Friday, 5 May 2017

தமிழ்தேசிய வெள்ளம்

தமிழ்தேசிய வெள்ளம்

வேட்டொலி இணையம்
நல்ல முன்னேற்றம் அடைந்துள்ளது.

கடந்த மாதம் 4500 முறை பார்க்கப்பட்டுள்ளது.
அதாவது ஒரு நாளைக்கு 150 பேர் சராசரியாக.
(இதில் என் பார்வைகள் சேர்க்கப்படவில்லை).
வேட்டொலிக்கு பெரும்பாலும் முகநூல் மூலம் வந்தடைகின்றனர்.
இது எனது பதிவுகள் உள்ள vaettoli.blogspot இணையம் மட்டும்தான்.

இதுபோக fbtamildata இணையத்தில் பிறரது தமிழ்தேசிய பதிவுகளையும் நான் தேடி எடுத்த சேமிப்பையும் ஏற்றிவருகிறேன்.
தொடங்கி 46 நாட்களில் 1916 பதிவுகள் ஏற்றியுள்ளேன்.
(இன்னும் 1000 பதிவுகள், 4000 புகைப்படங்கள் ஏற்றவேண்டி உள்ளது)
இதற்கு கடந்த மாதம் 3350 பேர் வருகை தந்துள்ளனர்.
அதாவது 111 பேர் / நாள்.
(இதிலும் என் பார்வைகள் சேர்க்கப்படவில்லை).
இவ்வலைக்கு பெரும்பாலும் கூகுள் தேடல் மூலம் வந்தடைகின்றனர்.
இது விரைவில் வேட்டொலியை விஞ்சிவிடும்.
(தற்போது 133 பேர் / நாள்).

மண்மீட்பு பதிவுகள் மிக முக்கியமானவை என்பதாலும்
blogspot ல் சிலசமயம் படங்கள் அழிந்துவிடுவதாலும் vaettoli.wordpress லும்  அப்பதிவுகளை ஏற்றிவைத்துள்ளேன்.
இதிலும் நாள்தோறும் 2,3 பேர் வருகை தருகின்றனர்.

முகநூலில் போடுவது எல்லாம் காலப்போக்கில் அழிந்துவிடும்.
இணையத்தில் தேடினாலும் கிடைக்காது.
பல அரிய தமிழ்தேசியப் பதிவுகள் இப்படி அழிந்துவிட்டன.
ஆகவே தொலைநோக்குடன் உங்களது பதிவுகளை மேற்கண்டவாறு ஆவணமாகவும் ஆக்கிவையுங்கள்.

ஊடகத்தைத் தேடாமல் நீங்களே ஊடகமாக மாறுங்கள்.

தமிழ்தேசிய வெள்ளம் இணையத்தை நிரப்பட்டும்.

Thursday, 4 May 2017

ஆதார் - நவீன குற்றப்பரம்பரை

ஆதார் - நவீன குற்றப்பரம்பரை

வெள்ளைக்காரன் கொண்டுவந்த குற்றப்பரம்பரை சட்டம் மற்றும் கைரேகை எடுக்கும் முறையின் நவீன வடிவம்தான் ஆதார்.

அவனாவது ஒரு குறிப்பிட்ட மக்களைக் கண்கானிக்க அதைச் செய்தான்.

ஆனால் மோடி நாட்டின் அனைத்து மக்கள் மீதும் அதைச் செய்கிறான்.

இதை அரசு மட்டும் பயன்படுத்தினால் பெரிய பிரச்சனை இல்லை.

இதை மோ(ச)டி அரசு பன்னாட்டு முதலாளிகளுக்கு விற்கிறது.

பணம் படைத்தவனெல்லாம் எல்லாம் அறிந்த கடவுளாக உருவெடுப்பான்.

இதன்மூலம் ஒரு மனிதனின் அன்றாட வாழ்க்கையை கண்கானித்து அவனுக்கு பிடித்தது, பிடிக்காதது, தேவையானது ஆகியவற்றை அறிந்து அந்த சந்தைக்கு ஏற்ப அவர்களால் விற்பனை செய்யமுடியும்.

தேவையில்லாததை விளம்பரம் செய்து விற்கவும் முடியும்.

உன்னைப் பற்றி எல்லாம் தெரிந்த ஒருவனிடம் உன்னால் மோதமுடியுமா?!

