ஆகமத்தை விட தமிழ் உயர்ந்தது என்ற தமிழ்த் தாத்தா

ஆகமத்தை விட தமிழ் உயர்ந்தது என்ற தமிழ்த் தாத்தா

 உ.வே.சாமிநாத ஐயர் தம் சுயசரிதையில் 

“குழி வெட்டி அக்கினி வளர்த்து நெய்யில் தோய்த்து அந்தப் பழைய சுவடிகள் அவ்வளவையும் ஆகுதி செய்து விட்டார்கள்” என்று ஒருவர் கூற...

"இப்படி எங்காவது ஆகமம் சொல்லுமா? ‘அப்படிச் சொல்லியிருந்தால் அந்த ஆகமத்தையல்லவா முதலில் ஆகுதி செய்ய வேண்டும்!" கோபமாக கூறியுள்ளார்.

 மேலும் "பழங்காலத்திற் பழைய சுவடிகள் சிதிலமான நிலையில் இருந்தாற் புதிய பிரதி பண்ணிக்கொண்டு பழம் பிரதிகளை ஆகுதி செய்வது வழக்கம். புதுப்பிரதி இருத்தலினால் பழம் பிரதி போவதில் நஷ்டம் ஒன்றும் இராது. பிற்காலத்து மேதாவிகள் பிரதி செய்வதை மறந்துவிட்டுச் சுவடிகளைத் தீக்கு இரையாக்கும் பாதகச் செயலைச் செய்தார்கள். என்ன பேதைமை! இத்தகைய எண்ணத்தால் எவ்வளவு அருமையான சுவடிகள் இந்த உலகிலிருந்து மறைந்தன!

 வரகுண பாண்டியர் ஏடுகள் அக்கினி பகவானுக்கு உணவாயிற்றென்ற செய்தியைக் கேட்டது முதல் என் உள்ளத்தில் அமைதி இல்லாமல் போயிற்று. ‘இனி இந்த நாட்டிற்கு விடிவு உண்டா!’ என்றெல்லாம் மனம் நொந்தேன்." என்றும் எழுதியுள்ளார்.

 

உருளைக்கிழங்கு வறுவல்

உருளைக்கிழங்கு வறுவல்
---------------------
"ஏன் பாய்?
நாங்கள்லாம் எத்தன வருசமா கூட இருக்கோம்?!
அவனுக்கு நன்றி இருக்கா?! போய்ட்டான் பாருங்க.
ஆனா நீங்க அவனுக்குனா மட்டும் இப்பிடி துடிக்கிறீங்களே ஏன் பாய்?"

"நீங்கள் எல்லாரும் என்ன பாய் பாய் னு கூப்டும்போது
அத்தனபேரு மத்தில அவன் மட்டும்தாய்யா என்ன அண்ணே அண்ணே னு கூப்டுவான்"
-----------
"எனக்கு உருளக்கிழங்கு வறுவல்னா ரொம்ப பிடிக்கும்.
  இப்போ சிப்ஸ் லேய்ஸ் னு சொன்னாதான் எல்லாருக்கும் புரியுது.
என் மொழியினுடைய ஒரு வார்த்தை அழிந்துவிட்டதே!
இது பற்றி யாராவது பேசுறீங்களா?!"
விஜய் டிவியில் வணிகம் உலகமயமாதல் பற்றி பேசிய ஒரு இசுலாமியர்
------------
  "என்ன சார் வாய்ல நுழையாத பேரு வச்சிக்கிட்டு...
ஸ்பெல்லிங் சொல்லுங்க"

"எதுக்குங்க ஸ்பெல்லிங்?
பேசாம தமிழ்ல தரவேண்டியதுதானே?! பிரச்சனயே இருக்காதே!
மெடிக்கல் ரிப்போட்னா இங்கிலீசுலதா இருக்கணுமா?
தமிழ்நாட்டுல எல்லாருக்கும் தமிழ் தெரியுமே?!"

30 வயது படித்த இசுலாமிய இளைஞர்
----------------
மேற்கண்ட மூன்றும் நான் நேரில் சந்தித்த அனுபவங்கள்.

