இடம்படுபு அறியா வலம்படு வேட்டத்து
வாள்வரி நடுங்கப் புகல் வந்து ஆளி
உயர் நுதல் யானைப் புகர் முகத்து ஒற்றி
வெண்கோடு புய்க்கும் ….
– நக்கண்ணையார்,
அகநானூறு 252 : 1-4
அடித்து வீழ்த்தும் விலங்குகள் இடப்பக்கத்தே விழுவதை ஒருபோதும் அறியாத வெற்றியை உடைய
வேட்டைக்குச் செல்லும் வாள் போன்ற வரிகளையுடைய புலியானது நடுங்குமாறு,
ஆளியானது (யாளி) பாய்ந்து வந்து உயர்ந்த நெற்றியினையுடைய யானையின் புள்ளி பொருந்திய முகத்தைத் தாக்கி,
அதன் வெண்ணிறத் தந்தத்தினைப் பறித்தெடுக்கும்.
மலாய் மொழியில் தமிழ்
அகா (aka) = அக்கா
அசல் (asal) = அசல்
அதிகார (adhikaara) =அதிகாரம்
அண்டை (andai) = அண்டை(அருகே)
அதா (adha) = அது
அதவா (adhawa) = அதுவா?
அபா (abaa) = அப்பா
அமா (amaa) = அம்மா
அல்பா (alpa) = அற்பம்
ஆயா (aayaa) = செவிலித்தாய்
ஆரா (aara) = ஆறு
இஞ்சி (inji) = இஞ்சி
இலை (ilai) = இலை
உண்டில் (undil) = உண்டியல்
அயா (ayaa) = ஐயா (தந்தை)
கஞ்சி (kanji) = கஞ்சி
கட்டில் (kattil) = கட்டில்
கெடக்காய்க் (kedakaik) = கடுக்காய்
கட்டைக் (kattaik) = கட்டை
கபல் (kapal) = கப்பல்
கபுரா (gapura) = கோபுரம்
கமண்டலம் (kamandalam) = கமண்டலம்
கல்தை (kaldhai) = கழுதை
கன்யா (kanyaa) = கன்னி
காவல் (kaawal) = காவல்
குட்டையன் (kuttaiyan) = குட்டையன்
குட்டைச்சி (kuttaichi) = குட்டைச்சி
கெடை (kedai) = கடை
கூடை (koodai) = கூடை
கூலி (kooli) = கூலி
கெடலை (kedalai) = கடலை
கெண்டி (kendi) = கெண்டி
கொட்லம் (kotlam) = கொத்தளம்
குண்டை (kundai) = கொண்டை
கொலம் (kolam) = குளம்
கோட்டா (kottaa) = கோட்டை
சக்கெரா (chakera) = சக்கரம்
சதை (sathai) = சதை
சவுக்கு (savuku) = சவுக்கு
சாணை (saanai) = சாணை
சின்டனா (chendana) = சந்தனம்
சிதி (sidhi) = சித்தி
சும்மா (chummaa) = சும்மா
செண்பகா (chempaka) = செண்பகம்
சிருட் (chirut) = சுருட்டு
செர்ப்பு (cherpu) = செருப்பு
தட்கலா (thatkala) = தற்காலம்
தெண்டா (dendaa) = தண்டம்
சம்மட்டி (tchammatti) = சம்மட்டி
தெந்தா (denta) = தந்தம்
தாம்பூல் (thaambul) = தாம்பூலம்
தயேர் (thaer) = தயிர்
தாலா (thaalaa) = தாளம்
திரை (thirai) = திரை
நகர் (nagar) = நகரம்
நாடி (naadi) = நாடி
நாலி (naali) = நாழி (நேரம்)
நீலம் (neelam) = நீலம்
பட்டானி (pattaani) = பத்தினி
பட்டில் (battil) = வட்டில்
படா (badaa) = வடை
பவளம் (pawalam) = பவளம்
பரயா (paraiaa) = பறையர்
பாடை (baadai) = வாடை
பாயு (bayu) = வாயு
பித்தம் (pittham) = பித்தம்
பெலங்கு (belanggu) = விலங்கு
பீங்கான் (pinggaan) = பீங்கான்
புட்டு (puttu) = புட்டு
பெங்காட்டி (pengaatti) = பெண்டாட்டி
பெடி (peti) = பெட்டி
பெடில் (bedil) = வெடி
பெர்வீரா (perwira) = பெருவீரன்
பெரிய (peria) = பெரிய ஆள்
பெல்பகை (pelbagai) = பலவகை
பொன்னு (ponnu) = பெண்
மட்ஜம் (matjam) = மச்சம்
மகசுல் (mahasul) = மகசூல்
மந்தம் (mandham) = மந்தம்
மாங்கா (mangga) = மாங்காய்
மாமாக் (mamak) = மாமா
மாணிக்கம் (maanikkam) = மாணிக்கம்
மாலை (maalai) = மாலை
மாளிகை (maaligai) = மாளிகை
மீசை (meesai) = மீசை
முட்டு (muttu) = முத்து
மெட்டை (mettai) = மெத்தை
மொடல் (modal) = முதல்
வள்வி (walwi) = வளைவி (வளையல்)
வேப்பலை (wepalai) = வேப்பிலை
வைரம் (wairam) = வைரம்
ஜெந்தெரா (jendera) = எந்திரம்
நன்றி: ஆராய்ச்சிக் கட்டுரைகள் (நூல்)
ஆசிரியர்: ந.சஞ்சீவி
திராவிடலு பகுதி-1
************
இந்தியா- பல்வேறு இனங்கள் வாழும் பரந்த நிலப்பிரப்பு.
