247 மாணவர்கள் விளையாடும் வாய்ப்பை இழந்தனர் அமைச்சர் நடிப்பில் பிசி

247 மாணவர்கள் விளையாடும் வாய்ப்பை இழந்தனர் அமைச்சர் நடிப்பில் பிசி 

 தமிழை விளையாட்டுத் துறை அமைச்சரின் மெத்தனத்தால் தேசிய அளவில் விளையாடக் காத்திருக்கும் 247 மாணவர்கள் வாய்ப்பை இழந்தனர்.

 பங்கேற்க கடிதம் போடவில்லை!

 நிதி ஒதுக்கவில்லை!

இதன் மூலம் மாணவர்களுக்கு கிடைக்கும் உபரி மதிப்பெண்கள் கிடைக்காது!

 பதில் சொல்லவேண்டிய அமைச்சர் உதயநிதி மாமன்னன் படப்பிடிப்பில் இருக்கிறார்!

 //நடப்பாண்டு 247 மாணவர்களை தேர்வு செய்து மே 29ஆம் தேதிக்குள் ஆன்லைனில் பதிவு செய்ய அறிவுறுத்தப்பட்டிருந்த நிலையில் தமிழகத்தில் இருந்து மாணவர்களை தேர்வு செய்து அனுப்ப எந்தவித நடவடிக்கையும் எடுக்கவில்லை என கூறப்படுகிறது.

இது குறித்து கருத்து தெரிவித்துள்ள பள்ளி கல்வித் துறை , பள்ளி மாணவர்களுக்கான தேசிய விளையாட்டுப் போட்டிகள் நடைபெறுவது குறித்த கடிதம் முறையாக சென்று சேரவில்லை எனவும் தகவல் பரிமாற்றத்தில் குழப்பம் ஏற்பட்டு இருப்பதாகவும் தெரிவிக்கப்படுகிறது. 

மேலும் ஆண்டுதோறும் தேசிய அளவிலான விளையாட்டு போட்டிகளில் பங்கேற்பதற்கு பள்ளி மாணவர்களுக்கு நிதி ஒதுக்கப்படும் நிலையில், நடப்பாண்டு அதற்கான நிதி முறையாக ஒதுக்கப்படவில்லை எனவும் தெரியவந்துள்ளது. 

இதனால் தமிழகத்தை சேர்ந்த மாணவர்கள் தேசிய அளவிலான விளையாட்டுப் போட்டிகளில் பங்கேற்க முடியாத சூழல் ஏற்பட்டிருக்கிறது. 

தேசிய அளவிலான விளையாட்டுப் போட்டிகளில் பங்கேற்ற சான்றிதழ் வைத்திருக்கும் மாணவர்களுக்கு உயர்கல்வியில் சேரும் பொழுது பொறியியல், மருத்துவம் உள்ளிட்ட படிப்புகளில் கூடுதலாக மதிப்பெண்கள் விளையாட்டு பிரிவு தரவரிசையின் போது வழங்கப்படும். நடப்பாண்டில் அந்த வாய்ப்பினை தமிழக மாணவர்கள் இழந்துள்ளனர்.//

நன்றி: தந்தி டிவி .காம்

தமிழகம்? காரணம் என்ன..?

9 Jun 2023 4:50 AM GMT

பள்ளித் தேர்தல்

பள்ளித் தேர்தல்

பள்ளிகளை நவீனமாக்குவது பற்றி பேசும் நாம் பள்ளிகளை அரசியல் மயமாக்குவது பற்றியும் இனி பேசுவோம்.
5 ஆம் வகுப்புக்கு மேல் வகுப்புக்கு ஒரு தலைவர் வாக்கெடுப்பு மூலம் தேர்ந்தெடுக்கப்பட்டு அனைத்து வகுப்புத் தலைவர்களும் வாக்களித்து ஒரு பள்ளிக்கான மாணவத் தலைவரை தேர்ந்தெடுக்க வேண்டும்.
இவர் மாணவர் தேவைகளை பள்ளி நிர்வாகத்துடன் பேசி தீர்த்துவைக்க வேண்டும்.
தீர்வு கிடைக்காத நிலைவந்தால் இவர் அமைதியான முறையில் போராட்டம் செய்வார்.

இதேபோல அனைத்து பள்ளி மாணவத் தலைவர்களும் வாக்களித்து ஒரு மாவட்டத் தலைவரையும்
மாவட்டத் தலைவர்கள் ஒன்றுகூடி மாநிலத் தலைவரையும் வாக்களிப்பு மூலம் தேர்ந்தெடுக்க வேண்டும்.

இந்த மாணவர்கள் கட்டமைப்பு ஒன்று முதல் 12 வரையான படிக்கும் பிள்ளைகள் மீதான பெற்றோர் மற்றும் ஆசிரியரின் அழுத்தங்களை மட்டுப்படுத்தும்.