ஈழத்தில் ஏதோ இசுலாமியர்கள் தமிழரே கிடையாது என்கிறார்கள்.
சான்று கேட்டால் பதிலில்லை.

எனக்கு தமிழகத்து இசுலாமியரை பற்றித்தான் தெரியும்.

தமிழ் இலக்கியங்களில் வரும் இராமனை எவனோ வடயிந்தியன்   எடுத்துக்கொண்டு ரதம் அமைத்து இசுலாமியர் பகுதி வழியாக போகிறான்.

ஒரு பொம்பள பொறுக்கி இசுலாமியத் தலைவன் பிரபாகரன் ஒரு தீவிரவாதி என்கிறான்.
பொங்கல் பண்டிகையை இசுலாமியர் கொண்டாடக் கூடாது என்கிறான்.

ஆனால் நடைமுறையில் எல்லோரும் இணக்கமாகத்தான் இருக்கிறார்கள்.

ம.நடராசன் அவர்களைப் பற்றி அறிவோம்

ம.நடராசன் அவர்களைப் பற்றி அறிவோம்

* 1965 இல் இந்தி எதிர்ப்புப் போராட்டதில் மாணவராக இருந்தபோது முனைப்பாக இருந்தார்.
இந்தி எதிர்ப்பு போராட்டத்தில் எல்.கணேசன் அவர்களின் வழிகாட்டுதலில் மாணவர்களை ஒருங்கிணைக்கும் பொறுப்பை ஏற்று செவ்வனே செயல்படுத்தினார்.

* ஒவ்வொரு ஆண்டும் தஞ்சையில் 'கலை இலக்கிய விழா'வை பொங்கல் விழாவின் போது நடத்தி வந்தார்.

* 'புதிய பார்வை' என்ற இதழை நடத்திவந்தார்.

* 'மகளிர் மேம்பாட்டில்
இதழ்களின் பங்கு'

* ஈழப்போர் பற்றிய ஒரு நூலை எழுதியுள்ளார்.

* தஞ்சை நகரிலிருந்து 3 கிலோ மீட்டர் தொலைவில் உள்ள விளார் என்பது இவரது சொந்த ஊர்.
அங்கே ஈழத் தமிழர்களின் படுகொலைகளையும் பட்ட அவலங்களையும் நினவு கூரும் வகையில்  முள்ளிவாய்க்கால் நினைவு முற்றம் என்னும் பெரிய கூடத்தை நிறுவினார்.

பைந்தமிழ் வளர்த்த பார்ப்பனர்கள் (தொடர்) _ கி.செம்பியன்

கல்கி, கணேசையர் (ஈழம்), தீபம் நா.பார்த்தசாரதி, வ.ராமசாமி (வ.ரா), ரா.ராகவையங்கார், அ.நாராயணசாமி ஐயர்

கன்னடன் சுட்டுக்கொன்ற தங்கத் தமிழர்

கன்னடன் சுட்டுக்கொன்ற தங்கத் தமிழர்

மறைக்கப்பட்ட தமிழினக் கொலைகளில் ஒன்று

1982 சூலை மாதம் கர்நாடகாவில் உள்ள தமிழர் தாய்நிலமான கோலாரில் தமிழ்மொழிக் கல்விக்காகப் போராடி சுட்டுக்கொல்லப்பட்ட நான்கு தமிழர், காணாமல் அடிக்கப்பட்ட 15 தமிழர்.

அறிக்கை: கர்நாடகத்தில் மொழிக் கொள்கை, கன்னடர்களுக்கு கல்வி வேலைவாய்ப்பில் முன்னுரிமை அளிக்க வகை செய்யும் கோகாக் குழுவின் பரிந்துரைகளை அப்போது முதல்வராக இருந்த மறைந்த குண்டுராவ் தலைமையிலான காங்கிரஸ் கட்சி அரசு 1982-ம் ஆண்டு அமல்படுத்தியது.

இதனால் மொழிச் சிறுபான்மையினருக்குத் தாய்மொழி கல்வி உரிமையைப் பறிக்க அப்போதைய அரசு முயன்றது.