ஆங்கிலேயரால் ஒருங்கிணைக்கப்பட்டு,
ஆங்கில மொழியால் ஆளப்பட்டு,
மொழிவாரி இன உணர்வைவிட தேசிய ஒருமைப்பாட்டு உணர்வு மேலோங்கி,
அதனால் விடுதலை அடைந்து,
அதன்பிறகு மதவழியாக இரண்டு துண்டாடப்பட்டு,
மதவழிதேசியம் எனும் போலி தேசியத்தை
இனவழி தேசியம் தோற்கடித்ததால் மூன்று துண்டானது.
இனவழி தேசியத்தின் முதல் வெற்றியானது திரு.பசல் அலி அவர்கள் தலைமையில் அமைந்த கமிசன் பரிந்துரையின்படி
1956 நவம்பர் ஒன்றில் காந்தி, நேரு, காமராசர் மற்றும் பலரின் எதிர்ப்பையும் மீறி மொழிவாரி மாநிலங்களை அமைத்ததாகும்.
அன்றைய எழுச்சிபெற்ற இனங்கள் தங்கள் நிலப்பரப்பை தக்கவைக்க கிளர்ந்தெழுந்தன.
அதுவரை மூன்று மாநிலங்களே இருந்தன.
கல்கத்தாவை தலைநகராகக் கொண்ட வங்காளம்,ஓரிசா,பீகார்,அசாம் மற்றும் மத்திரபிரதேசம் ஆகியவையும்,
பம்பாயை தலைநகராகக் கொண்டு பஞ்சாப், சிந்து,மகாராட்டிரம் மற்றும் குசராத் ஆகியவையும்,
சென்னையை (மதராசப்பட்டிணம்) தலைநகராகக் கொண்டு தமிழகம்,ஆந்திரா,கன்னடம் மற்றும் கேரளா ஆகியவையும்
ஒருங்கிணைக்கப்பட்டு சுமார் நூறு ஆண்டுகள் ஆளப்பட்டன.
மொழிக்கான முக்கியத்துவம் இல்லாததால் ஆங்கிலம் படித்த எவரும் எந்த இனமக்களையும் அதிகாரம் செலுத்த வழி ஏற்பட்டது.
இனவுணர்வை மழுங்கடிக்க ஆங்கிலம் கட்டாயமாக்கப்பட மாநில மொழிகள் கற்கவேண்டிய கட்டாயம் எதுவும் இல்லாமல் ஆக்கப்பட்டது.
இந்த நிலையில்தான் மற்றமொழியினரை விட தமிழர் ஒரு மாபெரும் பிழை செய்தனர்.
அன்றைய தமிழர் செய்த பிழைக்கான தண்டனையை இன்றைய இளந்தலைமுறையினர் இன்றும் அனுபவித்து வருகின்றனர்.
...தொடரும்
திராவிடலு
பகுதி-2
************
தமிழர் அப்படி என்ன தவறு செய்தனர் என்று பார்ப்பதற்கு முன் இதையெல்லாம் ஏன் நான் பதிவிடுகிறேன் என்று கூறிவிடுகிறன்.
