றாலைகளை வைப்பதை மறந்துவிட்டு
கடல் அலை ஆற்றல்
அணை தேக்க ஆற்றல்
போன்றவற்றையும் செய்யாமல் அணுவுலை மடியில் கட்டி மின்சாரமெடுத்து
30% பிச்சையாக எடுத்துக்கொண்டு மீதியை நமக்கு தண்ணியே தராத கன்னடனுக்கும் தெலுங்கனுக்கும் மலையாளிக்கும் கொடுத்துவிடுகிறோம்.

தமிழகத்தில் இருக்கும் குண்டு பல்புகளை மாற்றிவிட்டு சி.எப்.எல் மாட்டினாலே அணுவுலைகளை மூடிவிடலாம்.
அந்த அளவு மின்சாரம் மிச்சமாகும்.

டிரான்பார்மர் மூலம் வீட்டுக்கு கரண்ட் வந்து சேரவே 40% வீணாகிறது.
அந்த அழகில் மின்துறை செயல்படுகிறது.

இதில் அணுவுலை வந்துதான் தூக்கிநிறுத்தவேண்டும் என்போருக்கு என் ஆழ்ந்த இரங்கல்கள்

மனுதர்மம் பார்ப்பனர் படைத்ததா?

பிராமணிய கொடுநெரிகளைச் சட்டவடிவமாக்கிய 'மனு நூல்',
அது பார்ப்பனரால் ஆக்கப்பட்ட நூல் அல்ல.

அது கி.பி.நான்காம் நூன்றாண்டில் கருனாடகத்து (திராவிடன்) கடம்பப் பேரரசனான மயூரவர்மனின் அவையில் அரங்கேற்றப் பெற்ற சட்டநூல்.

மானவக் குலம் என்பது 'ஆரிபுத்திரனின் வழிவந்த' கடம்ப்பரையும், சாளுக்கியரையுமே குறித்தது.
'மானவத் தருமநூல்' எனப்பட்ட மனுநூல் இதனால் கருனாடகத்து கன்னட அரசர் ஆக்கிய நூலேயாகும்.

அதையொத்த
ஆவத்தம்பா சூத்திரம்,
போதாயன சூத்திரம்,
நாரதர் சூத்திரம் முதலான பிராமனியாயச் சட்ட நூல்களும் கூடத் தென்னகத்தின் 'திராவிட' அரசுகளால் ஆக்கப்பெற்ற சட்ட நூல்களே ஆகும்.

பார்ப்பனர்தான் சாதியைப் படைத்தனர்?!

பார்ப்பனர்தான் சாதியைப் படைத்தனர் என்பது,

அகராதியை (டிக்ஸ்னரி) எழுதியவன்தான் மொழியைப் படைத்தான் என்று கூறுவதைப் போன்றது.

பார்ப்பனரின் நிறம் அவர்கள் வேற்றினம் என்பதால் ஏற்பட்டதல்ல.

வெயிலில் வேலை செய்யும் மக்களின் நிறம் கருப்பாகவும்
வெயிலில் அலையாமல் கோவிலுக்குள் கருவறைப் புழுக்கத்தில் வேலை செய்யும் பார்ப்பனருக்கும் நிற வேறுபாடு இருக்கத்தான் செய்யும்.

உடல் வியர்வை வெளிவர வேலை செய்யும் மக்கள்
உட்கார்ந்த இடத்தில் வேலை செய்யும் மக்களால் அருவருப்பின் காரணமாக ஒதுக்கப்பட்டு தொட விருப்பமின்றி தீண்டாமை கொடுமைக்கும் ஆளாகினர்.

பார்ப்பனர் தொழிலில் வேற்றின ஆட்சியில் சமஸ்கிருதம் மிகவும் பிற்பாடுதான் புகுத்தப்பட்டது.

தாய்லாந்து வரை சைவமும் வைணவமும் பரவியபோது தமிழில்தான் பூசைகள் நடந்தன.
இன்றும் அவர்கள் தமிழில் ஓதுகிறார்கள்.

