வேட்டொலி: கிறித்தவ தமிழர்

Showing posts with label கிறித்தவ தமிழர். Show all posts

Friday, 20 January 2017

பொங்கல் வைக்கும் பாதிரியார்

பொங்கல் வைக்கும் கிறித்துவ பாதிரியார்
புகைப்படம்

Thursday, 12 January 2017

ஏறுதழுவுதல் இந்து பண்டிகையா?

ஐனவரி, 16, 2014 அன்று சல்லிக்கட்டு நடந்தபோது (அதன்பிறகு தடை வந்துவிட்டது) காயமடைந்தோர் பெயர்களை உற்றுநோக்கினால் உண்மை விளங்கும்

அலங்காநல்லூர் ஜல்லிக்கட்டில் காயமடைந்து மதுரை அரசு இராஜாஜி மருத்துவமனையில் அனுமதிக்கப்பட்ட மாடுபிடிவீரர்கள்:-

தேனூர் அல்லாபிச்சை,
வாடிப்பட்டி பாண்டி,
மதுரை சந்தனம்,
தண்டலை கணேஷ் பாண்டி,
அலங்காநல்லூர் மணிகண்டன்,
முனிச்சாமி,
தேவன்குளம் ஜெயமூர்த்தி,

அதே நாளில் நத்தம் (திண்டுக்கல் மாவட்டம்) ஜல்லிக்கட்டில் காயமடைந்த மாடுபிடிவீரர்கள்:-

கொசவபட்டி ஜான்,
வேலாம்பட்டி பீட்டர்ஜான்,
கொசவபட்டி சேவியர்,
வெள்ளோடு வீரபாண்டி,
நத்தமாடிபட்டி கருப்பையா,
கோணப்பட்டி விஜயராஜ்,
பில்லமநாயக்கன்பட்டி ராக்கி,
சிலுவத்தூர் தினேஷ்,
நத்தமாடிபட்டி திருப்பதி,
புகையிலைப்பட்டி ரஞ்சித்,
தவசிமடை சுரேஷ்,
மேட்டுப்பட்டி சேகர்

செய்தி:-
https:// theekkathir. in/2014/01/17/ அலங்காநல்லூர்-ஜல்லிக்க-4/

Saturday, 13 August 2016

விரைவில் இப்படி ஒரு கதை எழுதப்படும்

விரைவில் இப்படி ஒரு கதை எழுதப்படும்
^:^:^:^:^:^:^:^:^:^:^:^:^:^:^:^:^:^:^:^:^:^:^

தமிழ்நாடு என்றிருந்தது 'தமிழ் ஏசுநாடு' என்று பெயர் மாற்றப்பட்டு இன்று சுதந்திரம் அடைந்தது.

ஐ.நா வாக்கெடுப்பில் இந்தியா, நேபாள நாடுகள் கடுமையான எதிர்ப்பை மீறி
இரஷ்யா, அமெரிக்கா, இங்கிலாந்து, ஜெர்மனி, இத்தாலி, ஸ்பெயின் போன்ற நாடுகளின் ஆதரவுடன்
தமிழ் ஏசுநாடு தனிநாடானது.

பாகிஸ்தான், ஆப்கானிஸ்தான், சவுதி அரேபியா, ஈரான், ஈராக், சிரியா ஆகிய நாடுகள் வாக்கெடுப்பில் கலந்துகொள்ளாததால் பெரும்பான்மை கிடைத்தது.

தமிழ்தேசிய சிந்தனையாளர் அறிஞர் குணா என்ற சாமுவேல் குணசீலனின் பேரன்,
அந்தோணி குணா குடியரசுத் தலைவராக பொறுப்பேற்றார்.

அவர் ஆற்றிய உரையில் இனவெறி இந்தியாவுக்கு எதிராக போரிட ஆயுதமும் பணமும் வாரி வழங்கிய பாகிஸ்தானுக்கும் சீனாவுக்கும் நன்றி தெரிவித்தார்.

முன்னாள் முதலமைச்சர் சீமான் என்ற சைமன் செபாஸ்டியனின் பேரன், சார்லஸ் பாலச்சந்திரன் பிரதமராகப் பொறுப்பேற்றார்.