இன்றைய திராவிடக் கட்சிகளில் உள்ள சிலர் திராவிடம் என்பது சரியானக் கோட்பாடு என்றும் இன்று முன்னனியில் உள்ள திராவிடக்கட்சிகள் பெயருக்கு திராவிடத்தை வைத்திருப்பதாகவும் அவைகள் உண்மையான திராவிடக் கொள்கைகளை பின்பற்றவில்லை என்றும் திராவிட வழிநடக்கும் கட்சிகளே தமிழருக்கு நன்மை பயக்கும் என்றும் கூறுகின்றனர்.
உண்மையில் திராவிடம் எனும் கோட்பாடு தமிழரைச் சுரண்டி அடக்கியாளவே பிறந்தது என்பதையும் அதன் விளைவுகள் இன்னும் மோசமாகும் முன் தடுக்கவேண்டிய அவசியத்தை தமிழருக்கு உணர்த்தி திராவிடத்தின் தோலுரிக்கவே இதை எழுதுகிறேன்.
இப்போது விடயத்திற்கு வருவோம்.
அன்றையத் தமிழர் செய்த தவறு என்னவென்றால் ஆங்கிலம் கட்டாயமாக்கப்பட ஆங்கிலம் கற்பது தவிர்க்க முடியாததாக இருந்தது.
ஆனால் மாநில மொழிகளில் எதைவேண்டுமானாலும் கற்கலாம் என்கிற வாய்ப்பு இருந்தது.
இந்நிலையில் தமிழர்களில் கனிசமானோர் குறிப்பாக பிராமணர்கள் சமசுக்கிருதத்தையும் இசுலாமியர் அரபி அல்லது உருது போன்ற மொழிகளையும் கற்கலாயினர்.
இன்றும் இவ்விரு வகைத் தமிழரிடமும் மேற்கண்ட மொழிகள் வேறூன்றி உள்ளன.
ஆனால் இதனால் சில நன்மையும் ஏற்பட்டது வெளிமாநிலங்களில் குடியேறியத் தமிழர்கள் தங்கள் தாய்மொழியைக் கற்க வழியேற்பட்டது.
ஆம், வெளிமாநிலத்தமிழர் தமிழைக் கற்க, மாநிலத்தமிழர் தங்கள் தாய்மொழியைப் புறக்கணித்து ஆங்கிலம் மட்டும், அல்லது அதோடு சேர்ந்து வேற்று மொழிகளைக்கற்கலாயினர்.
அத்தோடு தமிழகத்தின் எல்லைப்பகுதிகளில் அண்டைமாநிலத்தவர் வந்து குடியேறி குடியேறி தமது எண்ணிக்கை கிட்டத்தட்ட தமிழருக்கு இணையாக வர வழிசெய்திருந்தனர்.
இதற்கு பல்வேறு காரணங்கள் இருந்தன.
இவ்வந்தேறு குடிகளும் தம் தாய்மொழியையே கற்க தமிழரும் அவர்கள் மொழியைக்கற்கலாயினர்.
இதனால் நாயகர், செட்டியார் போன்ற தமது சாதிப்பெயரையும் மாற்றி தெலுங்கரின் நாய்க்கர்,ஸெட்டி போன்ற பெயர்களையும் சேர்த்துக் கொள்ளத் தொடங்கினர்.
தமிழகத்தின் 35% பூர்வீக மண் இலட்சக்கணக்கானத் தமிழரோடு அண்டை மாநிலங்களால் ஆக்கிரமிக்கப்பட அடிகோலினர்.
ஆனால் தமிழகத்தின் உட்பகுதியில் சில நூற்றாண்டுகளாக வாழ்ந்துவரும் வந்தேறுகுடிகள் தமிழைக் கற்கலாயினர் என்பதையும் இங்கு கூறத்தான் வேண்டும்.
மற்ற எந்தவொரு மக்களைவிடவும் தங்கள் தாய்மொழியைப் புறக்கணித்தப் பெரும்பிழையைச் செய்தனர் தமிழ்மக்கள்.
இன்று ஈழப்பிரச்சனையின் ஆரம்பம் என்பது அக்காலத்தில் ஆங்கிலக் கல்வியை கற்று உயர்ந்த பதவிகள் பெற்று அதிகாரவர்க்கமாக மாறிய வடக்குப்பகுதித் தமிழர் மீது சிங்களவருக்கு ஏற்பட்ட வெறுப்பே ஆகும்.
தமிழர் ஆதிகாலத்திலிருந்தே இப்பிழையைச் செய்தே வந்துள்ளனர்.