இந்த தேர்தலில் கட்சி என்கிற கட்டமைப்பு இருக்காது்
பிரச்சாரம் என்று எதுவும் இருக்காது.
வாக்களிக்கும் முன் தேர்தலில் நிற்பவர்கள் ஒரு குறிப்பிட்ட நிமிடம் உரையாற்ற வைக்கலாம்.

பள்ளி நிர்வாகம் அல்லது கல்வித்துறையில் தீர்வு கிடைக்காத நிலையில் மாணவர் பிரச்சனைகளை பொதுத் தளத்திற்கு கொண்டுவர இது வழிவகுக்கும்.

இவர்களுக்கு எந்த பள்ளியிலும் சென்று ஆய்வுசெய்யும் உரிமையும் மாணவர்களைத் திரட்டி போராட்டம் செய்யும் உரிமையும் உண்டு.

கல்லாரி மாணவர்களும் இதுபோல ஒரு கட்டமைப்பு வைத்திருக்க வேண்டும்.
இவர்கள் அவ்வப்பகுதி பள்ளிகளுக்கு வழிகாட்டியாக இருக்க வேண்டும்.

நம் காலத்தில் 18 வயதில் இருந்த அறிவு இந்த காலத்துப் பிள்ளைகளிடம் 10 வயதிலேயே இருக்கிறது.

இந்த அரசியல் மயமாக்கல் மூலம் நம் சனநாயகம் எப்படி இயங்குகிறது என்பதை பள்ளிப் பருவத்திலேயே தெரிந்துகொள்வது அனைவருக்கும் நன்மையாக முடியும்.
09.01.2021

ஒரு தற்கொலைக்கு எத்தனை சாயங்கள்

ஒரு தற்கொலைக்கு எத்தனை சாயங்கள்

 பிற மாநிலங்களில் நேர்காணலில் நீங்கள் BC என்று கூறினால் அவனுக்கு புரியாது.
 OBC என்று கூறவேண்டும்.
ஏனென்றால் தமிழகத்தில் மட்டுமே 69% இடவொதுக்கீடு.

 மற்றபடி எல்லா மாநிலங்களிலும் 50% மட்டுமே!

 இதில் OC (other castes) என்பது 50%.
 இது இடவொதுக்கீடு என்று ஆகாது.

 அதாவது ஒரு கல்லூரியில் 100 சீட் இருக்கிறது என்றால்
 50 சீட் வரை மதிப்பெண் அடிப்படையில் நிரப்பபடும்.
 இதில் போதுமான மதிப்பெண் எடுத்த SC, ST யும் கூட இடம்பெறுவர்.

 மீதி 50% இடவொதுக்கீடு அடிப்படையில் நிரப்பப்படும்.
 அதாவது குறைந்த மதிப்பெண்  OBC, SC, ST இதில் இடம்பெறுவர்.

 மத்திய அரசு பின்பற்றும் இடவொதுக்கீடு
Scheduled Castes (SCs): 15%
Scheduled Tribes (STs): 7.5%
Other Backward Castes (OBCs): 27%
இது போக
புதிதாக 10% Reservation for Economically Weaker Sections (EWS)

 ஓசி என்று எந்த ஒதுக்கீடும் கிடையாது.
 இங்கே OC என்றாலே பார்ப்பனர் என்று பிரச்சாரம் செய்யப்படுகிறது.

 ஐஐடி யில் இந்த இடவொதுக்கீடு சரியாக பின்பற்றப்படவில்லை.
 இது விதிமீறல்தான்.

 ஆனால் இதில் தமிழக அரசுக்கோ, தமிழக குடிமக்களுக்கோ, தமிழக பார்ப்பனருக்கோ எந்த தொடர்பும் இல்லை.

 தமிழகத்தின் கட்டுப்பாட்டிலேயே இல்லாத IIT முழுக்க மத்திய அரசின் கட்டுப்பாட்டில் இயங்குகிறது.
 பல மாநிலத்து மாணவர்கள் மற்றும் பேராசிரியர்கள் பணியாற்றுகிறார்கள்.

 அங்கே நடக்கும் கொடுமைக்கு நாம் எப்படி பொறுப்பாக முடியும்?!

 பாத்திமா லத்தீப் விடயத்தில் "தமிழகத்தை நம்பிதானே அனுப்பினோம்?" என்று பெற்றோர் புலம்புவது அப்பாவித்தனமா அல்லது உள்நோக்கமுடையதா என்று புரியவில்லை.

 இதுவே தமிழகத்தில் ஒரு பொது இடத்தில் பாத்திமா பாதிக்கப்பட்டிருந்தால் தமிழகம் பொறுப்பு.
 மற்றபடி பாத்திமா தற்கொலைக்கு தனிமனிதர்கள் தான் காரணம்.