தமிழர் அரசு வீழ்ந்த பிறகு ஒரு கன்னட மன்னன் அரசவையில் பிராமணர்களால் மனுதர்மம் இயற்றப்பட்டு அரங்கேற்றப்பட்டது.

இது சாதி வேறுபாடுகள் தொடங்கி பல காலம் பிறகுதான்.

தமிழ்ப் பார்ப்பனர் படைத்தது ஆகமம் தான்.
மனுஸ்மிருதி பிராமணர் படைத்தது.

ஆகமத்தில் எந்த ஏற்றத்தாழ்வும் கிடையாது.
தகுதியுடைய யாரும் பூசை செய்யும் பார்ப்பனர் ஆகலாம்.

சாதியை உருவாக்கியதாகவும்
சமஸ்கிருதத்தைப் புகுத்தியதாகவும்
தமிழ்ப் பார்ப்பனர் மீது அநியாயப் பழி போடவேண்டாம்.

தமிழ்ப் பார்ப்பனருக்கும் ஆரியருக்கும் யாதொரு தொடர்பும் கிடையாது.
அதனால் அதற்கு சான்றும் கிடையாது.

வீரப்பன் என்ற அரக்கனைக் கொல்லவேண்டும் - ரஜினிகாந்த் ஆவேசம்

வீரப்பன் என்ற அரக்கனைக் கொல்லவேண்டும்
- ரஜினிகாந்த் ஆவேசம்

11-08-2002

கன்னட நடிகர் ராஜ்குமாரின் மகன் புனீத் ராஜ்குமார் நடித்துள்ள "அப்பு" படத்தின் 100வது நாள் விழாபெங்களூரில் நடந்தது.
அதில் ரஜினிகாந்த் சிறப்பு விருந்தினராகக் கலந்து கொண்டார்.

அதில் அவர் பேசியபோது,
வீரப்பன் குறித்து கன்னட மொழியிலேயே படு ஆவேசமாக பேசினார்.

விழாவில் ரஜினி பேசியதாவது:

"வீரப்பன் மனிதனே அல்ல.
அவன் ஒரு அரக்கன்.
அந்த அரக்கனை சம்ஹாரம் செய்யும் நேரம் வந்துவிட்டது.
அவன் எங்கிருந்தாலும் அவனைத் தேடிப் பிடித்து அழித்துக் கொல்ல வேண்டும்.

வீரப்பனைப் போன்றவர்களை விட்டு வைப்பது நாட்டுக்கு நல்லதல்ல.
எவ்வளவு சீக்கிரம் அவனைக்கொல்கிறோமோ அது நல்லது.

நடிகர் ராஜ்குமார் ஒரு மிகப் பெரிய மனிதர்.
அவரை காட்டுக்குள் வைத்திருந்த ஒவ்வொரு நளும் எனக்குத்தூக்கம் இல்லை.
அவரது வனவாசம் முடிந்துவிட்டது.
இதுவரை கர்நாடக மக்களுக்கு மட்டுமே பரிச்சயமான ராஜ்குமார் இப்போது உலகப் புகழ் பெற்றுவிட்டார்.

ராஜ்குமாரை மீட்பதற்கான முயற்சிகளில் முன்னாள் தமிழக முதல்வர் கருணாநிதியும், கர்நாடக முதல்வர் எஸ்.எம்.கிருஷ்ணாவும், தமிழர் தேசிய இயக்கத் தலைவர் பழ. நெடுமாறனும் மேற்கொண்ட முயற்சிகளை நாம் நிச்சயம் பாராட்டியே ஆக வேண்டும்.
அவர்களுக்கு எனது ஹேட்ஸ் ஆப்"
என்றார் ரஜினிகாந்த்.

ரஜினியின் இந்த ஆவேசப் பேச்சு அரங்கில் கூடியிருந்தவர்களுக்கு இனிய அதிர்ச்சியாக இருந்தது.

