உதவாத ஸ்டெர்லைட்டின் உற்பத்தி

உதவாத ஸ்டெர்லைட்டின் உற்பத்தி

* ஸ்டெர்லைட் ஆலையின் தாமிர உற்பத்தியில் ஏறத்தாழ 80% சீனாவிற்கு செல்கிறது.

* மீதி 20% சதவீதத்தில் எந்த நாடுகளிலிருந்து தாமிரத் தாது எடுக்கப்பட்டதோ (பெரும்பாலும் ஆஸ்திரேலியா மற்றும் ஜாம்பியா) அதே நாட்டிற்கு அனுப்பபட்டு அங்கே வரிவிலக்கு பெறப்படுகிறது.

* மிச்சமீதி தாமிரம் தூத்துக்குடியின் தாமிரத் தேவையைக் கூட பூர்த்தி செய்ய முடிவதில்லை.
தேறாத கழிவு தாமிரமே உள்ளூர் சந்தைக்கு வருகிறது.
இந்த உள்ளூர் வணிகமும் ஸ்டெர்லைட் பெயரால் நடக்காமல் கள்ளச்சந்தை மூலம் நடக்கிறது.

* இதுபோக ஆனோடு வெளிநாடுகளுக்கு அனுப்பப் படுகிறது.
இந்த ஆனோடு வெறும் ஆனோடு கிடையாது; தங்கம், பிளாட்டினம், பல்லேடியம் போன்றவை திருட்டுத்தனமாக கலக்கப்பட்டது.
அதாவது ஆனோடில் மறைத்து கள்ளக்கடத்தல் செய்கிறார்கள்.

ஸ்டெர்லைட் உற்பத்தி நாட்டுக்கு தேவை என்போர் முதலில் அவர்கள் கட்டாமல் பாக்கிவைத்துள்ள 750கோடி சுங்கவரியை நாட்டுக்கு வாங்கி கொடுத்துவிட்டு பேசலாம்.

ஸ்டெர்லைட் காப்பர் கம்பி இல்லாமல் மின்சாரம் வராது என்போர் அவர்கள் இதுவரை பாக்கி வைத்திருக்கும் மின்சாரக் கட்டணமான 10கோடி ரூபாயை வாங்கித் தந்துவிட்டு பேசலாம்.

ஸ்டெர்லைட் காப்பர் கம்பி இல்லாமல் மோட்டார் இயங்காது அதனால் வயலுக்கு தண்ணீர் பாய்ச்ச முடியாது என்போர்,
ஆயிரம் லிட்டர் தண்ணீரை வெறும் 15ரூபாய்க்கு பெறும் ஸ்டெர்லைட் இதுவரை தண்ணீர் கட்டணமே கட்டியதில்லை என்பதையும் அந்த பாக்கித் தொகை 2011லேயே 82கோடி ரூபாய் என்பதையும் அறிந்து பேசவும்.

சான்று நூல்: ஸ்டெர்லைட்டின் சூழலியல் படுகொலை
வெளியீடு: பூவுலகின் நண்பர்கள்

அணுவுலையும் அப்துல் கலாமும்

அணுவுலையும் அப்துல் கலாமும்

கலாம் தமிழின துரோகியா என்றால் ஆமாம் அவர் துரோகிதான்.

முதலில் கலாம் ஒரு ராக்கெட் விஞ்ஞானி அவருக்கு அணுவுலை பற்றி எப்படி தெரியும்?

அவர் முதலில் விஞ்ஞானியே கிடையாது.

வெளிநாட்டிலிருந்து வரும் ஏவுகணை பாகங்களை ஒன்றாக இணைத்து அதில் ஹிந்தியாவின் கொடியை ஒட்டி வானில் ஏவுவதுதான் இஸ்ரோ வின் வேலை.

சொந்த நாட்டுத் தயாரிப்பு என்று கலாம் காலத்தில் ராக்கெட்டுக்கு அடித்த பெயிண்ட் கூட இல்லை.

அவர் அணுகுண்டு சோதனை நடத்தினார் என்கிறார்கள்.

முதலில் ஒன்றைத் தெரிந்துகொள்ளுங்கள்.

அணுகுண்டு சோதனை தோல்வியில் முடிந்தது.

இதை அக்குழுவின் தலைவர் சந்தானம் வெளிப்படையாகவே கூறிவிட்டார்.

கூடங்குளம் அணுவுலையின் உலையினுடைய சுற்றுச்சுவரை சுத்திப்பார்த்து அது கதிரியக்கத்தைத் தாங்குமா என்று ஆராய்ந்து சொல்லவே இரண்டு மாதம் ஆகும்.