அவர் ஆற்றிய உரையில் ஆயுதப் புரட்சியை முன்னெடுத்த தேசியத்தலைவர் ஆன்டன் பாலசிங்கம் மற்றும் அவரது தளபதி சூசை ஆகியோருக்கு பெரிய சிலைகள் நிறுவப்போவதாகத் தெரிவித்தார்.
ஏசுநாட்டில் வந்தேறி மதங்களான இந்து, இசுலாமியருக்கு இடமில்லை என்று கூறிய அவர்,
தமிழ் கிறித்துவ மதத்திற்கு மாறாவிட்டால் அவர்களை தெலுங்கு, கன்னட ஹிந்துக்களை இந்தியாவிற்கு விரட்டியடித்தது போல
உருது முஸ்லீம்களை வங்கதேசத்திற்கு விரட்டியடித்தது போல
விரட்டிவிட முடிவெடுத்துள்ளதாகவும் கூறியுள்ளார்.
இனி கிறித்தவர் மட்டுமே நாட்டுக்குள் நுழைய அனுமதி உண்டு என்றும் அவர் கூறினார்.
தமிழர்கள் இனி கோட்சூட்தான் போடவேண்டும் என்றும்
விழாக்களில் பராம்பரிய உடையான வெள்ளைப் பாவாடையை அணியுமாறு வலியுறுத்தியுள்ளார்.
யாரும் அசிங்கமாக சந்தனமோ, விபூதியோ, குங்குமமோ வைக்கவேண்டாம் என்றும்
பெண்கள் குட்டைப்பாவாடைகளிலோ நீச்சலுடைகளிலோ அல்லது அதுவும் இல்லாமலோ எங்கும் உலாவலாம் என்றும் கூறியுள்ளார்.
தமிழ் ஏசுநாடு சுதந்திரதினத்தை வருடாவருடம் தேசிய உணவான கேக் வெட்டியும் தேசிய பானமான ஒயின் குடித்தும் கொண்டாடுமாறு அவர் கூறியுள்ளார்.

மொழியாய்வாளர் ம.சோ.விக்டர் உருவாக்கிய "தூய தமிழ் பைபிள்" தேசியநூலாக அறிவிக்கப்பட்டு தேவநேயப் பாவாணர் தேவாலயத்தில் அரங்கேற்றப்பட்டது.

தேசியமதமாக "தமிழ்க் கிறித்தவம்" அறிவிக்கப்பட்டு வந்தேறி ஹிந்து கடவுள் கோயில்களில் சிவன், ராமன், ஹனுமான், கிருஷ்ணன் போன்ற சிலைகள் அகற்றப்பட்டு தூய தமிழர்களான ஏசு, மாதா, ஆதாம், ஏவாள் சிலைகள் நிறுவப்படும் என்று கூறப்பட்டுள்ளது.
இனி தீபாவளி, நவராத்திரி, ரம்ஜான், பக்ரீத் போன்ற பண்டிகைகளைக் கொண்டாட தடை விதிக்கப்பட்டுள்ளது.

கிறித்துமசு என்ற ஏசுபிறந்தநாள் தேசிய விழாவாக கொண்டாடப்படும் என்றும் அறிவிக்கப்பட்டுள்ளது.

தமிழ் இசைக்காகப் பாடுபட்ட தூய தமிழர் ஆபிரகாம் பண்டிதர் நினைவாக, கர்நாடக சங்கீதம் இனி ஆபிரகாமிய இசை என்று அழைக்கப்படும்.

மார்சல் நேசமணி, சாமுவேல் ஜேம்ஸ் செல்வநாயகம் ஆகியோர் பிறந்தநாள் விடுமுறையாக அறிவிக்கப்பட வேண்டும் என்று
அரிமாவளவனின் ஞானஸ்நானம் பெற்ற தேவாலயத்தில் தூய தமிழர்களால் தூய ஆவியின் முன்னிலையில் பேரன் ஹேரிவளவன் தலைமையில் தீர்மானம் நிறைவேற்றப்பட்டது.

இராமேஸ்வரம் மாதாஸ்தலம் என்று பெயர் மாற்றப்பட்டு அங்கே ஆதாமின் மகன்கள் கல்லறை இருக்கும் இடம் புனித இடமாக அறிவிக்கப்படவும் உள்ளது.

திருவள்ளுவர்சிலை என்று அழைக்கப்பட்ட இடம் இனி அவரது உண்மையான பெயரில் பூனிததோமையார் சிலை என்று அழைக்கப்படும் என்று அறிவித்துள்ளனர்.

