மராத்திய மண்ணின் மகள்

மராத்திய மண்ணின் மகள்

ரஜினிகாந்த் எனும் சிவாஜிராவ் கெய்க்வாட் தான் ஒரு மராத்தியன் என்பதை மறைத்து நாடகமாடினாலும்

முதல் மகளும் அவளது தெலுங்கு கணவன் தனுஸ் என்பவரும் தனது அடையாளத்தை மறைத்தாலும் தமிழ்வேடம் போட்டாலும்

இரண்டாவது மகள் சௌந்தர்யா தனது மராத்திய அடையாளத்தை மறைக்கவில்லை

அவரது பெயரான ஷக்குபாய் ராவ் கெய்க்வாட் என்பதை இப்போதும் பயன்படுத்துகிறார்.

சக்குபாய் என்ற பெயரில் படம் ஒன்று எடுக்கப்பட்டபோது வழக்கும் போட்டார்.

மராத்திய மண்ணின் மகள் Shaku Bai Rao Gaikwad வாழ்க!

மோடி அருள் கிடைத்த வந்தேறிகளுக்கு வந்த வாழ்வு

மோடி அருள் கிடைத்த வந்தேறிகளுக்கு வந்த வாழ்வு

மோடி பிரதமராக பதவியேற்ற பின்னர் அவரிடம் தனக்கிருக்கும் செல்வாக்கை பயன்படுத்திக்கொண்ட ரஜினி தன் மகளுக்கு ஐநாவின் நல்லெண்ணத் தூதர் பதவியை பெற்றுக்கொடுத்தார்.

"இதயம் நல்லெண்ணெய்" க்கு கூட தூதராக எவ்வித தகுதிகளும் இல்லாத ஐஸ்வர்யா
'ரஜினியின் மகள்' 'தனுஷின் மனைவி' என்பதைத் தவிற வேறு சிறப்பியல்புகள் எதுவும் இல்லை.
ஆனாலும் அவர் ஐநாவின் தூதர் ஆனது பற்றி சர்ச்சைகள் எதுவும் இல்லை காரணம் ஐநா என்பதே ஐஸ்வர்யாக்கள் தூதவராவதற்கான அமைப்புதான்.

ஐஸ்வர்யாவின் மாமனார் கஸ்தூரிராஜா ஐநாவின் மனித உரிமை ஆணையரே ஆகலாம்.
காரணம் ஐநாவின் மனித உரிமை ஆணையராக இருக்க அதவருக்கு இருக்கும்(?) தகுதியே போதும்.

'ஐநாவில் பரதநாட்டியம் ஆடப்போகும் தமிழ் பெண்' என்று கடந்த சில நாட்களாகவே பத்திரிகைகளில் பெரிய பெரிய விளம்பரச் செய்திகள் வந்தன.
யார் அந்த தமிழ் பெண் என்று பார்த்தால் ஐஸ்வர்யா தனுஷ்.
அடடா இவளல்லவா தமிழ்மகள்.
என்னவொன்று...
தந்தை மராத்தியர் கணவன் தெலுங்கர் அவ்வளவுதான்.

ஐநா கொண்டாடவிருந்த மார்ச் 8 மகளிர் தினத்தில் ஐஸ்வர்யா நடனம் ஆடுகிறார்.
அதாவது நல்லெண்ண தூதரே பரத நாட்டிய வாய்ப்பை வேறு யாருக்கும் வழங்காமல் எடுத்துக்கொண்டார்.
தன் நாட்டிய திறனைக் காட்ட.

டி.வி.எஸ். சுந்தரம் அய்யங்கார் குடும்பத்தில் இருந்து வந்தாலும் கூட அனிதா ரத்னம் பரதத்தில் குறிப்பிடத்தக்க பல சாதனைகளைச் செய்தவர்,
அது போல நர்த்தகி நட்ராஜ் போன்றோர்களும் மிகச்சிறந்த தமிழகம் அறிந்த நடனக்கலைஞர்கள்.