கலாம் வந்தார்.
ஒருமணிநேரம் கண்காட்சி போல சுற்றிபார்த்துவிட்டு அணுவுலை நன்றாக இருக்கிறது என்று அறிக்கை விட்டார்.

இதுதானா அவரது ஆய்வு?!

முதலில் கலாம் பெயரில் கூட்டம் சேர்ப்பது சங்கம் அமைப்பது போன்றவற்றை நிறுத்துங்கள்.

விஞ்ஞானி என்றால் உருப்படியாக எதாவது கண்டுபிடிக்கவேண்டும்.

கலாம் உருப்படியாக கண்டுபிடித்தது ஒன்றுமே கிடையாது.

அவர் தமிழர் என்பதற்காக அவரை ரோல்மாடல் ஆக்கவேண்டாம்.

அவர் பிறந்த ராமேஸ்வரத்து மீனவர் பிரச்சனைக்கோ
எழுவர் தூக்குக்கான கருணை மனுவிலோ
கூடங்குளத்திலோ
அந்த ஆள் தமிழர் மீதான பாசத்தைக் காட்டவில்லை.

நமது ராமானுஜன், சி.வி.ராமன், போன்றவர்கள்தான் உண்மையான அறிவியலாளர்கள்.

வெளிநாட்டில் போய் அப்துல் கலாம் எங்கள் ஹிந்திய நாட்டு தலைசிறந்த விஞ்ஞானி என்று கூறிவிடாதீர்கள்.

காறி துப்பிவிடுவான்.

அணுவுலை பற்றி கூறவேண்டுமானால்

யானை விலை கொடுத்து எலியை வாங்கிவருவது போன்றது

பல கோடி செலவில் அந்த உலையை நிறுவினால் அது தரும் மின்சாரம் மிகவும் குறைவு.

இன்றுவரை ஹிந்தியாவின் ஒட்டுமொத்த மின்தேவையின் 15%தான் அணுவுலைகள் முக்கி முக்கி ஈடு செய்கின்றன.

மீதி 85% மின் உற்பத்திக்கு ஆகும் செலவை விட இதற்கு அதிக செலவு.

ஆபத்து என்று பார்த்தால் உள்ளதிலேயே அதிக ஆபத்து.

ஆபத்து என்றால் சிலிண்டர் பயன்படுத்தமுடியாது
கரண்ட் கூட பயன்படுத்தமுடியாது
வாகனம் ஓட்டமுடியாது என்கிறார்கள்.

அதுவாவது விபத்து நடந்தால் சில உயிர்சேதத்துடன் அன்றே முடிந்துவிடும்.

ஆனால் அணுவுலை கால காலத்திற்கும் தலைமுறை தலைமுறைக்கும் தொடர்ந்து பாதிப்பை ஏற்படுத்தும்.

கால்வாசி தமிழ்நாடு சுடுகாடாகும்.
புல் பூண்டு முளைக்காது.

இதுவும் விபத்தும் ஒன்றா?
இது விபத்தில்லை பேரழிவு.

அணுவுலைக் கழிவையும் அணுகுண்டு போல பாதுகாக்கவேண்டும்.
அணுக்கழிவை அழிக்கும் தொழில்நுட்பம் இதுவரை கண்டறியப்படவில்லை.

40 ஆண்டுகளுக்கு மேல் அணுவுலை காலாவதி ஆகிவிடும்.
அதன்பிறகு அதயும் அணுகுண்டு போல ராணுவப் பாதுகாப்புடன் வைத்திருக்கவேண்டும்.

அமெரிக்காகாரனே 50 ஆண்டுகளாக அணுவுலை திறக்கவில்லை.

மற்ற நாடுகள் அணுவுலைகளை மூடுவதைப் பற்றி திட்டமிடுகின்றன.

3 மாதம் வெயிலடிக்கும் நாடுகளெல்லாம் அதை சோலார் பேனல் மூலம் மின்சாரம் தயாரிக்கின்றன.

நாம் 12 மாதமும் கொளுத்தும் வெயிலை விட்டுவிட்டு

காற்று வீசும் கரிசல் காடுகளில் காற்றாலைகளை வைப்பதை மறந்துவிட்டு
கடல் அலை ஆற்றல்
அணை தேக்க ஆற்றல்
போன்றவற்றையும் செய்யாமல் அணுவுலை மடியில் கட்டி மின்சாரமெடுத்து
30% பிச்சையாக எடுத்துக்கொண்டு மீதியை நமக்கு தண்ணியே தராத கன்னடனுக்கும் தெலுங்கனுக்கும் மலையாளிக்கும் கொடுத்துவிடுகிறோம்.