தன் சாவுக்கு காரணமென அந்த மாணவி குறிப்பிட்ட மூன்று பேருமே வெவ்வேறு பின்னணி கொண்டவர்கள்

 1. சுதர்ஷன் பத்பநாபன், ஆரியத்துவ ஆதரவாளர்.
 (அறப்போர் இயக்கத்தை சார்ந்தவர் அல்ல என்று அந்த அமைப்பு மறுத்திருக்கிறது. )

2.ஹேமசந்திர காரா,
மாற்றுத்திறனாளி.

3. மிலிந்த் ப்ராமே,
அம்பேத்கர் பெரியார் வாசக வட்ட ஆலோசகர்.
 தலித்திய திராவிட ஆதரவாளர்.

 இந்த தற்கொலைக்கு இசுலாமிய இயக்கங்கள் மதச் சாயம் பூசி,
திராவிட இயக்கங்கள் சாதிச் சாயம் பூசி,
கேரள அரசு இனச் சாயமும் பூசி அரசியல் ஆதாயம் பார்க்கிறார்கள்.

 தனிமனிதர் மட்டுமன்றி கல்வி முறையும் கூட ஒரு முக்கிய காரணம்.
 இந்தியாவில் மாணவர்கள் தற்கொலை மிக அதிக அளவில் உள்ளது.
  3 இடியட்ஸ் (நண்பன்) மாதிரி சில படங்கள் கூட வெளிவந்துள்ளன.

 தற்கொலை கூட கோழைத்தனம்.
 ஆனால் தமிழகத்திலிருந்து இதே போல மத்திய அரசு நடத்தும் கல்வி நிறுவனங்களுக்கு சென்ற தமிழகத்து மாணவர்கள் 4 பேர் கொலை செய்யப்பட்டு அது தற்கொலையாக மாற்றப்பட்டுள்ளது
 (தேடுக: தமிழக மாணவர்களைக் காவுவாங்கும் டெல்லி வேட்டொலி).

 தற்கொலைக்கு உண்மையான காரணத்தை ஆராய்ந்து தொடர்புள்ளோரை தண்டிக்கவேண்டும்.

 கல்விமுறையில் மாற்றம் கொண்டுவரவேண்டும்.

 பாத்திமா லதீப் விடயத்தில் இதற்கு அரசியல் சாயம் பூசி திசைமாற்றி அந்த மாணவிக்கு மேலும் அநீதி இழைக்க வேண்டாம்.

தமிழக மாணவர்களைக் காவுவாங்கும் டெல்லி

தமிழக மாணவர்களைக் காவுவாங்கும் டெல்லி

டெல்லியில் தமிழக மாணவி ஸ்ரீமதி தற்கொலை!

தொடரும் தமிழர் மீதான டெல்லியின் வன்மம்!

இது நான்காவது சம்பவம்!

2016 இல் திருப்பூரைச் சேர்ந்த மாணவர் "சரவணன்" வீச ஊசி போடப்பட்டு மர்மச்சாவு
[டெல்லி பல்கலைக்கழக மருத்துவக் கல்லூரியில் (UCMS) மருத்துவ மேற்படிப்பு]
இடதுகைப் பழக்கமில்லாத இவர் வலதுகையில் விஷ ஊசி போட்டுக்கொண்டு தற்கொலை செய்துகொண்டதாக கூறப்பட்டது.
தற்கொலை என்று பதிவான வழக்கு பிரேத பரிசோதனைக்குப் பிறகு கொலைவழக்காக எடுக்கப்பட்டு விசாரிக்கப்பட்டது.
ஆனால் இதுவரை எந்த முன்னேற்றமும் இல்லை.

2017 சேலம் அரிசிபாளையத்தைச் சேர்ந்த "மாணவர் முத்துக்கிருஷ்ணன் (எ) ரஜினி கிரிஷ்" தூக்கில் தொங்கியநிலையில் மர்மச்சாவு
[டெல்லி ஜவஹர்லால் நேரு பல்கலையில் (JNU) பி.எச்.டி]
சேர்க்கையிலும் வாய்மொழித் தேர்விலும் பாரபட்சம் காட்டப்படுவதாக கடைசி முகநூல் பதிவு செய்துள்ளார்.

2018 திருப்பூரைச் சேர்ந்த மாணவர் "சரத் பிரபு" மர்மச்சாவு
[டெல்லி பல்கலைக்கழக மருத்துவக் கல்லூரியில் (UCMS) மருத்துவ மேற்படிப்பு]
இவரது உடலில் காயங்கள் இருந்தன.