ஜி.யு.போப், வீரமாமுனிவர் ஆகியோருக்கென தனி தேவாலயங்கள் அமைக்கப்பட்டு அவர்களது வாழ்க்கை வரலாறு பாடமாக வைக்கப்படும் எனத் தெரிகிறது.

(அப்டினா பிரபாகரன், வீரப்பன், தமிழரசன் இவங்கள்லாம் கிறிஸ்தவர்கள் இல்லையேனு கேக்கப்படாது.
ஏன்னா இது முட்டாள்களுக்கான கதை)

விரைவில் இப்படி ஒரு கதை எழுதப்படும்

Tuesday, 19 January 2016

டேனியல் எனும் தமிழன்

'தமிழ் போர் புரியும்' என்று 90 ஆண்டுகள் முன்பே அறிவித்த தமிழன்.

தமிழ் இந்திய ஆட்சிமொழி ஆக திரு.காயிதே மில்லத் வாக்கெடுப்பு நடத்தியது பலரும் அறிந்ததே.

அதற்கு முப்பதாண்டுகள் முன்பே "தமிழுக்கு ஆட்சியதிகாரம் தரவில்லை என்றால் போர் வெடிக்கும்" என்று கூறியுள்ளார் டேனியல் என்ற தமிழர்.

பிரிட்டிஷ் இந்தியாவின் திருவாங்கூர் சமஸ்தானத்தில் திருமூலம் சட்டமன்ற உறுப்பினராய் இருந்த,
திரு.பால்.வி.டேனியல்

27.01.1923 அன்று ஆற்றிய உரையின் முதல் ஐந்து வரிகள்,

"ராஜபாஷையாக இருந்த தமிழ் நசுக்கப்பட்டு அடுப்பண்டையில் ஒளிவிடம் தேடவேண்டியதாயிற்று.
இக்கடைசி உறைவிடத்தினின்றும் தள்ளப்படுமாயின் அது தன் நியாயமான அவகாசத்துக்காக எதிர்த்து நின்று அல்ஸ்றர் போர் புரியும்"

Ulster என்பது வட அயர்லாந்தைக் குறிக்கும்.

அயர்லாந்து மக்கள் மொழி உணர்வால் கிளர்ந்தெழுந்து பிரிட்டிஷ் அரசுக்கு எதிராகப் போராடினார்கள்.
இது ஐரிஷ்-தேசியம் எனப்படும்.

1919ல் அமைதிப் போராட்டமாக ஆரம்பித்து 1921ல் ராணுவ மோதலாக உருவெடுத்தது.
இந்த போராட்டம் அயர்லாந்து பிரிட்டிஷ்பேரரசுக்கு உள்ளேயே மாநில உரிமை கிடைக்கப்பெற்றதால் தற்காலிகமாக நின்றது.

அயர்லாந்தின் வடகிழக்கில் சிறுபகுதி (1/6) விடுதலையை ஆதரிக்காமல் இங்கிலாந்துடன் இணைவதை விரும்பியது.

பிரிட்டிஷ்காரர்களுக்கு ஆதரவாக இருந்த தனது சொந்த நாட்டின் வடகிழக்குப்பகுதியின் மீது போர்தொடுத்தனர் அயர்லாந்து நாட்டின் மற்ற பகுதியினர்(5/6)

இந்த போரானது 1921 முதல் 1923 வரை நடந்தது.
வெற்றி தோல்வியின்றி முடிந்தது.

இதைத்தான் டேனியல் 1923ல் உதாரணமாகக் கூறியுள்ளார்.

அதாவது கேரளாவின் தமிழ்பகுதிகளில் தமிழ் நசுக்கப்படுவதை கேரளத்தமிழர்கள் சகித்துக்கொண்டிருந்தால்,
தமிழகம் கேரளத்தமிழர் மீதே போர் தொடுக்கும் என்பதைத்தான் அவர் கூறியுள்ளதாக அறியமுடிகிறது.

அயர்லாந்தினரின் 'நாம் ஐரியர்' இயக்கத்தைப் பார்த்துதான் 'நாம் தமிழர்' சி.பா.ஆதித்தனாரால் உருவாக்கப்பட்டது.

அல்ஸ்றர் பகுதியை மீட்கமுடியாவிட்டாலும் இங்கிலாந்திடமிருந்து பிரிந்து அயர்லாந்து தனிநாடானது.