தமிழகத்தில் இருக்கும் குண்டு பல்புகளை மாற்றிவிட்டு சி.எப்.எல் மாட்டினாலே அணுவுலைகளை மூடிவிடலாம்.
அந்த அளவு மின்சாரம் மிச்சமாகும்.

டிரான்பார்மர் மூலம் வீட்டுக்கு கரண்ட் வந்து சேரவே 40% வீணாகிறது.
அந்த அழகில் மின்துறை செயல்படுகிறது.

இதில் அணுவுலை வந்துதான் தூக்கிநிறுத்தவேண்டும் என்போருக்கு என் ஆழ்ந்த இரங்கல்கள்

பறிபோகும் நெய்வேலி மின்சாரம்

பறிபோகும் நெய்வேலி மின்சாரம்
.......................................................

நெய்வேலியை நடுவண் அரசுக்கு தாரைவார்த்து கொடுத்துட்டு அங்கு உற்பத்தியாகும் மின்சாரத்தில்,
30% விழுக்காடே தமிழகம் பிச்சை வாங்குகிறது
அதுவும் யூனிட்டுக்கு 1.82 பைசா கொடுத்தே நடுவண் அரசிடமிருந்து வாங்குகிறது.

மீதி 70% விழுகாட்டை நடுவண் அரசு என்ன செய்கிறது???

பாலாற்றின் உரிமையை தடுக்கும் ஆந்திராவுக்கு 19% விழுக்காடும்,

காவிரியில் இருந்து இனி தண்ணீர் தரமாட்டோம் என்கும் கருநாடகத்திற்கு 14% விழுக்காடும்,

முல்லைப் பெரியாறு அணையில் மல்லுக்கட்டி கடப்பாறை கொண்டு அணையை உடைக்க வந்த கேரளாவுக்கு 10% விழுக்காடும்,

நடுவண் மின் தொகுப்பிற்கு 15%

புதுச்சேரிக்கு 5%,என்.எல்.சிக்கு 7%,

என பங்கீட்டுக் கொள்கிறது, தமிழர்களை சாதீய மோதல்,பார்ப்பனீய எதிர்ப்புனு அதள பாதாளத்தில் தள்ளிவிட்டுட்டு,
தமிழகத்தின் கனிம வளங்களை நடுவண் அரசு திருட தீராவிட அரசுகள் துணைப்போயின, போகின்றன.

நெய்வேலியிலிருந்து உற்பத்தியாகும் மின்சாரத்தை நேரடியாக தமிழகத்திற்கு கொடுக்காமல்,

நடுவண் மின் தொகுப்பிற்குச் சென்று அங்கிருந்து தென்னிந்தியப் பகுதிக்கான மின் தொகுப்பிற்கு வழங்கப்படுகிறது,
அதிலிருந்தே 30% விழுக்காட்டை தமிழகத்திற்கு வழங்குகிறது.
இது எப்படி இருக்குனா நம்ம வீட்டு சோத்தை எடுத்து, அதிலிருந்து நமக்கு ஒரு கவளையை உருட்டி தூக்கிப்போடுவது போல இருக்கு.

சரி வெட்டியெடுக்கும் நிலக்கரிக்கு காப்புரிமை என்ற பெயரில் டன்னுக்கு எவ்வளவு கொடுக்கிறது என்று பார்த்தால் வெறும் 45 ரூபாய் மட்டுமே,

ஒரு டன் நிலக்கரியில் ஒரு மெகாவாட்(1000 யூனிட்) உற்பத்தி செய்கிறது அப்படியானால் 1820 ரூபாய் லாபம் பார்க்கிறது நடுவண் அரசு (1.82×1000=1820).

4 டன் நிலக்கரியை எரிக்கும்போது ஒரு டன் சாம்பல் கிடைக்கிறது அதையும் விற்று காசு பார்க்கிறது என்.எல்.சி நிறுவனம்.

தமிழகத்தில் படித்த வேலைவாய்ப்பற்ற இளைஞர்கள் வங்கி கடனுதவியுடன் ஹாலோ பிரிக்ஸ் என்று அழைக்கப்படும் நிலக்கரி, சாம்பலாலான கற்களைச் செய்து பிழைத்து வந்தனர்.

ஆனால் அதிலும் மண்ணை அள்ளிப்போட்டு அந்த சாம்பலை சிமெண்ட் ஆலைகளுக்கு மொத்தமாக விற்பனை செய்யப்படுகிறது.