ஆனால் இவர்கள் போன்ற யாருக்கும் வாய்ப்பு சென்றுவிடாமல் தானே அந்த வாய்ப்பை எடுத்துக் கொண்டு ஐஸ்வர்யா அசைவேயின்றி ஆடிய ஆட்டம் இருக்கிறதே.
ப்ப்ப்ப்ப்ப்ப்ப்பா படு மொக்கை.

நம்மூர் திருவிழாவில் பாம்பு டான்ஸ் ஆடுகிறவர்கள் கூட கை , கால் வளைத்து நெளிவுகளோடு அழகாக ஆடுவார்கள்.
பரதத்திற்கு ஏற்ற உடல் வாகோ பாவனைகளோ பயிற்சியோ கடுகளவும் இல்லாமல் மரக்கட்டை காற்றிலாடுவது போல அவர் 'போட்ட' நடனத்தை அதிர்ச்சியோடு அந்த அரங்கில் பார்த்துக் கொண்டிருந்தனர்.

குடும்பம் குடும்பாக வந்தேறி மண்ணின் மைந்தருக்குக் கிடைக்கவேண்டிய மொத்த வாய்ப்புகளையும் பதவிகளையும் கைப்பற்றிக் கொள்ளும் இவர்களுக்கும் கலைக்கும் உலகநாடுகளின் சமாதானத்துக்கும் என்னதான் தொடர்பு?

ஐநா நீதி பெற்றுத்தரும் என்று இன்னமும் நம்பும் ஈழத்தமிழரை நினைத்தால்தான் கவலையாக உள்ளது.

(புலனச்செய்தி)

வீரப்பன் என்ற அரக்கனைக் கொல்லவேண்டும் - ரஜினிகாந்த் ஆவேசம்

வீரப்பன் என்ற அரக்கனைக் கொல்லவேண்டும்
- ரஜினிகாந்த் ஆவேசம்

11-08-2002

கன்னட நடிகர் ராஜ்குமாரின் மகன் புனீத் ராஜ்குமார் நடித்துள்ள "அப்பு" படத்தின் 100வது நாள் விழாபெங்களூரில் நடந்தது.
அதில் ரஜினிகாந்த் சிறப்பு விருந்தினராகக் கலந்து கொண்டார்.

அதில் அவர் பேசியபோது,
வீரப்பன் குறித்து கன்னட மொழியிலேயே படு ஆவேசமாக பேசினார்.

விழாவில் ரஜினி பேசியதாவது:

"வீரப்பன் மனிதனே அல்ல.
அவன் ஒரு அரக்கன்.
அந்த அரக்கனை சம்ஹாரம் செய்யும் நேரம் வந்துவிட்டது.
அவன் எங்கிருந்தாலும் அவனைத் தேடிப் பிடித்து அழித்துக் கொல்ல வேண்டும்.

வீரப்பனைப் போன்றவர்களை விட்டு வைப்பது நாட்டுக்கு நல்லதல்ல.
எவ்வளவு சீக்கிரம் அவனைக்கொல்கிறோமோ அது நல்லது.

நடிகர் ராஜ்குமார் ஒரு மிகப் பெரிய மனிதர்.
அவரை காட்டுக்குள் வைத்திருந்த ஒவ்வொரு நளும் எனக்குத்தூக்கம் இல்லை.
அவரது வனவாசம் முடிந்துவிட்டது.
இதுவரை கர்நாடக மக்களுக்கு மட்டுமே பரிச்சயமான ராஜ்குமார் இப்போது உலகப் புகழ் பெற்றுவிட்டார்.

ராஜ்குமாரை மீட்பதற்கான முயற்சிகளில் முன்னாள் தமிழக முதல்வர் கருணாநிதியும், கர்நாடக முதல்வர் எஸ்.எம்.கிருஷ்ணாவும், தமிழர் தேசிய இயக்கத் தலைவர் பழ. நெடுமாறனும் மேற்கொண்ட முயற்சிகளை நாம் நிச்சயம் பாராட்டியே ஆக வேண்டும்.
அவர்களுக்கு எனது ஹேட்ஸ் ஆப்"
என்றார் ரஜினிகாந்த்.

ரஜினியின் இந்த ஆவேசப் பேச்சு அரங்கில் கூடியிருந்தவர்களுக்கு இனிய அதிர்ச்சியாக இருந்தது.