2018 பிப்ரவரியில் ராமேஸ்வரத்தைச் சேர்ந்த ஆர்.கிருஷ்ண பிரசாத் மர்மச்சாவு
[பட்ட மேற்படிப்பிற்கான மருத்துவ கல்வி மற்றும் ஆராய்ச்சி மையம் (PGIMER) சண்டீகர்]
இவர் மாணவர் தங்கும் விடுதியில் மர்மமான முறையில் தூக்கில் தொங்கியநிலையில் இறந்து கிடந்தார்.
இந்தி தெரியாததால் தனிமைப்பட்டு மன உளைச்சலில் இருப்பதாக தன் தந்தையிடம் கடைசியாகப் பேசும்போது கூறியுள்ளார்.

இறந்த எவருமே கடிதம் எழுதிவைக்காமல் மர்மமான முறையில் இறந்துள்ளனர்.

இதேபோல 2018 ஜனவரியில் திருநெல்வேலியைச் சேர்ந்த "மாரிராஜ்" தற்கொலை முயற்சி
[அகமதாபாத் பி.ஜே மருத்துவக் கல்லூரி, குஜராத்]
சாதி மற்றும் இனத்தைக் காட்டி தொடர்ச்சியாக அவதானப்படுத்தியதாக வாக்குமூலம் கொடுத்துள்ளார்.

இதன் தொடர்ச்சியாக டெல்லியில் ஐ.ஏ.எஸ் தேர்வாகி பயிற்சியில் இருந்த சத்தியமங்கம் ஆலாம்பாளையத்தைச் சேர்ந்த மாணவி ஸ்ரீமதி தூக்கில் தொங்கிய நிலையில் இறந்துகிடந்த அதிர்ச்சியான செய்தி இன்று வெளியாகியுள்ளது.

மருத்துவ மாணவி (படக்கதை)

மருத்துவ மாணவி

மாணவர்களுக்கு அழைப்பு

கதிராமங்கலம், நெடுவாசல், தஞ்சாவூர் போராட்டங்கள்
ஏன் பெரும்போராட்டமாக பரவ முடியவில்லை என்றால்,

அதற்கு முக்கிய காரணம்  கல்லூரிகளில் தேர்வு நடந்ததும் தற்போது விடுமுறை நடப்பதும்தான்.

கதிராமங்கலம் அருகாமையில் உள்ள கல்லூரி மாணவர்கள் எப்படியும் வாட்சப் குழு வைத்திருப்பீர்கள்.
அதாவது மயிலாடுதுறை, கும்பகோணம் கல்லூரிகளில் படிக்கும் மாணவர்கள்
கல்லூரியைத் தவிர வேறொரு இடத்தில் ஒன்றுகூடி மாநில நெடுஞ்சாலையை சில மணிநேரமேனும் மறித்து போராட்டம் ஒன்று நடத்தி
அதில் பிற தமிழக இளைஞர்களுக்கு அழைப்பு விடுத்து முழக்கமிட்டு
அதை வீடியோ எடுத்து சமூக வலைகளில் போடுமாறும் கேட்டுக்கொள்ளப்படுகிறார்கள்.

கும்பகோணத்தில் இருக்கும் அரசு ஆண்கள் கல்லூரி, அரசு மகளிர் கல்லூரி, அரசு கலைக் கல்லூரி

மயிலாடுதுறையில் இருக்கும் டிஜி அரசு கல்லூரி, தர்மபுரம் ஆதீனம் கல்லூரி போன்ற கல்லூரி மாணவர்கள் இதைச் செய்யலாம்

கும்பகோணம் அரசு ஆண்கள் கல்லூரியில் படிக்கும் கதிராமங்கலத்தைச் சேர்ந்த மாணவர்கள் மேற்கண்ட கல்லூரிகளை ஒருங்கிணைத்து போராட்டம் நடத்தினால் இன்னும் சிறப்பாக இருக்கும்.

பாதிக்கப்படுவது கதிராமங்கலம் மட்டுமில்லை அதைச் சுற்றி இருக்கும் வீடுகளும் கல்லூரிகளும் பல ஆயிரம் ஏக்கர் விவசாய நிலங்களும்தான்.

அரசியல்வாதிகளை நம்பாமல் மண்ணையும் மக்களையும் நேசிக்கும் மாணவர்கள் பேதங்களைக் கடந்து களத்தில் இறங்குமாறு கோரப்படுகிறார்கள்.

நன்றி

(முடிந்த அளவு பரப்புங்கள்)

நீட் ஏன்?

நீட் ஏன்?

இந்திய ஒன்றியத்தின்

டெல்லி - அரசியல் தலைநகர் 

மும்பை - பொருளாதாரத் தலைநகர்

சென்னை - மருத்துவத் தலைநகராக அறியப்படுகின்றன.

அதாவது இந்தியாவிலேயே சென்னையில்தான் நவீன மருத்துவமனையும்
திறமையான மருத்துவர்களும் இருக்கின்றனர்.

செலவும் குறைவு என்பதால் பல வெளிநாட்டினர் மருத்துவம் பார்க்க சென்னைக்கு வருகின்றனர்.
இந்தியாவிற்கு மருத்துவம் பார்க்கவருவோரில் முக்கால்வாசிப்பேர் சென்னைக்குத்தான் வருகிறார்கள்.