செயல்படாத நிறுவனங்கள் கூட செயல்படுவதாக கூறி போலிச் சான்றிதழ் பெற்று சாம்பலை வாங்கி கூடுதல் லாபம் வைத்து, உள்ளீடற்ற நிலக்கரி சாம்பற் கல் (ஹாலோ பிரிக்ஸ்) நிறுவனத்திற்கு விற்பனை செய்கின்றனர்.

அடுப்புக்கரியை விட குறைவாக ஒரு டன் நிலக்கரிக்கு பணத்தை தமிழக அரசுக்கு கொடுத்துவிட்டு,
பல்லாயிரம் கோடிக்கு மின் உற்பத்தி செய்வதோடு மட்டுமல்லாமல் சாம்பலையும் பல நூறு கோடி ரூபாய்க்கு விற்று காசு பார்க்கிறது நடுவண் அரசு,
தானே புயல் காரணமாக ரூ 2000கோடி ரூபாய் தமிழக அரசு நடுவண் அரசிடம் கேட்டபோது வாயே திறக்கவில்லை,

ஆனா நம் கனிம வளத்தை கொள்ளையடித்து கொழுத்து திங்குது, தமிழகத்தில் உற்பத்தியாகும் மின்சாரத்தை நடுவண் அரசிடம் கையேந்தி வாங்கி அதை தமிழகத்தில் கடைவிரித்துள்ள,
பன்னாட்டு வடநாட்டு தொழிற் நிறுவனங்களுக்கு மானீயத்துடன் தடையற்ற மின்சாரத்தை வழங்கிவிட்டு,
சிறு,குறு தொழில் செய்யும் நம் பிழைப்பில் மண்ணை அள்ளிப்போட்டு சிம்னி விளக்கை கொளுத்த விட்டுள்ளனர் தீராவிட ஆட்சியாளர்கள்.

இது யோக்கியதைல பல ஆயிரம் கோடி ரூபாய் இழப்பாம் தமிழக மின்வாரிய துறைக்கு.

இப்படி தமிழகத்தில் உற்பத்தியாகும் மின்சாரத்தை கண்டவனுக்கும் தாரைவார்த்து கொடுத்துட்டு மின்பற்றாக்குறை மாநிலம்னு பட்டம் வேற.
இதுல கூடங்குளம் அணு உலையை எதிர்த்தால் மின்சார பற்றாக்குறையை எப்படி தீர்ப்பதுனு சப்பைக்கட்டு வேற.

மின்சார பற்றாக்குறை காரணமாக தமிழகத்தில் உற்பத்தி ஆகும் மின்சாரத்தை நடுவண் அரசிடமிருந்து விலைக்கொடுத்து வாங்கும்,
ஆந்திராவோ கர்நாடகவோ கேரளாவோ அங்கு அணு உலையை நிறுவ முட்டுக்கால் போட்டது ஏனோ???
தமிழகத்தின் மின்பற்றாகுறையை தீர்க்க கல்பாக்கம், கூடங்குளம், அதானி சோலார் ஒப்பந்தம், புதிதாக எந்த அணுமின் நிலையங்களும் வேண்டாம் நெய்வேலியில் உற்பத்தியாகும் மின்சாரம் போதுமே???

இதுபோக நெய்வேலி நடுவண் அரசின் கட்டுப்பாட்டின் கீழ் இருப்பதால் அங்கு அயலவர் ஆதிக்கத்திற்கு குறைவில்லை.

நெய்வேலியை தமிழக அரசின் கட்டுப்பாட்டின் கீழ் கொண்டுவந்தால் தண்ணீர் தரமாட்டேன் என்கும் ஆந்திர,கர்நாடக, கேரள அரசுகளின் கொட்டம் அடங்கும்.

இது நிறைவேற வேண்டுமெனில் இதுவரை தாங்கள் செய்த தில்லுமுல்லு தகிடுதத்தம் ஊழலிருந்து தப்பிக்க,
மாநில சுயாட்சி கொள்கையை நடுவண் அரசிடம் அடகு வைத்துள்ள தீராவிட அரசுகளை அகற்றியாலே சாத்தியம்.

தமிழ்நாடு இந்தியாவிலிருந்து பிரிந்தால் இந்தியாதான் பிச்சையெடுக்கும்

நன்றி: desiyamunnetrasangam007. blogspot. in/2015/10/ blog-post_74.html?m=1
நன்றி : Velmurugan Ramalingam