இதை எதிர்த்து தமிழில் கல்வி கற்க உரிமை கோரி கர்நாடகத்தில் சிறுபான்மைத் தமிழர்கள் போராட்டம் நடத்தினர்.
தமிழர்கள் அதிகம் வசிக்கும் கோலார் தங்க வயலில் இந்தப் போராட்டம் மிகவும் தீவிரமாக நடந்தது.
அறவழியில் நடந்த இந்தப் போராட்டத்தை காவல்துறை அத்து மீறி அடக்க முயன்றது.
போராட்டம் நடத்திய தமிழர்கள் ஓட ஓட விரட்டி அடிக்கப்பட்டனர்.
காவல் துறையின் இந்த அட்டூழியத்தைப் பொறுத்துக்கொண்டு உரிமைக்காக தமிழர்கள் தொடர்ந்து போராடினர்.
இதனால் குண்டுராவ் அரசு தமிழர்கள் மீது துப்பாக்கிச் சூடு நடத்தி போராட்டத்தை அடக்க உத்தரவிட்டது.
இதைத்தொடர்ந்து தங்கவயலில் போராட்டம் நடத்திய தமிழர்கள் மீது துப்பாக்கிச்சூடு நடத்தப்பட்டதில் பால்ராஜ், உதயகுமார், மோகன், பரமேஸ்வரன் ஆகியோர் குண்டுபாய்ந்து இறந்தனர்.
பலர் காயம் அடைந்தனர்.
போலீஸாரால் அழைத்துச் செல்லப்பட்ட பலர் இன்று வரை வீடு திரும்பவில்லை.
அவ்வாறு காணாமல் போனவர்கள் மட்டும் 15 பேர்.

நன்றி:-
http://kgftamils-mani.blogspot.in/2008/10/blog-post_9351.html?m=1

http://naamtamilar.org/கட்சி-செய்திகள்/பெரும்-எழுட்சியுடன்-நடை%E0%AE-3

(2 பிப்ரவரி 2014 அன்று முகநூல் பதிவாக இட்டது.)

கோலார் தங்கவயல் - தமிழர் இழந்த புதையல்

கோலார் தங்கவயல் - தமிழர் இழந்த புதையல்

கோலார் மாவட்டத்தில் கன்னடர் பெரும்பான்மையாக இருந்தனர்.

ஆனால் அதற்கு அருகே இருக்கும் தங்கச் சுரங்கமான கோலார் தங்க வயல் பகுதி தமிழர் பெரும்பான்மை பகுதியாகவே இருந்தது. இருக்கிறது.

தமிழர் உழைப்பில் தங்கம் அனைத்தும் எடுக்கப்பட்டு கன்னடரும் ஹிந்தியரும் பங்குபோட்டுக்கொண்டனர்.

1982 ல் தமிழ் மொழியுரிமைக்காகப் போராடியதால் இப்பகுதியில் கன்னட அரசின் துப்பாக்கிச்சூடு நடவடிக்கைக்கு 4 தமிழர்கள் பலியாயினர்.

படங்களுக்கு நன்றி : Asa Sundar

இந்தியை எதிர்க்கும் 'காலி'களைச் சுட்டுத் தள்ளுங்கள் _ ஈ.வே.ரா

இந்தியை எதிர்க்கும் 'காலி'களைச் சுட்டுத் தள்ளுங்கள் _ ஈ.வே.ரா

ஈ.வே.ரா எழுதுகிறார்.
"ஆரம்பத்தில் நான்கு காலிகளைச் சுட்டு இருந்தால் இந்த நாசவேலைகளும், இத்தனை உயிர்ச் சேதமும் உடைமைச் சேதமும் ஏற்பட்டிருக்காது.
எதற்காக சட்டம்?
எதற்காக போலீஸ்?
எதற்காக போலீஸ் கையில் தடி? துப்பாக்கி எதற்கு?
முத்தம் கொடுக்கவா வைத்துள்ளாய்?
இது என்ன அரசாங்கம்?
வெங்காய அரசாங்கம்"
(நூல்: கிளர்ச்சிக்குத் தயாராவோம் _ஈ.வே.ரா)

மேற்கண்டது இந்தியெதிர்ப்பு நடந்து முடிந்த பிறகு ஈ.வே.ரா எழுதிய நூல்.