இங்கே வரும் வெளிநாட்டவர் சுற்றிப்பார்க்கவும் செய்வர்.
அவர்களுக்கு தமிழகத்தின் கோயில்கள் மிகவும் பிடித்து தமிழகத்தின் புகழ் உலகம் முழுவதும் பரவி சுற்றுலாப் பயணிகளும் அதிகம் வருகின்றனர்.
இந்தியாவில் தமிழகம் சுற்றுலாவில் இரண்டாம் இடத்தில் உள்ளது.

இதையெல்லாம் பார்த்து வயிறெரிந்த ஹிந்தியர்கள் இதற்கு அடிப்படையான தமிழர்களின் மருத்துவ அறிவுக்கு வைத்த ஆப்புதான் நீட்.

மத்திய அரசின் பாடத்திட்டமான CBSC படித்தோர் தமிழகத்தில் 1.6% மட்டுமே.

இந்த பாடத்திட்டத்தில் இருந்துதான் கேள்வி கேட்போம் என்கிறது மத்திய அரசு.

இதற்கு உறுதுணையாக இணைந்து வழக்கை வாதாடி வென்றது தெலுங்கர் நடத்தும் சங்கல்ப் அமைப்பு.

தமிழகத்தின் 98.4% மாணவர்களின் மருத்துவக் கனவு கனவாகவே ஆகிவிட்டது.

இது மத்திய ஹிந்தி அரசின் மாநிலங்களின் உரிமை மீதான தாக்குதல்.
இது தமிழகத்தைக் குறிவைத்தே நடத்தப்படுகிறது.

ஆனால் திராவிடம் ஊட்டிய பார்ப்பனவெறுப்பு விசம் யாரையும் சரியான திசையில் சிந்திக்கவிடவில்லை.

1930ல் சமஸ்கிருதம் படித்தால்தான் டாக்டர் ஆகலாம்.
அதைத்தான் இப்படி மீண்டும் கொண்டுவந்துவிட்டான் பார்ப்பான்.
செயினை கழட்ட சொன்னீர்களே பூணூலை ஏன் கழட்ட சொல்லவில்லை?
என்றெல்லாம் முகநூல் பதிவர்கள் விளாசித் தள்ளுகிறார்கள்.

இது தமிழக அரசின் பாடத்திட்டத்தை ஒழித்து ஹிந்தி அரசின் பாடத்திட்டத்தைக் கொண்டுவர நடக்கும் நவீன மொழித்திணிப்பு.
தமிழகத்தின் மீதான பிற இனத்தாரின் எரிச்சல்.

இது தெரியாமல் கண்ணைமூடிக்கொண்டு பார்ப்பனரை எதிர்த்துவிட்டால் எல்லாம் சரியாகிவிடும் என்று நினைப்பது முட்டாள்த்தனம் மட்டுமல்லாது திராவிடத்தின் வெற்றி எனவும் கூறலாம்.

உண்மையான எதிரியை மறைத்து இல்லாத ஒன்றை நோக்கி நம்மை திசைதிருப்ப உருவாக்கப்பட்டதே திராவிடம்.

சரி. பார்ப்பன வெறுப்பாளர்கள் எக்கேடும் கெட்டு ஒழியுங்கள்.

மாணவர்களே!
இந்த ஆண்டு நீட் நடந்து ஆடை களைந்து அவமதிப்பு வரை உங்களுக்கு நடந்தாயிற்று.

அடுத்த ஆண்டு இரண்டு மாதம் முன்பே திட்டமிட்டு பெரிய போராட்டம் நடத்துங்கள்.
இந்த முறை நீட் தேர்வால் பாதிக்கப்பட்ட மாணவர்கள் இதை திட்டமிடுங்கள்.
அடுத்த தலைமுறை மாணவர்களிடம் விளக்கிச் சொல்லுங்கள்.
பொதுத்தேர்வை மொத்தமாகப் புறக்கணிப்பது சரியான பதிலடியாக இருக்கும்.

இது மருத்துவர் ஆக நினைக்கும் 'நன்றாகப் படிக்கும் மாணவர்களின்' பிரச்சனை மட்டும் இல்லை.
இன்று அவர்களுக்கு நடந்தது நாளை ஒவ்வொரு மேற்படிப்பிற்கும் நடக்கும்.

ஏற்கனவே எல்லா அரசுவேலைகளிலும் வடயிந்தியனை நிரப்பிவருகிறார்கள்.
கல்வியையாவது தக்கவைத்துக் கொள்ளுங்கள்.

நீங்கள் பொதுமக்கள் போராட்டத்திற்காகக் களத்தில் இறங்கினீர்கள்.
உங்கள் போராட்டத்திற்கு பொதுமக்கள் கட்டாயம் வருவார்கள். 
அவர்களுக்கும் தரமான மருத்துவம் வேண்டும்தானே?!