தமிழரின் தனித்தன்மை(?) என்பது 'இனப்பற்று இல்லாமை' ஆகும்.
அதனாலேயே ஆங்கிலேயர் மற்ற எவரையும் விடத் தமிழரையே ஆயிரக்கணக்கில் அடிமைகளாக கூலிகளாக தாங்கள் ஆளும் தேசமெல்லாம் கொண்டு செல்வது சுலபமானது.
அவர்கள் அனைவரும் தமது தாய்மண்ணின் ஆதரவு கிடைக்காமல் இன்றும் அதேநிலையில் உள்ளனர் என்பதே கசப்பான உண்மையாகும்.
காரணம் தமிழர் அனைவரும் வேற்றினத்தாரின் இரும்புப்பிடிக்குள் சிக்கியுள்ளனர்.
தமிழர் பெரும்பான்மையாக வாழும் தமிழகத்தலேயே மற்ற இனத்தவர் எப்படி நம்மை ஆளமுடிகிறது?
இதற்குக் காரணம் யார்?
இதில் திராவிடத்தின் பங்கு என்ன?
தொடரும். . . .
திராவிடலு
பகுதி-3
**************
திராவிடம் நம்மை எப்படி தமது ஆளுமையின் கீழ்க் கொண்டுவந்தது என்பதைப் பார்க்குமுன் திராவிடம் என்றால் என்ன என்று அறிவது அவசியமாகிறது.
திராவிடம் என்பதன் நேரடியான பொருள் 'ஆரிய எதிர்ப்பு' அதாவது 'பிராமண எதிர்ப்பு'.
இது சரிதானே பிராமணர்களின் ஆதிக்கத்தை எதிர்ப்பது தவறல்லவே என்று நீங்கள் வினவலாம்.
சரி இதை விளங்கிக்கொள்ள பிராமணர் என்றால் யார் என்பதை அறியுங்கள்.
திராவிட இயக்கங்களால் பரப்புரை செய்யப்படுவது போல பிராமணர்கள் வேற்றின வந்தேறுகுடிகள் கிடையாது.
இதை எளிமையாகப் புரியவைக்க' பிராமணர்கள் எல்லாரும் ஆரியர்' என்று கூறுவது எப்படி என்றால் 'இசுலாமியரெல்லாம் அராபியர்' ,'கிறித்துவர் எல்லாம் ஐரோப்பியர் ' என்று கூறுவதற்கு ஒப்பானதாகும்.
பன்னெடுங்காலம் முன் இன்றைய ஆப்கானித்தான் நிலப்பரப்பிலிருந்து கைபர் கனவாய் வழியே வந்தவர்கள் ஆரியர்.
இதற்குப் பல ஆதாரங்கள் உள்ளன.
திராவிடர்களின் பிரச்சாரப்படி ஆரியர்கள் வந்து சேர்ந்தபோது
இங்கே ஆட்சி செய்தவர்களைப் பலவிதமான சூழ்ச்சிகள் மூலம் கைக்குள் போட்டுக்கொண்டு
சாதியை உருவாக்கி
மனுதர்மத்தை உருவாக்கி
கடவுள் வழிபாடு சமுதாய சடங்குகளைத் திருத்தி
ஆதிக்கவர்க்கமாக உருவெடுத்துள்ளனர் .
ஆனால் உண்மை அதுவல்ல.
ஆரியர்களுக்கும் இன்றையப் பெரும்பான்மைப் பார்ப்பனருக்கும் எந்த சம்பந்தமும் கிடையாது.
எல்லோரும் நம்புவது போல ஆரியருக்கும் சமசுக்கிருதத்துக்கும் எந்த சம்பந்தமும் கிடையாது.
இதுவே உண்மை.
பார்ப்பனர்களும் இம்மண்ணின் மைந்தர்களே.
இதைக் கூறுவதற்கு எனக்கு எந்தத் தயக்கமும் இல்லை.
திராவிடக் கைக்கூலிகள் இதன்மூலம் என்னை பார்ப்பன அடிமை என்றும் ஆரியக்கைக்கூலி என்றும் கேலிசெய்தாலும் சரி.
தமிழைத் தாய்மொழியாகக் கொண்ட எவரும் தமிழரே என்பதைக் கூற என்ன அச்சம்?
ஆனாலும் பார்ப்பன ஆதிக்கம் என்று ஒன்று இருந்தது-இருக்கிறது.