இதுவரை வீரப்பன் குறித்து ரஜினி வெளிப்படையாக எந்தக் கருத்தையும் தெரிவிக்கவில்லை.
இப்போது தான் முதல்முறையாக,  அதுவும் மிகவும் ஆவேசமாக, ராஜ்குமார் முன்னிலையில் வெளிப்படுத்தியுள்ளார் ரஜினி.

ரஜினியின் இந்த ஆவேசப் பேச்சை ராஜ்குமார் உள்ளிட்ட அனைவரும் மிகவும் ஆர்வத்துடன் கேட்டனர்.

ரஜினி பேசியபோதெல்லாம் கூட்டத்தில் கைத்தட்டல் பலமாக இருந்தது.

கர்நாடக தமிழர்களிடையே பீதி:
அதேசமயம், ரஜினியின் வீரப்பன் குறித்த பேச்சு கர்நாடக தமிழர்களிடையே ஒருவித பீதியையும்ஏற்படுத்தியுள்ளது.
காரணம், கன்னடர்களைப் பொறுத்தவரை வீரப்பன் என்று அவர்கள் தனித்துப் பார்ப்பதில்லை,
அவன் ஒரு தமிழன் என்ற ரீதியில் தான் அவர்கள் பார்க்கிறார்கள்.

இப்போது ரஜினியே வீரப்பனை அழிக்க வேண்டும் என்று ஆவேசமாக கூறி விட்டதால்,
அதன் மூலம், ராஜ்குமார்கடத்தலுக்குப் பிறகு தமிழர்களைக் குறிவைத்துக் காத்திருக்கும் கன்னடவெறியர்களுக்கு தீனிபோட்டது போலாகிவிட்டதாக கர்நாடகத் தமிழர்கள் அஞ்சுகிறார்கள்....

tamil.oneindia.com/ news/2002/08/12/ rajini.html

ஏனிந்த ஆவேசம் அறிவோமா???

ராஜ்குமாரை கடத்தி வீரப்பனார் வைத்த கோரிக்கைகள்

1. காவிரிப் பிரச்சினையை அனைத்துலக நீதிமன்றம் விசாரித்து முடிவு கூறவேண்டும்.

2.தமிழக சிறைகளில் உள்ள தமிழர் நாட்டு விடுதலைப் படை, தமிழர்நாடு மீட்புப் படை ஆகியவற்றைச் சேர்ந்த ஐந்துபேரை தமிழக அரசு உடனே விடுவிக்க நடவடிக்கை எடுக்கவேண்டும்.

3.வாச்சாத்தி,சின்னாம்பதி கற்பழிப்புச் சம்பவங்களில் பாதிக்கப்பட்ட பெண்களுக்கு ஆகியோருக்கு நஷ்டஈடு தரவேண்டும்.

4. தமிழகத்தில் பத்தாம் வகுப்பு வரை தமிழ்வழிக் கல்வியைக் கட்டாயமாக்க வேண்டும்.
அதற்கான சட்டம் இயற்ற வேண்டும்.

5. தடா சட்டத்தில் கைது செய்யப்பட்டு சிறையில் அடைக்கப்பட்டுள்ள அப்பாவித்தமிழர்களை விடுவிக்க வேண்டும்.
அவர்களுக்கு உறுதியளித்தபடி நிவாரணம் வழங்க வேண்டும்.

தமிழர்களின் மீதான பொறாமையையும் வெறுப்பையும் பணமாக அறுவடைசெய்ய ராம்கோபால் வர்மா இந்தியில் எடுத்த "வீரப்பன்" படம் ரஜினிகாந்தைக் கடத்த வீரப்பன் திட்டமிட்டதாகக் காட்டுகிறது.

அதிலே வீரப்பனார் இராவணனையும் பிரபாகரனாரையும் புகழ்கிறார்.

ஹிந்தியர்களே!
உங்கள் வெறுப்புதான் எங்கள் பலம்.