அதன்பிறகு மிகக்குறுகிய காலத்தில் மாபெரும் வளர்ச்சியடைந்துள்ளது குறிப்பிடத்தக்கது.

Friday, 15 January 2016

தேவாலயப் பொங்கல்

தூத்துக்குடி தேவாலயத்தில் பொங்கல் விழா

Thursday, 14 January 2016

கிறித்துவர் பொங்கல் கொண்டாட்டம்

Sunday, 30 November 2014

தமிழரொற்றுமை

டி.எம்.காதர் பாட்சா பாடுகிறார்.

"சுருளிமலை மேவும் சீலா - உனைத்
தோத்தரித்தேன் சுப்ரமண்ய வேலா - பசுந்
தோகை மயில் - மீதில் ஏறி
வாகுடனே - காத்(து) அருளும்
துய்யா முரு கைய்யா"

வெள்ளையர் காலத்தில் வாழ்ந்த இசுலாமியத் தமிழர் ஒருவர் கழுகுமலை முருகனுக்கு காவடி சிந்து பாடியுள்ளார்.

அடடா! இது எதற்கு பதிலடி தெரியுமா?

“சூர்க் கொன்ற ராவுத்தனே!
மாமயிலேறும் ராவுத்தனே”

என்று முருகனை ராவுத்தராக அருணகிரிநாதர் (15ம் நூற்றாண்டு) பாடியுள்ளாரே அதற்குத்தான்.

அசூரனைக் கொன்றால் தேவன்.
என்றால் சூரனைக் கொன்ற முருகன் அசூரனா?

ஆரியர் எல்லாரும் பிராமணர் என்றால் தமிழ்ப் பார்ப்பனன் ராவணன் மட்டும் எப்படி அரக்கன் ஆனான்?

மாற்றி எழுதியது யார்?

இந்தியாவுக்கு சுதந்திரம் கேட்ட தமிழ்ப் பார்ப்பனன் பாரதி அல்லாவைப் புகழ்ந்து பாட்டெழுதினான்..
இந்தியாவைப் பிளந்த முஸ்லீம் லீக்-ன் தலைவனான தமிழ் இசுலாமியன் காயிதே மில்லத் பாராளுமன்றத்தில் தமிழை இந்திய ஆட்சிமொழியாக்க வாக்கெடுப்பு நடத்தினான்.

பாலஸ்தீனப் பிரச்சனை இசுலாமியருக்கே சரியாகப் போய்ச்சேராத 70களில் தமிழ் இசுலாமியனை முந்திக்கொண்டு லண்டன் பத்திரிக்கைகளில் குரல் கொடுத்தான் சிறிசபாரத்னம்.
யாசர் அராபத் நேரில் அழைத்துப் பாராட்டி புலிப்போராளிகளுக்கு லெபனானில் பயிற்சி தருமளவு அவன் செயல்பாடு இருந்தது..
1995ல் யாழ் தமிழர்கள் படும் இன்னல் கண்டு மற்ற தமிழனை முந்திக்கொண்டு ஒரு இசுலாமியத் தமிழன் தீக்குளித்து ரத்னாவுக்கு பதிலடி கொடுத்தான்.

இசுலாமியத் தமிழனுக்கு முன்பே இசுலாமியனல்லாதத் தமிழன் மோடியை எதிர்த்திருப்பான்..
இசுலாமியனல்லாத தமிழனுக்கு முன்பே பீஜேவை ஒரு இசுலாமியத் தமிழன் எதிர்த்திருப்பான்.

தமிழகத்தில் இந்தித் திணிப்பை எதிர்த்து ஈழத்தடிகள் சிறைசென்றார்..
ஈழத்தில் சிங்களருடன் போர்புரிந்து தமிழகத்து இளைஞன் செங்கண்ணன் கரும்புலி மாவீரன் ஆகி ஈழத்தடிகளுக்கு பதிலடி கொடுத்தான்.

தமிழகத்தில் இருந்து ஈழம் சென்று சுப.முத்துக்குமார் களமாடி பிறகு தமிழகம் திரும்பினார்..
ஈழத்திலிருந்து நெப்போலியன் தமிழரசனுடன் களமாடி பிறகு ஈழம்திரும்பினார்.

புலி மாவீரர்கள் பொன்னம்மான், திலீபன், ரோய், தனு என பலருக்கு தமிழகத்தில் நினைவிடங்கள் உண்டு..
தமிழகத்து ஈகிகள் இருபெண்கள், ஒரு கரும்புலி உட்பட 14 மாவீரர் நினைவிடங்கள் ஈழத்தில் இருந்தன.