ஆனால் போராட்டம் மட்டுமே இறுதித்தீர்வு கிடையாது.
ஹிந்தியாவோடு நாம் இணைந்திருக்கும் வரை தமிழன் ஒருவன் கூட நிம்மதியாக வாழமுடியாது என்பது உறுதி.
நீட் போனால் இன்னொன்று அது போனால் மற்றொன்று என கொண்டுவந்துகொண்டே இருப்பார்கள்.
நாம் போராடி போராடி சாகவேண்டியதுதான்.

தமிழர்நாடு விடுதலையே இறுதியான தீர்வு.

இளைய தலைமுறை மாணவர்களே!
இதை எழுதிவைத்துக்கொள்ளுங்கள்.

டெல்லியில் தமிழ் மாணவர்கள் கொலை

டெல்லிக்கு செல்லும் தமிழ் மாணவர்கள்  கொலை செய்யப்படுவது இது இரண்டாம் முறை.

முன்பு மருத்துவ மாணவர் சரவணன்.
இப்போது முத்துகிருஷ்ணன்.

தமிழர்களுக்கு பாதுகாப்பு இல்லை என்பதை இந்தி அரசு மீண்டும் மீண்டும் நினைவு படுத்துகிறது.

எங்கு சென்றாலும் தமிழர்கள் மிகுந்த எச்சரிக்கையோடு வாழ வேண்டும் என்பதே காலத்தின் செய்தி.

முத்துக்கிருட்டிணன் கால் தரையில் இருக்கிறது ஆனால் தூக்கில் தொங்கியபடி இறந்துள்ளார்.
இது கொலையே ஆகும்.

தமிழனைக் கொல்லாத இனமில்லை
தமிழன் சாகாத இடமில்லை
என்ற காலம் வரப்போகிறதோ?!

பேய்கள் அரசாண்டால் பிணந்தின்னல் சட்டமாகும்

என்னப்பா செய்றது?

இங்க மக்கள அடிக்கறவன்தான் போலீஸ்

சமூகத்துக்காக போராடுறவன்தான் சமூகவிரோதி

குடிமக்கள விரட்டிட்டு நடந்தா குடியரசுதினம்

நாட்டுப்பற்று உள்ளவன்தான் தீவிரவாதி

ஒற்றுமையைக் கொண்டுவந்தா பிரிவினைவாதி

மக்கள சுடுறவன்தான் ராணுவவீரன்

சட்டத்த ஓட்டையாக்குறவன் வக்கீல்

நிதி சேக்குறவன்தான் நீதிபதி

நோய பரப்புறவன்தான் டாக்டர்

அறிவை மழுங்கடிக்கறதுதான் கல்வி

அழிவுதான் வளர்ச்சி

உண்மையை மறைப்பது ஊடகம்

தொழிலாளிய அடகுவைக்கறவன் கம்யூனிஸ்ட்

சாதிவெறியன்தான் தலித் போராளி

வந்தேறிதான் மண்ணின் மைந்தன்

விபச்சாரிதான் பெண்ணுரிமை அடையாளம்

என்ன செய்வது?

பேய்கள் அரசாண்டால் பிணந்தின்னல் சட்டமாகும்

மாத்தணும் எல்லாத்தயும் அடியோட மாத்தணும்

ஜல்லிக்கட்டு போராட்டத்தில் இணையவழிப் போராளிகள்

வெளிநாட்டில் அதாவது வடயிந்தியாவில் உட்கார்ந்து கொண்டு,
களத்தில் போராடுவோருக்கு
அதைச் செய்யுங்கள் இதைச் செய்யுங்கள் என்று அறிவுரை வழங்கவோ

அப்படி நடக்கும் இப்படி நடக்கும் என்று சோதிடம் சொல்லவோ நான் முகநூலில் செயலாற்றவில்லை.

ஏனென்றால் நான் முகநூல் மூலம் என்னால் எது முடியுமோ அதை ஏற்கனவே செய்துவிட்டேன்.

இப்போது நடப்பதை மகிழ்ச்சியோடு வேடிக்கை பார்க்கிறேன்.

தமிழனுக்கு இனப்பற்றே கிடையாது ஒற்றுமையே கிடையாது
பதிவுபோட்டே புரட்சி பண்ணமுடியாது
அப்படியெல்லாம் தமிழரைத் திட்டி திட்டி பதிவு போட்டவர் மத்தியில் தமிழன் எழுவான்
தமிழினம் எழும்
இனப்பற்று மொழிப்பற்று ஒற்றுமை எல்லாம் இருக்கிறது என்று தொடர்ச்சியாக பதிவு போட்டவன் என்ற வகையில்
நான் சொன்ன சோதிடம் தான் பலித்தது.