இந்தி எதிர்ப்பு நடந்தபோது ஈ.வே.ரா தமிழ் மாணவர்களுக்கு எதிராகவும் கொலைகார அரசுக்கு ஆதரவாகவும் எழுதிய கட்டுரைகளின் தலைப்புகள்,

"இன்றும் மாணவர்கள் காலித்தனம். பஸ்ஸைக் கொளுத்தினர் பச்சையப்பன் கல்லூரி மாணவர்கள்"
(16.1.1965)

"அண்ணாமலைப் பல்கலைக் கழக மாணவர்களின் அத்துமீறிய வன்செயல்"
(28.1.1965)

"திருச்சியில் மாணவர்கள் காலித்தனம். பஸ்க்கு தீ. தபால் நிலையம் கொள்ளை"
(10.2.1965)

"போலீசார் அத்து மீறியதாக கூறப்படுபவை அபாண்டமே"
(4.3.1965)

"பொள்ளாட்சியில் போராட்டத்தை இராணுவம் அடக்கியது. காலிகள் மீது சுட்டதில் 10பேர் மாண்டனர்."
(13.2.1965)

ஈ.வே.ரா வுக்கு தமிழ் மீது இருந்த வெறுப்பையும் தமிழர் மீது இருந்த கொலைவெறியையும் இதன் மூலம் அறியலாம்.

மூலக்கட்டுரை: 1965ஆம் ஆண்டு மொழிப்போரும் - பெரியாரின் எதிர்ப்பும் _ கதிர் நிலவன்

ஜல்லிக்கட்டு போராட்டத்தில் இணையவழிப் போராளிகள்

வெளிநாட்டில் அதாவது வடயிந்தியாவில் உட்கார்ந்து கொண்டு,
களத்தில் போராடுவோருக்கு
அதைச் செய்யுங்கள் இதைச் செய்யுங்கள் என்று அறிவுரை வழங்கவோ

அப்படி நடக்கும் இப்படி நடக்கும் என்று சோதிடம் சொல்லவோ நான் முகநூலில் செயலாற்றவில்லை.

ஏனென்றால் நான் முகநூல் மூலம் என்னால் எது முடியுமோ அதை ஏற்கனவே செய்துவிட்டேன்.

இப்போது நடப்பதை மகிழ்ச்சியோடு வேடிக்கை பார்க்கிறேன்.

தமிழனுக்கு இனப்பற்றே கிடையாது ஒற்றுமையே கிடையாது
பதிவுபோட்டே புரட்சி பண்ணமுடியாது
அப்படியெல்லாம் தமிழரைத் திட்டி திட்டி பதிவு போட்டவர் மத்தியில் தமிழன் எழுவான்
தமிழினம் எழும்
இனப்பற்று மொழிப்பற்று ஒற்றுமை எல்லாம் இருக்கிறது என்று தொடர்ச்சியாக பதிவு போட்டவன் என்ற வகையில்
நான் சொன்ன சோதிடம் தான் பலித்தது.

பாலச்சந்திரனுக்கும்
சென்னை வெள்ளத்துக்கும்
இளைஞர்களைக் களத்தில் இறக்கியவர்கள்
என்னைப் போன்ற ஆயிரமாயிரம் இணையவழி போராளிகள்தான்.

இது ஆரம்பம்தான்.

தொடர்ந்து போராடுவோம்.

17 ஜனவரி, 07:12 PM

தமிழ் பரவுதல் நலமா?

ஆஸ்திரேலியாவில் தமிழ். ஏன்?

இந்த தவறைத்தான் அனைவரும் செய்கிறோம்.

வெளிநாட்டுக்காரனும் தமிழை பேச வேண்டும் என்று நினைக்கிறோம்.

அதுதான் தவறு.

அதனால்தான் தமிழ் பேசுபவனை எல்லாம் நம் ஆள் என்று நினைத்து அனைத்தையும் கொடுத்துவிடுகிறோம்.