இதுவரை வீரப்பன் குறித்து ரஜினி வெளிப்படையாக எந்தக் கருத்தையும் தெரிவிக்கவில்லை.
இப்போது தான் முதல்முறையாக,  அதுவும் மிகவும் ஆவேசமாக, ராஜ்குமார் முன்னிலையில் வெளிப்படுத்தியுள்ளார் ரஜினி.

ரஜினியின் இந்த ஆவேசப் பேச்சை ராஜ்குமார் உள்ளிட்ட அனைவரும் மிகவும் ஆர்வத்துடன் கேட்டனர்.

ரஜினி பேசியபோதெல்லாம் கூட்டத்தில் கைத்தட்டல் பலமாக இருந்தது.

கர்நாடக தமிழர்களிடையே பீதி:
அதேசமயம், ரஜினியின் வீரப்பன் குறித்த பேச்சு கர்நாடக தமிழர்களிடையே ஒருவித பீதியையும்ஏற்படுத்தியுள்ளது.
காரணம், கன்னடர்களைப் பொறுத்தவரை வீரப்பன் என்று அவர்கள் தனித்துப் பார்ப்பதில்லை,
அவன் ஒரு தமிழன் என்ற ரீதியில் தான் அவர்கள் பார்க்கிறார்கள்.

இப்போது ரஜினியே வீரப்பனை அழிக்க வேண்டும் என்று ஆவேசமாக கூறி விட்டதால்,
அதன் மூலம், ராஜ்குமார்கடத்தலுக்குப் பிறகு தமிழர்களைக் குறிவைத்துக் காத்திருக்கும் கன்னடவெறியர்களுக்கு தீனிபோட்டது போலாகிவிட்டதாக கர்நாடகத் தமிழர்கள் அஞ்சுகிறார்கள்....

tamil.oneindia.com/ news/2002/08/12/ rajini.html

ஏனிந்த ஆவேசம் அறிவோமா???

ராஜ்குமாரை கடத்தி வீரப்பனார் வைத்த கோரிக்கைகள்

1. காவிரிப் பிரச்சினையை அனைத்துலக நீதிமன்றம் விசாரித்து முடிவு கூறவேண்டும்.

2.தமிழக சிறைகளில் உள்ள தமிழர் நாட்டு விடுதலைப் படை, தமிழர்நாடு மீட்புப் படை ஆகியவற்றைச் சேர்ந்த ஐந்துபேரை தமிழக அரசு உடனே விடுவிக்க நடவடிக்கை எடுக்கவேண்டும்.

3.வாச்சாத்தி,சின்னாம்பதி கற்பழிப்புச் சம்பவங்களில் பாதிக்கப்பட்ட பெண்களுக்கு ஆகியோருக்கு நஷ்டஈடு தரவேண்டும்.

4. தமிழகத்தில் பத்தாம் வகுப்பு வரை தமிழ்வழிக் கல்வியைக் கட்டாயமாக்க வேண்டும்.
அதற்கான சட்டம் இயற்ற வேண்டும்.

5. தடா சட்டத்தில் கைது செய்யப்பட்டு சிறையில் அடைக்கப்பட்டுள்ள அப்பாவித்தமிழர்களை விடுவிக்க வேண்டும்.
அவர்களுக்கு உறுதியளித்தபடி நிவாரணம் வழங்க வேண்டும்.

தமிழர்களின் மீதான பொறாமையையும் வெறுப்பையும் பணமாக அறுவடைசெய்ய ராம்கோபால் வர்மா இந்தியில் எடுத்த "வீரப்பன்" படம் ரஜினிகாந்தைக் கடத்த வீரப்பன் திட்டமிட்டதாகக் காட்டுகிறது.

அதிலே வீரப்பனார் இராவணனையும் பிரபாகரனாரையும் புகழ்கிறார்.

ஹிந்தியர்களே!
உங்கள் வெறுப்புதான் எங்கள் பலம்.