பார்பனரை வந்தேறிகள் என்று கூறுவதும்
இன்றைய சாதி, மத, இன மற்றும் பொருளாதார ஏற்றத்தாழ்வுகளுக்கு பார்ப்பனரே காரணம் என்று அவர்கள் மீது மட்டும் பழிபோட்டு
மற்றவர்கள் விலகிக்கொள்வதும் அநியாயத்திலும் அநியாயம் ஆகும்.
சாதியை வளர்த்து அதில் ஏற்றத்தாழ்வுகளை உருவாக்கி மேல்தட்டு சாதியினர் அவர்களின் கீழ்த்தட்டு சாதியினரை அடக்குவதும் அவர்கள் தமக்கு கீழ்த்தட்டு மக்களை அடக்குவதுமாகிய இன்றைய அத்தனை இழிநிலைக்கும் அனைவரும் காரணம்.
பிறகு ஏன் பார்ப்பனரை மட்டும் எல்லோரும் எதிர்க்க வேண்டும்?
பார்ப்பன ஆதிக்கத்தை முடிவுக்குக் கொண்டுவருவது இன்றியமையாதது.
அதில் மாற்றுக்கருத்தேயில்லை. ஆனால் அதற்கு மாற்றாக திராவிடத்தை ஏற்பது முட்டாள்த்தனமானதாகும்.
காலங்காலமாக தமிழர் நம்மை நாமே திராவிடத்திடம் அடகு வைத்துக்கொண்டு வருகிறோம்.
திராவிடம் தமிழினத்தை பாதிக்கும் மேல் அரித்துவிட்டது.
இனியும் விழிக்கவில்லையென்றால் அடிமையாகி அழிந்தே போவோம்.
திராவிடம் பார்பனீயத்திற்கு மாற்றாக எப்படி ஏற்கப்பட்டது?
திராவிடத்திடமிருந்து எப்படி விடுபடுவது?
தமிழ்த்தேசியத்தில் பார்ப்பனீயத்தை எப்படித் தடுப்பது?
. . . .தொடரும்
திராவிடலு
பகுதி-4
*************
பிராமணர்களைப் பற்றி அறிந்து கொண்டோம்.
இப்போது அவர்களின் ஆதிக்கம் பற்றியும் திராவிடத்தின் பிறப்பு பற்றியும் தெரிந்துகொள்வோம்.
பிராமணர்கள் அந்தக்கால மன்னர்களால் மதிப்பிற்குரிய இடத்தில் அமர்த்தப்பட்டு சமுதாயத்தின் மேல்தட்டு மக்களாக இருந்தனர்.
இவர்கள் செய்த தொழிலும் அப்படியானது.
ஆன்மீக ரீதியான தொழிலைச் செய்தவர்களாதலால் மக்களும் இவர்களை உயர்ந்த குலத்தவராகவே எண்ணிவந்தனர்.
தொழில்வழிச் சமூக அமைப்பு சங்ககாலம் தொட்டே இருந்து வந்துள்ளது.
உலகம் முழுவதும் மதவழிபாட்டைச் சேர்ந்த தொழில் செய்வோரும் மதம் வளர்ப்போரும் முதல்நிலையிலும்
நிலவுடைமையாளர், படைவீரர்கள் இரண்டாம் நிலையிலும்
விவசாயிகள், கைத்தொழில் செய்வோர் மூன்றாம் நிலையிலும்
உடலுழைப்பு மற்றும் கடல்சார் தொழிலாளர்கள் நான்காம் நிலையிலும் இருப்பர்.
உலகின் எந்த மூலையிலும் இந்த வேற்றுமைகள் இருந்தே வந்துள்ளது.
பிராமணர்களின் வீழ்ச்சியானது மொகலாயர்கள் தமிழகம் வரை தமது ஆளுகையை பரப்பிய பிறகு ஆரம்பமானது
(தமிழகத்தில் பிராமண ஆதிக்கம் பல்லவர் ஆட்சியின்போது தொடங்கியது)
மன்னர்களின் ஆதரவு இல்லாது போக மக்களை மட்டும் நம்பியிருக்கும் நிலைக்கு வந்தனர்.
(அதிலும் சில பிராமணர்கள் முகலாயர்களுடன் சேர்ந்து கொண்டனர் என்பதும் உண்மை).