தமிழ்ச் சங்கங்கள் பல வற்றிலும் வேற்றினத்தாரையும் இணைக்கிறோம்.

இதனால்தான் நாம் உருப்படாமல் போனோம்.

அவர்கள் மொழி அவர்களுக்கு நம் மொழி நமக்கு.
தமிழர்களிடம் தமிழைக் கொண்டு சேர்ப்போம்.
தமிழ் நமது தனி சொத்து என்ற எண்ணம் நமக்கு வேண்டும்.

வடயிந்தியாவுக்குப் போங்கள்.
அங்கே மற்ற இனங்களுடன் இணைப்புமொழியான இந்தியிலேதான் பேசுவார்கள்.

தன் இனத்தின் மத்தியில் பிறந்த வளர்ந்த வேற்றுமொழிக்காரன் தன் மொழியை அறிந்திருந்தாலும் சரி,
அவனிடம் தமது தாய்மொழியில் பேசமாட்டார்கள்.

தம் தாய்மொழியை மற்றவர் பேச அனுமதிப்பதில்லை ஆதலால் அங்கே மூன்று நான்கு தலைமுறையாக வசிக்கும் வேற்றினத்தாரை அவர்களால் அடையாளம் கண்டு நடக்கமுடிகிறது.

ஆக தமிழரல்லாதார் தமிழ் பேசினால் இனி பாராட்டவேண்டாம்.


இன்று நமக்கு அமெரிக்க வரலாறும்
ஜெர்மனிய வரலாறும்
இரஷ்ய வரலாறு தெரிகிறது.

ஆங்கில இலக்கணமும்
பிரஞ்சு இலக்கியமும் இங்கே பேசப்படுகிறது.

எப்படி?

அவர்கள் ஒவ்வொரு தமிழனாக கொஞ்சி கொஞ்சி பரப்பினார்களா?

இல்லை.
அவர்கள் வல்லரசாக உயர்ந்தனர்.
பல சாதனைகள் புரிந்தனர்.

நாம் இன்று தேடிப்போய் அவர்களைக் கற்கிறோம்.

நம்மை போல கெஞ்சி கெஞ்சி கொஞ்சி கொஞ்சி தமிழை கொண்டுசேர்க்க முயலவில்லை.

நாம் வல்லரசாக உயர்ந்தால்
மட்டுமே நம்மை நம் மொழியை நம் கலையை மற்றவர்கள் மதிப்பார்கள்.
தேடித் தேடி படிப்பார்கள்.

எனவே தமிழ் வரலாறைத் தமிழருக்கு கொண்டு சென்று
தமிழரை எதாவது சாதிக்கவையுங்கள்.

தமிழரை மட்டும் திரட்டுங்கள்.
வேற்றினமோகம் வேண்டாம்.

அவர்களுக்கு விருப்பமென்றால் அவர்களே வந்து கற்கட்டும்.
நாம் கையேந்தி போகவேண்டாம்.

நம் இனத்தை ஒன்று சேர்ப்போம்.
நம் பெருமை நம் வரலாற்றில் இருந்தால் மட்டும் போதாது.
நடப்புக்காலத்திலும் இருந்தால்தான் வரலாறுக்கே மதிப்பு.

இப்போது நீங்கள் செய்வது
ஒரு பிச்சைக்காரன் அவனது தாத்தாவும் பாட்டனும் பெரிய ஆளாய் இருந்ததைப் பற்றி பேசுவதன்மூலம் தன் மீது மரியாதை ஏற்படுத்த முயல்வது போன்றது.

தமிழும் வளரவேண்டும்.
தமிழனும் வாழவேண்டும்.

அதுதான் உண்மையான வளர்ச்சி.

"என் தாய்மொழியை என்னை விட அழகாக நீ பேசுகிறாய் என்றால் என்னை அடிமைப்படுத்த விரும்புகிறாய் என்று பொருள்"
- சீன சிற்றரசன் டாங்

இந்தியை வென்ற ஈழத்தமிழர்

இந்தியை வென்ற ஈழத்தமிழர்

%€%€%€%€%€%€%€%€%€%€%€

நூலின் பெயர்:
"இந்தி எதிர்ப்பு: அன்றும் -இன்றும்".