கபாலி முன்னோட்டம்

கபாலி முன்னோட்டம் (டீஸர்)

மலேசியாவில் மக்களுக்காகப் போராடிய எத்தனையோ தமிழர்கள் இருக்க

மலேசியாவைக் கலக்கிய நிழலுகப் பெருந்தலையான பென்டாங் 'காளி' என்ற தமிழரின் வாழ்க்கையைத் தழுவி எடுக்கப்பட்ட படம்.

ஒரே ஒரு நன்மை என்னன்னா "மகிழ்ச்சி" என்ற தமிழ்வார்த்தய இனிமே பலரும் பயன்படுத்துவாங்க.

அவ்ளதான்.

திருந்தாத பிறவிகளுடன் ஏன் மோதவேண்டும்?

""திருந்தாத பிறவிகளுடன்
ஏன் மோதவேண்டும்?""

டடடடடடடடடடடடடடடடடடடட டடடடடடடடடடடடடடட

நான் கண்ட கழிசடைப் புத்தகங்களை படிப்பது கிடையாது.
இருந்தாலும், என் கெட்டநேரம் இன்று ஒரு பழைய குக்குமம் புத்தகம்(?!) படிக்க நேர்ந்தது.

முகப்புப் பக்கத்திலேயே 'சூப்பரா மாறுது ரஜினி ஸ்கூல்' என்று போட்டிருந்தது.
தமிழ்ப்புத்தகமே கிடைக்காத பாலைவனத்தில் குப்பைகொட்டவைத்த என் விதியை நொந்தபடி அதைப் படித்துத் தொலைத்தேன்.

அதற்குமுன் ஓர் எச்சரிக்கை!
இது ஏதோ ரசினிகாந்து பற்றிய பதிவு என்று நினைப்பவர்கள் என்னை மன்னித்துவிட்டு ஒழிந்துபோய்விடுங்கள்.
இது ஒரு அரசியல் பதிவு.

கதைக்கு வருவோம். அந்தக் குங்குமத்தில் பெங்களூர் (நம்ம தமிழ்நாட்டிடமிருந்து கன்னடவர் பிடுங்கிக் கொண்ட வெங்கலூர்தான்) அருகே கவிபுரம் (கர்நாடகாவில் தமிழ்ப்பெயர்??) என்ற இடத்தில் ரசினி ஐந்தாம் வகுப்பு வரை படித்த பள்ளி இருக்கிறது.
அதை "கர்நாடக மாநில ரஜினி சேவா சமிதி(!!!!!!!)" தலைவர் 'ரசினி'முருகன் பலரிடம் மனு கொடுத்து, பலரைத் திரட்டிப் போராடி, மனிதவுரிமை ஆணையம் வரை சென்று அப்பள்ளியைப் புதுப்பிக்க வழிஏற்படுத்தியுள்ளார்
(தமிழன் என்பதை நிறுவு நிறுவு என்று நிறுவிவிட்டார்).

கர்நாடக அரசாங்கமும் ரசினி படித்த பள்ளி என்றதும் வாயைப்பிளந்து சென்னை பன்னாட்டு நிறுவனங்களுக்கு சமமான தரமான கட்டிடம் (படத்தில் மாதிரி வடிவம் பார்க்க) கட்டித்தரவுள்ளது.

இதில் ரசினி உட்கார்ந்து படித்த வகுப்பறை 'ரசினி நினைவரங்கமாக' மாற்றப்படவுள்ளதாம்.
இதற்கும் ரசினிக்கும் யாதொரு தொடர்பும் கிடையாது,
இதை ஆதரிக்கும் வகையில் வாழ்த்து கூட தெரிவித்ததாக செய்தியில்லை.
நன்கொடை வழங்கவேண்டிவருமே என்று விட்டிருக்கலாம்.

சரி இந்தக் கோமாளித்தனத்தை இப்போதெதற்கு கூறினேன் என்றால்,
'எவ்வளவு முட்டாள்தனமான கொள்கைகளைக் கொண்டவர்களும் அதை தக்கவைக்க உருப்படியான சில நல்லதுகள் செய்வார்கள்'
என்று எடுத்துக்காட்டத்தான்.

இந்தப் பள்ளியைப் புதுப்பிப்பதன் மூலம் ரசினி ரசிகர்கள் ஆனந்தக் கண்ணீர் விடலாம்,
ஆனால் அவர்கள் கொள்கை சரியென்றாகுமா என்றால் ஆகாதுதானே?!.