Wednesday, 3 May 2017

கன்னடன் சுட்டுக்கொன்ற தங்கத் தமிழர்

கன்னடன் சுட்டுக்கொன்ற தங்கத் தமிழர்

மறைக்கப்பட்ட தமிழினக் கொலைகளில் ஒன்று

1982 சூலை மாதம் கர்நாடகாவில் உள்ள தமிழர் தாய்நிலமான கோலாரில் தமிழ்மொழிக் கல்விக்காகப் போராடி சுட்டுக்கொல்லப்பட்ட நான்கு தமிழர், காணாமல் அடிக்கப்பட்ட 15 தமிழர்.

அறிக்கை: கர்நாடகத்தில் மொழிக் கொள்கை, கன்னடர்களுக்கு கல்வி வேலைவாய்ப்பில் முன்னுரிமை அளிக்க வகை செய்யும் கோகாக் குழுவின் பரிந்துரைகளை அப்போது முதல்வராக இருந்த மறைந்த குண்டுராவ் தலைமையிலான காங்கிரஸ் கட்சி அரசு 1982-ம் ஆண்டு அமல்படுத்தியது.

இதனால் மொழிச் சிறுபான்மையினருக்குத் தாய்மொழி கல்வி உரிமையைப் பறிக்க அப்போதைய அரசு முயன்றது.

இதை எதிர்த்து தமிழில் கல்வி கற்க உரிமை கோரி கர்நாடகத்தில் சிறுபான்மைத் தமிழர்கள் போராட்டம் நடத்தினர்.
தமிழர்கள் அதிகம் வசிக்கும் கோலார் தங்க வயலில் இந்தப் போராட்டம் மிகவும் தீவிரமாக நடந்தது.
அறவழியில் நடந்த இந்தப் போராட்டத்தை காவல்துறை அத்து மீறி அடக்க முயன்றது.
போராட்டம் நடத்திய தமிழர்கள் ஓட ஓட விரட்டி அடிக்கப்பட்டனர்.
காவல் துறையின் இந்த அட்டூழியத்தைப் பொறுத்துக்கொண்டு உரிமைக்காக தமிழர்கள் தொடர்ந்து போராடினர்.
இதனால் குண்டுராவ் அரசு தமிழர்கள் மீது துப்பாக்கிச் சூடு நடத்தி போராட்டத்தை அடக்க உத்தரவிட்டது.
இதைத்தொடர்ந்து தங்கவயலில் போராட்டம் நடத்திய தமிழர்கள் மீது துப்பாக்கிச்சூடு நடத்தப்பட்டதில் பால்ராஜ், உதயகுமார், மோகன், பரமேஸ்வரன் ஆகியோர் குண்டுபாய்ந்து இறந்தனர்.
பலர் காயம் அடைந்தனர்.
போலீஸாரால் அழைத்துச் செல்லப்பட்ட பலர் இன்று வரை வீடு திரும்பவில்லை.
அவ்வாறு காணாமல் போனவர்கள் மட்டும் 15 பேர்.

நன்றி:-
http://kgftamils-mani.blogspot.in/2008/10/blog-post_9351.html?m=1

http://naamtamilar.org/கட்சி-செய்திகள்/பெரும்-எழுட்சியுடன்-நடை%E0%AE-3

(2 பிப்ரவரி 2014 அன்று முகநூல் பதிவாக இட்டது.)

Tuesday, 2 May 2017

கோலார் தங்கவயல் - தமிழர் இழந்த புதையல்

கோலார் தங்கவயல் - தமிழர் இழந்த புதையல்

கோலார் மாவட்டத்தில் கன்னடர் பெரும்பான்மையாக இருந்தனர்.

ஆனால் அதற்கு அருகே இருக்கும் தங்கச் சுரங்கமான கோலார் தங்க வயல் பகுதி தமிழர் பெரும்பான்மை பகுதியாகவே இருந்தது. இருக்கிறது.


தமிழர் உழைப்பில் தங்கம் அனைத்தும் எடுக்கப்பட்டு கன்னடரும் ஹிந்தியரும் பங்குபோட்டுக்கொண்டனர்.


1982 ல் தமிழ் மொழியுரிமைக்காகப் போராடியதால் இப்பகுதியில் கன்னட அரசின் துப்பாக்கிச்சூடு நடவடிக்கைக்கு 4 தமிழர்கள் பலியாயினர்.

படங்களுக்கு நன்றி : Asa Sundar

நவீன வர்ணாசிரமம்

நவீன வர்ணாசிரமம்

"தமிழினத்தின் தலைமக்களே!
பெருமைமிகு பள்ளர் பெருமக்களே!