ஆசிரியர்:
"ஈழத்தடிகள்".

1938ஆம் ஆண்டு இராசாசி அரசின் பள்ளிகளில் கட்டாய இந்தித் திணிப்பை எதிர்த்து காவியுடை தரித்த சிவானந்த அடிகள், அருணகிரி அடிகள், சண்முகானந்த அடிகள் எனும் மூன்று சாமியார்கள் போர்க்கோலம் பூண்டனர்.

கையிலே கமண்டலம், உடையிலே காவி நிறம், கழுத்திலே உத்திராட்சம் எனும் தோற்றத்தோடு தமிழ் மொழி காக்கும் போரில் ஈடுபட்ட மும்மூர்த்திகளில் ஒருவர் தான் சிவானந்த அடிகள்.

இவர் ஈழத்திலிருந்து வந்தவர் என்பதால் ஈழத்தடிகள் எனும் பெயருமுண்டு.
கரூரில் அறிவுதயக் கழகம் நிறுவி தமிழ்த்தொண்டு புரிந்து வந்தார்.

இராசாசி பதவிக்கு வருமுன்னே இந்தி கொண்டுவரப்படும் என்று அறிவித்த போது அதனைக் கண்டித்து 12.2.1937இல் இராசாசிக்கு எதிராக அறிக்கை விடுத்த முதல் ஆள் ஈழத்தடிகள்.

இராசாசி முதல்வரான பிறகு அவருக்கு முதல் தந்தி அடித்து இந்தி எதிர்ப்புப் போரை தொடங்கி வைத்தவரும் அவர் தான்.

இந்தி எதிர்ப்புப் போரில் முதல் சர்வாதிகாரியாக சிறைக்களம் சென்றவராகிய ஈழத்தடிகள் தான்
மேற்படி நூலில் ஈ.வே.ரா மீதும், அண்ணா மீதும் கடும் குற்றச்சாட்டுகள் கூறியுள்ளார்.

இந்தி எதிர்ப்பு மாநாடுகள், கூட்டங்கள் நடத்தியும் இராசாசி அரசு பணிய மறுத்த காரணத்தால்
அடுத்த கட்டமாக 1.6.1938 அன்று சட்டமன்றம், இராசாசி இல்லம் முற்றுகை போன்ற போராட்டங்களை நடத்துவதற்கு ஈழத்தடிகள் முடிவு செய்தார்.
அதற்கான அறிக்கையொன்றை தயார் செய்து ஈ.வே.ரா விடம் கொண்டு சென்றுள்ளார்.

இது குறித்து அந்நூலில் பின் வருமாறு கூறுகிறார்:
" அங்கே பெரியார் இராமசாமி அவர்களிடம் இந்த அறிக்கையைக் காட்டி இதனை விடுதலை, குடியரசு ஆகிய இதழ்களில் வெளியிட்டு உதவுமாறு கேட்டுக் கொண்டேன்.
இந்த அறிக்கையை பார்த்து விட்டு,
'இது காங்கிரசார் கையாளும் சண்டித்தனம்.
சத்தியாக்கிரகம் மறியல் என்பதெல்லாம் வெறுங் கேலிக்கூத்து'
என்று கூறி அந்த அறிக்கையை வெளியிட மறுத்து விட்டார்."

அதன் பிறகு ஈழத்தடிகள் தனது ஈரோடு நண்பர் சண்முக வேலாயுதம் என்பவரின் உதவி மூலம் அறிக்கையை அச்சிட்டு,
தமிழ்நாடெங்கும் தமிழ்அன்பர்களுக்கு அனுப்பி வைத்தார்.
ஈழத்தடிகள் வேண்டுகோளுக்கிணங்க,
சென்னையில் உள்ள முதலமைச்சர் இல்லம் முன்பு மறியல் செய்வதற்காக அதன் அருகிலேயே சி.டி.நாயகம் என்பவர் தனது சொந்த இடத்தில் மறியல் வீரர்களுக்கான பந்தல் அமைத்து கொடுத்தார்.