  இவர்களைப் போல ஒரு குறிப்பிட்ட கொள்கையில் ஊறிப்போனவர்களை என்னதான் வாதம் செய்தாலும் திருத்தவே முடியாது.

அவர்களுக்கே அது தவறென்று பட்டாலும் எப்படியாவது தமது கொள்கை  சரியென்றே தன்மனதை நம்பவைத்துவிடுவார்கள்.
ஏனென்றால் அது அவர்கள் குருதியில் ஊறிவிட்டது.
அவர்களுக்கு அக்கொள்கை மூலம் நன்மை கிடைத்திருக்கலாம்,
அவர்கள் குடும்பத்தவர்கள் அக்கொள்கையால் பயனடைந்திருக்கலாம்,
அவர்கள் மதிக்கும் நபர்கள் அந்தக் கொள்கையாளராக இருக்கலாம்,
அவர்கள் பலவருடங்களாக அதையே சரி என்று நம்பிவந்திருக்கலாம்.

திடீரென்று அந்தக் கொள்கையை ஒருவர் தவறு என்று ஆதாரத்தோடு நிறுவிக்காட்டியதும் அவர்கள் ஒப்புக்கொள்வார்களா என்றால் மாட்டார்கள்.
ஏன்? அதை ஒப்புக்கொண்டால் தனது கொள்கை தவறு என்றாகி அதை இத்தனை நாள் நம்பிய தானும் முட்டாள் என்று ஒத்துக்கொள்ளவேண்டிவரும்.

அத்தனை மனத்துணிச்சல் யாருக்கும் கிடையாது.

தான் கொண்ட கொள்கை தவறென்று தெரிந்ததும் அதை ஆராய்ந்து தூக்கியெறிய அசாத்தியத் துணிச்சல் வேண்டும்.

தலித்தியம், சாதியம், இந்துத்துவம், இசுலாமியம், கிறித்துவம், இந்தியம், திராவிடம், ஆரியம் என்ற ஆயிரத்தெட்டு கொள்கைகளும் அதை வெறியாக ஏற்றுக்கொண்டு தவறாகப் பயன்படுத்துபவர்களுடன் ஒரு தமிழ்த்தேசியவாதியாக கருத்துரீதியாக மோதியிருக்கிறேன்.

என்னதான் ஆதாரங்கள், மேற்கோள்களுடன் தோற்கடித்தாலும் அவர்கள் ஒத்துக்கொள்ளமாட்டார்கள்.
ஏன் என்றால் அவர்கள் குருதியில் ஊறி வெறியாக மாறிவிட்ட கருத்துக்கள் அவர்கள் சாகும்வரை கூடவே இருக்கும்.

'அவனுகளத் திருத்தமுடியாது, ஏன் வீணா சண்டபோடுற' என்று என் நண்பர்கள் கேட்கிறார்கள்.

அதற்கு பதில் இதுதான்,
அவர்களைத் திருத்துவது நோக்கமில்லை,
ஆனால் இந்த வாதத்தைப் பார்க்கிறவனுக்கு தமிழ்த்தேசியத்தின் முன் மற்ற கொள்கைகள் எப்படி நிற்கமுடியாமல் தடுமாறுகின்றன என்று புரியவேண்டும்.
புதிதாக ஒரு கொள்கையைத் தேடுபவர்கள் நம்பக்கம் வரவேண்டும்.

அந்த அந்தக் கொள்கையில் ஊறிப்போனவர்கள் தம்மை பின்தொடர யாருமில்லாதபோது தானே மடிந்துபோவார்கள்.
அத்தோடு அந்தக் கொள்கைகளும் மடிந்துவிடும்.

இந்த ஒரு காரணத்துக்காகத்தான் அவர்களோடு மோதுகிறேன்.

திருத்தமுடியாதவர்களோடு நாம் தொடர்ந்து மோதினால்தான் அவரைப் பின்தொடர நினைப்போரை நாம் இழுத்துக்கொள்ள முடியும்.
அதுதான் அவர்களின் தோல்விக்கு வழிவகுக்கும்.