பாலச்சந்திரனுக்கும்
சென்னை வெள்ளத்துக்கும்
இளைஞர்களைக் களத்தில் இறக்கியவர்கள்
என்னைப் போன்ற ஆயிரமாயிரம் இணையவழி போராளிகள்தான்.

இது ஆரம்பம்தான்.

தொடர்ந்து போராடுவோம்.

17 ஜனவரி, 07:12 PM

கேரல் தமில்நாட் ரெண்டும் ஒன்றுதானே

?என்னது கேரளாவும் தமிழ்நாடும் வெவ்வேறு மாநிலங்களா?

கேட்கும் வடயிந்தியர்

இந்தியில் பல செய்தி தொலைக்காட்சிகளில் முன்னணியில் இருப்பது நீதிக்குக் குரல்கொடுப்பது என்று பரவலாக அறியப்படுவது 'ஆஜ்தக்(இன்றுவரை)' எனும் தொலைக்காட்சி.

இன்று அதில் 'முக்கிய நூறு செய்திகள்' பார்த்தேன்.

தமிழ்நாட்டில் நீதிக்காக அறவழியின் எவ்வளவு பெரிய மாணவர் புரட்சி நடக்கிறது!?

ஆனால், அந்த நூறு செய்திகளில்
ஜம்மு தாக்குதல்,
மணிப்பூர் குண்டுவெடிப்பு,
ஐதராபாத் குண்டுவெடிப்பு,
குஜராத் தேர்தல் பிரச்சாரம்,
மராத்தியர் மொழிப்போராட்டம்,
மழையால் மட்டைப்பந்தாட்டம் தடை,
போப் உரை,
சுவிசில் நடிகை கத்ரீனாவின் படபிடிப்பு,
மூன்று சாலைவிபத்துகள் என்று என்னென்னவோ வந்தது.

தமிழ்நாடு என்கிற வார்த்தையாவது வந்ததா?
ம்ஹும் மூச்சுவிடவில்லை.

சரி கீழே ஓடும் ஒருவரிச் செய்தியிலாவது தமிழ்நாடு என்கிற வார்த்தை வருகிறதா?
ம்ஹும் அறவே இல்லை.

தமிழ்நாடு தாண்டி எந்த ஒரு ஊடகமும் மதிக்கவில்லை.

'இலங்கையா தமிழ்நாடா முடிவு செய்' என்ற வாசகத்தைக் கையில் ஏந்திப் போராடும் நம் மக்களை நினைத்தால்தான் வேதனை நெஞ்சைக் கீறுகிறது.

அவர்கள் என்ன புலிகளை ஆதரிக்கிறார்களா?

இந்தியாவைக் குற்றம் சாட்டுகிறார்களா?

பிரிவினை கோருகிறார்களா?

வன்முறையா? கலவரமா?

கட்சி சார்பில்லாத மாணவர்களின் அறவழிப்போராட்டம்
அதுவும் எதற்காக கொடூரமாகக் கொல்லப்பட்ட இரண்டு லட்சம் மக்களுக்காகவும் ஈவிரக்கமின்றி சாகடிக்கப்பட்ட பன்னிரண்டு வயதுப் பிஞ்சுக்காகவும் நீதி கேட்டு,

இதைக்கூட ஆதரிக்காத இவர்களிடம் ஆதரவு வேண்டி கோரிக்கை வைப்பது முட்டாள்த்தனமே ஆகும்.

முக்கிய நூறு செய்திகளில் ஒரு செய்தி என்ன
ஒரு வரிச் செய்தியில்கூட ஒரு கோடி மாணவர் குரலுக்கு இடமில்லை இதுதான் தமிழனுக்கு இந்தியா அளிக்கும் மரியாதை.

வடயிந்தியாவைப் பொறுத்தவரை 25 மாநிலங்களில் ஒரு மூலையில் இருப்பது தமிழ்நாடு; 
அது எந்தமூலை என்றுகூடத் தெரியாது.

கேரள் தமில்நாட் ரெண்டும் ஒன்றுதானே என்று கேட்பவர்கள்தான் அவர்கள்;

அவர்களுக்கு நாமெல்லாம் 'சவுத் இந்தியன்',
இந்தியை எதிர்ப்பவன்,
கரடுமரடான மொழியைப் பேசுபவன்,
ஜிலேபி எழுத்துக்கள் எழுதுபவன்,
கருப்பன்,
ஆங்கில அடிமை.
மாமன் மகளையே(அவர்கள் பார்வையில் தங்கையையே) திருமணம் செய்பவன்,
வீட்டிலேயே கறிவெட்டி சமைப்பவன்,
இராசீவ் காந்தியைக் கொன்றவன்;

உடனே தென்னிந்தியர் நம்மை மதிக்கிறார்கள் என்று திராவிடவாதி போலத் தீர்மானித்துத் தொலைக்காதீர்கள்!