மறியல் நாள் நெருங்கிடவே விருதுநகர், அருப்புக்கோட்டை பகுதிகளிலிருந்து 120க்கும் மேற்பட்டோர் வந்து குவிந்தனர்.
அப்போது மறியல் நடந்து கொண்டிருந்த நாளில் மறியல் பந்தலுக்கு ஈ.வே.ரா வந்து பேசியது என்ன என்று நூலில் பின்வருமாறு கூறப்பட்டுள்ளது
"மறியல் தொடங்கிய மூன்றாம் நாள் 60 பேர் வரை மறியலில் ஈடுபட்டுச் சிறை சென்ற பின்,
பெரியார் ஈ.வெ.இராமசாமி அவர்கள் தாமாகவே இந்தி எதிர்ப்பு நிலையத்துக்கு வந்து,
மறியல் செய்வதற்காக வந்திருந்த தொண்டர்களை நோக்கி,
'இப்படி மறியல் செய்வது காங்கிரசார் மேற்கொள்ளும் பயன் தராத முறையாகும்- சண்டித்தனமாகும்.
இதில் நீங்கள் ஈடுபட வேண்டியதில்லை'
என்ற பழைய பல்லவியை மீண்டும் கூறியதோடு,
வந்தவர்கள் தங்கள் தங்கள் ஊருக்குப் போவதற்கு வழிச் செலவும் தருவதாகக் கூறினார்.

அந்தச் சமயத்தில், நானும் மற்றவர்களும் அவரை அனுகி,
'ஐயா, இதில் நீங்கள் தலையிடாமல் இருப்பது, தமிழ் மொழியைக் காப்பாற்றச் செய்யும் ஒரு பேருதவியாகும்' என்று கூறவே,
அவரும் மறுமொழி ஒன்றும் கூறாமல், திரு.சி.டி. நாயகம் அவர்கள் இல்லத்திற்குச் சென்று விட்டார்."

அங்கு ஈ.வே.ராவிடம் உண்மை நிலையை சி.டி.நாயகம் விளக்கிக் கூறிய பிறகே இந்தி எதிர்ப்பு பணியில் ஈ.வே.ரா ஈடுபடத் தொடங்கியதாக ஈழத்தடிகள் குறிப்பிட்டு விட்டு,

மேலும் கூறுகிறார்:
"இந்த நிலையில் இந்தி எதிர்ப்பைத் தோற்றுவித்த நானும் மற்ற இரு துறவிகளான அருணகிரி அடிகளும், சண்முகானந்த அடிகளும் சிறை சென்று விடவே, படிப்படியாக இந்தி எதிர்ப்பு அறப்போரைப் பெரியார் இராமசாமி அவர்களே ஏற்று நடத்தும் நிலை உருவாகியது,
எல்லாம் அவருடைய விருப்பப்படி நடைபெற்று வந்தது.
இதன் விளைவு,
பிறகு, இந்தி எதிர்ப்புக்குப் பெரியார் இராமசாமி அவர்கள் தான் முதல்வர் என்ற நிலை ஏற்பட்டுவிட்டது.
இது ஒரு பித்தலாட்டமும் கொடுமையுமாகும்.
வரலாற்றுண்மை வாய்ந்ததும், தந்நலமற்றதுமான இந்தி எதிர்ப்பு நிகழ்ச்சி,
பெரியார் இராமசாமி அவர்களின் தலையீட்டால்-
கறையான் புற்றெடுக்கப் பாம்புகுடி கொண்ட கதையாகி விட்டது.
செயலுக்கு ஒருவனும், அந்தச் செயலால் புகழ் பெற இன்னொருவனும் என்ற நிலை ஏற்படுவதென்றால்,
அது தமிழுக்கும், தமிழ்நாட்டுக்கும் உண்டாக்கப்படும் ஒரு மறைக்க முடியாத களங்கமாகும்"
என்று வேதனையோடு குறிப்பிடுகிறார்.

இராசாசி ஹிந்தி திணிப்பை கைவிடாத நிலையில் பதவி விலகிய போது,
ஈ.வே.ராவும் இந்தி எதிர்ப்பை தற்காலிகமாக நிறுத்தி விடுகிறார்.