இடவொதுக்கீடு என்பது என்ன தெரியுமா?

10 பேருந்துக்கான நிதியை ஒதுக்கி  அதில் முக்கால் பாகத்தை ஆட்டையை போட்டுவிட்டு,

4 ஓட்டைப் பேருந்துகள் வாங்கி விட்டு,

அதில் நெருக்கடி ஏற்படும்போது
பெண்கள், முதியவர், நோயாளி என்று இருக்கைகளை ஒதுக்குவது போல
ஒரு ஏமாற்று வேலை ஆகும்.

இதனால் எவருக்கும் எந்த பலனும் இல்லை.

இறங்குங்கள் அந்த ஓட்டை உடைசல் பேருந்தில் இருந்து,
தனியே ஒன்றிணைந்தால் மகிழுந்து (கார்) கூட உங்களால் வாங்கமுடியும்"

"பார்ப்பனக் கைக்கூலி!
மனுதர்ம அடிமை!"

"யாருப்பா நீ ?"

"நான்தான் பெரியார் பேரன்"

"ஓகோ. உனக்கு புரியவில்லையா?
உதாரணம் கேள்.
தமிழகத்தில் மருத்துவ கல்லூரியில் இடம் கிடைக்க OC க்கு cut-off மதிப்பெண் 198/200
அதேநேரத்தில் SC க்கு 195/200
அதாவது வெறும் 3 மதிப்பெண் வித்தியாசம். இதுதான் அதிகபட்சம்.
பல கல்லூரிகளில் 1 மதிப்பெண் வித்தியாசம்தான்.
இப்படியான இடவொதுக்கீட்டால் என்ன பலன்?"

"எல்லாம் பாப்பான் செய்யும் வேலை.
அவன் 3000 ஆண்டுகளுக்கு முன்பு ஆடுமாடு ஓட்டிக்கொண்டு கைபர் போலன் கணவாய் வழியாக வந்தான்.
ஆரியன் சமஸ்கிருதம் பேசிக்கொண்டு வந்தது செவ்வாய் கிழமை.
அன்று மழை பெய்தது.
பக்கத்தில் இருந்து பார்த்த மாக்ஸ்முல்லர் இதை எழுதியிருக்கிறார்.
அவன் ஒரு குகைக்குள் உட்கார்ந்து மனுதர்மம் எழுதி சாதியை உருவாக்கினான்.
அவன் வெள்ளையாக இருந்ததால் பொய்சொல்லமாட்டான் என்று நம்பி எல்லாரும் அவனுக்கு அடிமையாகிவிட்டார்கள்.
ஓசோனில் ஓட்டை விழுந்ததற்கே
பாப்பான்கள்தான் காரணம்.
அவர்கள் குடுமியை வெட்டி பூணூலை அறுத்துவிட்டால் நாட்டில் இருக்கும் எல்லா பிரச்சனைகளும் சரியாகிவிடும்."

"அப்படியாப்பா OC, BC, SC, ST என்று புதுப்பெயரிட்டு மனுதர்மத்தின் நால்வர்ணத்தை அப்படியே சட்டமாக்கி சலுகை வழங்குவது நவீன மனுதர்மமா? இல்லையா?"

"அது... வந்து.. பின்ன ஜாதி எப்டி ஒழியும்?"

"சாதிய ஏற்றத்தாழ்வுதானே ஒழியணும்.
சாதி ஏம்ப்பா ஒழியணும்?
சாதி அடையாளம் இல்லாமல் ஒருவன் தமிழனா என்று கண்டுபிடிக்க இப்போது வேறு  வழியில்லையே!
அதை ஒழித்தால் வேற்றினத்தார் அடையாளத்தை மறைத்து ஊடுருவ வசதியாகிவிடுமே!"