தென்னிந்தியனைப் பொறுத்தவரை நாம் தமிழன் அதாவது கூலி,
பிழைப்புக்காக ஒடிவந்தவன்,
தமது மாநில நதி நீரில் பங்கு கேட்பவன்,
இலங்கையில் தீவிரவாதம் செய்பவன்,
தானே மூத்தகுடி என்று வரலாற்றைத் திரிப்பவன்,
அகதியாக ஓடிவந்தவன்,
தன்னினப் பிராமணரை வெறுப்பவன், தன்னையே ஆளத்தெரியாதவன், ஆளத்தகுதியற்றவன்,
நம்மிலிருந்து வந்தவன்,
நம்மால் ஆளப்பட்டவன்- ஆளப்படுபவன்.

இவர்களைச் சொல்லியும் தவறில்லை.
வந்தேறிகளுக்கு ஆட்சியையும் வடயிந்தியருக்கு தொழிலையும் மொய் எழுதிவிட்டு பிழைப்புக்காகத் தொழிலாளியாய் ஊழியனாய் அடிமையாய் ஓடிக்கொண்டிருக்கும் ஓட்டாண்டிக் கூலிகள்தான் நாம்.

நானும் இந்தியரிடம் நமது பிரச்சனைகளைக் கொண்டு சென்றுவிட்டால் போதும் தீர்வு கிடைத்துவிடும் என்று உறுதியாக நம்பியவன்தான்;

ஆனால், இப்போது புரிந்துவிட்டது.
இந்தியாவில் வாழ்வோர் அனைவரும் வெவ்வேறு தேசிய இனத்தவர் ஆவர்.

அவர்கள் நாடு அரசியல் ரீதியாக இந்திய ஒன்றியத்தில் இணைந்துள்ளது அவ்வளவே;

அவர்களிடம் போய் 'இந்தியன்' என்று என்றும் இல்லாத உணர்வைத் தூண்டி அதன்மூலம் ஆதரவு திரட்ட நினைப்பது மடத்தனம்.

ஆகவே தமிழரே நம் பிரச்சனை நம் நாட்டுப் பிரச்சனை அதாவது தமிழர் நாட்டின் பிரச்சனை,
இந்தியாவின் பிரச்சனை அல்ல.
அதாவது இந்தியா என்று எதுவும் நம்மைப் பொறுத்தவரை இல்லை;

நமது பிரச்சனையை முதலில் நாம் முழுமையாக இறங்கவேண்டும்.

தமிழர் சந்திக்கும் பிரச்சனைகளை இன்னொரு தமிழரிடம் கூறிப் புரியவையுங்கள்,
உலகம் முழுதும் உள்ளத் தமிழரை ஒன்று திரட்டுங்கள்;
அதுதான் பலனளிக்கும்;

பிரச்சாரத்துக்காக வேண்டுமானால் பிற இனத்தவருக்கு அதுவும்  தகவலாகத் தெரிவிக்கலாம்.
அதை விட்டுவிட்டு நம்மினம் சார்ந்த ஒரு பிரச்சனைக்கு வேறொருவரை நம்புவது முட்டாள்த்தனம்;

ஈழத்திலே
காவிய நாயகனாம்
காக்கும் கடவுளாம்
கண் கண்ட தெய்வமாம்
ஒப்பாரும் மிக்காரும் எவருமிலா
நம் தேசியத்தலைவர் திரு.பிரபாகரன் கூறுவது போல நாம் ஒரு  ஆற்றல் மிக்க இனம்;

ஒரு வீரப்பனாரை தோற்கடிக்க மூன்று மாநிலக் காவல்துறையினர் மற்றும் மத்திய ரிசர்வ்  படை சேர்ந்து நாற்பது வருடம் முக்கினார்கள்.

ஒரு பிரபாகரனைத் தோற்கடிக்க சிங்கள காவல்துறை,  இராணுவம் , இந்திய இராணுவம்,உளவுத்துறை மற்றும்   32 நாடுகள் 30வருடம் முக்கினார்கள்.

ஒட்டு மொத்தத் தமிழனமும் எழுச்சி பெற்றால்   நம்மைத் தோற்கடிக்க உலகநாடுகள் என்ன அண்ட சராசரமும் ஆயிரம் ஆண்டுகள் முக்கினாலும் நடக்காது.

நாளை நம்மீது இந்தியா போர்தொடுத்தாலும் தொடுக்குமேயன்றி நமக்கு நீதி கிடைக்க வழிவிடாது இதுதான் கசப்பான உண்மை;

அதனால் மீண்டும் கூறுகிறேன்;

தமிழராக இணையுங்கள்;
தயாராக இருங்கள்;

நம் விடுதலை நம் கையில்

(மாணவர் போராட்டத்தின்போது பதிவிட்டதை மெருகேற்றி மீள்பதிவாக)