அது குறித்து பெரியார் தந்த பதிலை நூலாசிரியர் குறிப்பிடுகிறார்:

"நடைபெற்ற இந்தி எதிர்ப்புக் கிளர்ச்சி, காங்கிரசு மந்திரிகளுக்குத் தொல்லை கொடுக்க வேண்டுமென்பதற்காக நான் அது போல் பயன் படுத்திக் கொண்டேனே யொழிய,
உண்மையிலேயே எனக்கு இந்தி கட்டாயமாக்கப் படுவதைப் பற்றியோ, அதனால் தமிழ் அழிந்து விடும் என்பது பற்றியோ கவலையில்லை என்று கூறினார்."

பெரியாருக்கு இந்தி எதிர்ப்பு கிளர்ச்சியை நிறுத்த உரிமையில்லை என்றும்,
ஆளுநர் மாளிகை முற்றுகைப் போர் தொடங்கப்படும் என்று ஈழத்தடிகள் 4.11.39ல் அறிக்கை விடுத்த பிறகே கட்டாய இந்தி ஆணை நீக்கப்பட்டது.
இதுவே உண்மை வரலாறாகும்.

சிலர் இந்தி எதிர்ப்பில்  முதன்முதலாக சிறைசென்றவர் சி.டி.நாயகம் என்று கூறுகின்றனர்.
அதை மறுக்க மேலும் சான்றுகள் தரமுடியும்.

அண்ணா பரிமளம் தொகுத்த 'அறிஞர் அண்ணா வாழ்க்கை வரலாறு' பகுதி 16இல் "சாமியார் ஆசாமியானார்" தலைப்பில் பின்வருமாறு:

1938இல் இந்தியை கட்டாயப் பாடமாக்குவேன் என்று அறிக்கைவிட்டபோது அதனை எதிர்த்து ஆச்சாரியாருக்கு முதல் தந்தி அடித்தவர் ஈழத்து சிவானந்த அடிகளேயாவார்கள்.
இந்தி எதிர்ப்பு இயக்கத்தை அவர் தான் துவக்கினார்.
பிறகு தான் நாவலர் பாரதியார், பெரியார் இராமசாமி, அறிஞர் அண்ணா போன்றவர்கள் கலந்து கொண்டார்கள்.
ஈழத்து சிவானந்த அடிகள் இந்தி எதிர்ப்பின் முதல் சர்வாதிகாரியாக சிறை புகுந்தார். (மன்றம் 1.5.1955).

சி.டி.நாயகம் முதல் சர்வாதிகாரியாக 20.11.38 வரை இல்லை என்பதை பெரியாரின் குடியரசு தெரிவிக்கிறது.
தமிழ் நாட்டுப் பெண்கள் மாநாடு 13.11.38 அன்று ஒற்றை வாடை கொட்டகையில் நீலாம்பிகை அம்மையார் தலைமையில் நடைபெற்றது.
அந்த மாநாட்டில் 23 தீர்மானங்கள் நிறைவேற்றப்பட்டது.
அதில் 10வது தீர்மானம்:
இந்தியை எதிர்த்து சிறை சென்ற ஈழத்து சிவானந்த அடிகள், அருணகிரி சுவாமிகள், சி.அண்ணாதுரை எம்.ஏ. உள்ளிட்ட பெரியார்களையும் தொண்டர்களையும் பாராட்டுகிறது.

12வது தீர்மானம்: தோழர்கள் சண்முகானந்த அடிகளும், சி.டி.நாயகமும் சிறை செல்வதை இம்மாநாடு பாராட்டுகிறது.
(குடியரசு 20.11.1938)

மேற்கண்ட தீர்மானங்களின் படி ஈழத்தடிகள் சிறையில் இருப்பதையும்,
சி.டி.நாயகம் சிறைக்கு செல்லவிருப்பதையும் உறுதிப்படுத்துகிறது.
இதன்படி பார்த்தால் முதல் சிறைசென்ற சர்வாதிகாரி ஈழத்தடிகளே ஆவார்கள்.

நன்றி: கதிர்நிலவன்