கேணல் அப்துல்லாவின் உண்மையான பெயர் நகுலராசா..
கேப்டன் ரகுவப்பாவின் உண்மைப்பெயர் ரகுமான்.

நம்பமுடியாதவை இன்னும் பல உள்ளன.

பறையன் நடராசன் இந்தி எதிர்ப்பில் முதல் பலி ஆனான்.

ஈழத்துப் பார்ப்பனன் கணேசன் ஈழத்தில் பிரபாகரனுக்கு முன்பே ஆயுதம் ஏந்தினான்.

பள்ளருக்கு முதல்மரியாதை நடக்கும் மீனாட்சி கோவிலில் வைத்தியநாத ஐயர் ஆலயநுழைவு போராட்டம் நடத்தினார்.

ஆஸ்கர் மேடையில் ஒரு இசுலாமியன் தமிழ் பேசினான்.

பூலித்தேவன் காலாடிப்பள்ளனுக்கு நடுகல் நட்டான்.

தமிழ் பேசவும் எழுதவும் தெரியாத குஞ்சன் நாடார் கன்னியாகுமரியை தமிழகத்தில் இணைக்கும் முயற்சியில் உடல்வதை பட்டு உயிரை இழந்தார்.

மதுரையில் பிறந்த கண்ணகிக்கு மட்டக்களப்பில் அதிகமானக் கோவில்கள் உள்ளன.

ஈழத்து சைவருக்கு தலைமைத் திருத்தலம் தமிழகத்திலுள்ள சிதம்பரம் நடராசர் ஆவார்.

ஈழத்து சைவரான நாவலர் பைபிளை தமிழில் மொழிபெயர்த்தார்.

தமிழகத்து கிறித்துவர்கள் தேவநேயப்பாவணர், மா.சோ.விக்டர் ஆகியோர் வேர்ச்சொல் ஆராய்ந்து தமிழின் பழமையை நாட்டினர்.

தமிழ் வரலாற்றில் மட்டும் எல்லாமே தலைமாற்றி நடந்துவருகிறதே!!

ஆரியன், திராவிடன், பிராமணன், சூத்திரன்,சத்ரியன், இந்தியன், சிலோன்காரன், மலேசியன், இந்து, முஸ்லீம், மேல்சாதி, தலித், இன்னும் என்னென்னவோ அடையாளத்தைத் தலையில் கட்ட முயன்றார்கள்.

சு.சாமி, சோ, ஈவேரா, கருணாநிதி, ராஜீவ்காந்தி, மோகன்தாஸ் காந்தி, வாஜ்பாய், அநாரீக, பண்டாரநாயக, சேனநாயக, மோடி,விவேகானந்தன், பீஜே, உசைன் பாரூக், விக்னேஸ்வரன், கருணா என்று எத்தனையோ முக்கியமானவர்கள் முக்கிமுக்கி பார்த்தார்கள்.

வெறும் காற்றுதான் வந்தது.

எவன் சொன்னான் ஒற்றுமை இல்லையென்று?

இனியும் இந்த பொய் பரப்புரைக்கு(பிரச்சாரத்திற்கு) பலியாகவேண்டாம்.

வேற்றின ஆட்சி, சாதி புகுத்தல், பொருளாதார சுரண்டல், இனப்படுகொலை, இனக்கலப்பு, வரலாறு அழிப்பு அத்தனையையும் கடந்து நிற்கிறது தமிழுணர்வு.

இம்ரான் பாண்டியன் படையணியும், கிட்டு பீரங்கிப் படையணியும், சார்லஸ் ஆண்டனி படையணியும் சேர்ந்து அடித்ததால் வல்லரசு நாடுகள் திரண்டுவந்து எதிர்த்தன.

ஒவ்வொரு தமிழனும் மதம் கடந்து ஒன்றிணைந்தால் என்ன செய்யமுடியும் இவர்களால்?

காலம் கூடிவரும் வேளையிது .
மேன்மேலும் ஓங்குக

**தமிழரொற்றுமை**

( ஈழத்திற்காக ஹிந்தியப்படையைத் தாக்கிய தமிழகம்
https://m.facebook.com/photo.php?fbid=440305376073121&id=100002809860739&set=a.108935022543493.9865.100002809860739&_rdr&refid=13#440308276072831 )