"நீ ஒரு சாதிவெறியன்!
பள்ளர்களை ஒழிக்க நினைக்கும் தேவர் சாதிக்காரன்"

"நான் தேவனே கிடையாது"

"நீ கிருஷ்ணசாமி அடிமை.
அவன் பார்ப்பனர்களிடம் பணம் வாங்கிக்கொண்டு பேசுகிறான்"

"நான் கிருஷ்ணசாமி ஆதரவாளன் கிடையாது.
இந்த வெளியேற்றம் அவர் சிந்தனையும் கிடையாது.
பள்ளர்கள் பல மேடைகளில் பேசியதைத்தான் மிகத் தாமதமாக புரிந்துகொண்டு தற்போது அவர் பேசியுள்ளார்"

"நீ ஆதிக்க சாதிவெறியன்.
தமிழன் எல்லாருமே சாதி வெறியன்.
உலகத்திலேயே தமிழன் மட்டும்தான் சாதிவெறியன்.
1000 பெரியார் வந்தாலும் திருந்தமாட்டீர்கள்.
2 லட்சம் ஆண்டுகளாக அடிமையாக இருந்த ஆதி திராவிடரை மீண்டும் கீழே இறக்கும் முயற்சி இது"

"யாருடா திராவிடன்?
போடா வந்தேறி"

"நான் சுத்தத் தமிழன்லு!
தமிழு பேசுறவன்லு எல்லாரும் தமிழன்லு!

தமிழு வாழ்கலு!
தமிழ்பேசுமு மக்கள்லு வாழ்கலு!
பிரபாகரன்லு வாழ்கலு!
ஈழம் வாழ்கலு!
தந்தை பெரியாரு வாழ்கலு!

ஆனா தமிழ்நாட்டலு தமிழன் ஆளக்கூடாதுலு!
சீமான் நாம்டம்ளர்லு ஒழிகலு!
நீதான்லு ஆரிய அடிமைலு!
ஜாதி ஒழியணும்லு!
போங்கடா இன... சாரி.. சாதிவெறியன்லுகளே!"

"ஆமா, ஏன் இப்ப ஓ கால் கிடுகிடுகிடுனு ஆடுது?"

தமிழரின் முக்கிய உணவு நெல்லா?

தமிழரின் உணவுமுறை தானியங்களை பெரும்பாலும் நம்பியிருந்தது.

கூழ் காய்ச்சி உண்பதே நமது வழக்கம்.

நெல்லுச்சோறு ஒரு பண்டிகை உணவாக எப்போதாவது உண்ணும் வழக்கம்தான் 50 ஆண்டுகள் முன்புவரை இருந்தது.

நெல் நமது முக்கிய உணவு இல்லை.

நித்தம் நித்தம் நெல்லுச்சோறு என்ற பாடல் நினைவு வரலாம்.
இது தினம் தினம் பண்டிகை என்று மகிழ்வாகப் பாடுவதாகும்.

ஆகவே, நமது பழைய தானிய உணவுமுறை மீட்கப்படவேண்டும்.
தண்ணீர் குறைவாக எடுக்கும் உணவுவகையைப் பின்பற்றவேண்டும்.

நதிகள் இணைப்பு நன்மையைத் தராது

சந்திரபாபு நாயுடு செய்தது இயற்கைக்கு எதிரான திட்டம்

கிருஷ்ணா மற்றும் கோதாவரி ஆறுகளுக்கு இடையில் செயற்கையாக இணைப்பை ஏற்படுத்தி ஆற்றுநீர் கடலில் கலப்பதை பெருமளவில் குறைத்துள்ளனர்.

இதனால் கடல்நீர் கடற்கரையை ஒட்டிய நிலத்தடியில் ஊடுருவும்

இணைப்புக்கு இந்தப்பக்கம் இருக்கும் பகுதி விரைவில் உவர்நிலமாகும்.

எதற்குமே பணம் கொடுக்காத,
பேரிடர் வந்தாலும் கிள்ளிக்கொடுக்கிற பெருஞ்கஞ்சன் சிவாஜிராவ் கெய்க்வாட் (ரஜினிகாந்த்) நதிநீர் இணைப்புக்கு ஒரு கோடி கொடுப்பேன் என்று கூறியதும்
மோடியை சந்தித்து பேசியதும் மக்களின் நன்மைக்காகவா?

அவன் என்று மக்களின் நன்மையை நினைத்தான்?

நதிநீர் இணைப்பு என்பதே ஒரு முட்டாள்த்தனமான திட்டம்.

ஆறு கடலில் கலந்தேயாகவேண்டும்.

தமிழகத்தில் அணை கட்ட யாரும் அக்கறை காட்டாதது உண்மையில் தமிழர்களுக்கு நன்மையில் முடிந்தது.
அதனால்தான் கர்நாடகா தண்ணீரை அடைத்தாலும் நம் டெல்டா பகுதியில் கடல் உட்புகவில்லை.

நாமும் அணைகட்டி தடுத்தால் நம் நெற்களஞ்சியம் அழிவது உறுதி.