அப்போது தமிழகத்தின் பெரும்பாலான பகுதிகள் தமிழரல்லாத நாய்க்கர்
(நாயக்கர் என்பதே தவறு,
நாயகர் என்ற தமிழ்ச்சாதியுடன் திரிக்கவே நாய்க்கரை நாயக்கர் ஆக்கினர்).
அவர்கள் ஏற்கனவே தமிழ்ப்பிராமணரை (பார்ப்பனரை) புறக்கணித்து சமசுக்கிருதத்தை வளர்க்கும் பிறமொழிப் பிராமணரை ஆதரித்தனர்.
இதனால் தமிழ்ப் பார்ப்பனரும் சமசுக்கிருதத்தை ஏற்க வேண்டியதாயிற்று.
நாய்க்க மன்னர்கள் ஆண்ட காலமே சமசுக்கிருதத்தின் வசந்தகாலமாகும்.
அக்காலத்தில் சமசுக்கிருதத்தில் பெருங்காப்பியங்கள் தோன்றியதையும்,
தமிழ் சிற்றிலக்கியங்கள் மூலம் உயிர்பிழைத்து வந்ததையும்
இன்றுவரை தமிழ் மீண்டெழவில்லை என்பதையும் நினைவில் கொள்க.
18 ம் நூற்றாண்டுவரை முகலாயராலும் வேற்றின மன்னர்களாலும் தமிழ்ப் பார்ப்பனர் ஆதரிக்கப்படவில்லை.
வேற்றினப் பிராமணர் இதற்கு விதிவிலக்கு.
18ம் நூற்றாண்டு இறுதியில் ஆங்கில ஆதிக்கம் தமிழகம் முழுவதும் பரவ பிராமணர்கள் நிலை கவலைக்கிடமானது.
(ஊருக்கு இளைத்தவன் பிள்ளையார் கோவில் பூசாரி என்ற பழமொழி நினைவு வருகிறதா?!)
ஆங்கில ஆதிக்கம் வலுக்க வலுக்க இந்தியர் அத்தனைபேருமே பாதிக்கப்படையத் தொடங்கினர் 19ம் நூற்றாண்டு வந்ததும் ஒரு திருப்பம்.
1909 மிண்டோ-மார்லி சீர்திருத்தம் இந்தியரின் கிளர்ச்சியால் கொண்டுவரப்பட்டது
(நாம் எட்டாம் வகுப்பில் படித்ததுதான் நினைவு வருகிறதுதானே?) .
அதற்கு முன்புவரை அனைத்து அரசாங்க பதவிகளும் ஆங்கிலேயருக்கே உரித்ததாயிருந்தது.
ஆம்; இந்திய விடுதலை எழுச்சி என்பதன் ஆரம்பமே ஆங்கிலேயருடன் போட்டியிட்டு அரசுப்பதவிகளை பெறுவதிலேயே தொடங்கியது.
'சர்.ஆலன் ஆக்டேவியன் ஹ்யூம்' எனும் வெள்ளையரால் தொடங்கப்பட்ட 'இந்தியக் காங்கிரஸ்' என்பது அந்தக்காலத்தில் 'மெக்காலே' பாடத்திட்டம் எனும் கட்டாய ஆங்கிலவழி மூலம் (ஆங்கிலச் சேவகத்திற்கென்றே) உருவாக்கப்பட்ட கல்வியைக் கற்றோருக்கு வேலைவாங்கித்தர பாடுபட்டதேயாகும்.
ஏற்கனவே வேலையில்லாத் திண்டாட்டத்தில் இருந்த பிராமணர்கள் குலத்தொழிலாக ஓதுதல், மனனம் செய்தல் போன்றவற்றைச் செய்து வந்தவர்களாதலால் அவர்கள் கல்விகற்று அரசாங்க வேலைகளில் சேர ஆரம்பித்தனர் .
பின் 1919 'மாண்டேகு செம்சுபோர்டு' சீர்திருத்தம் நடைமுறைக்கு வர முன்பைவிட அதிகமான அளவில் இந்தியருக்கு வேலைவாய்ப்பு அதிகமானது.
பின்னர் ஆங்கிலேயரின் பிடி இறுக இறுக உள்நாட்டு வெளிநாட்டு வணிகம் என அனைத்திலும் ஆங்கிலேயர் ஆதிக்கம் வலுக்க இந்திய வணிகத்தில் இருந்த ஆதிக்க வர்க்கத்தினர் பிழைப்பிலும் மண்விழுந்திருந்தது.
அவர்களும் ஆங்கிலக்கல்வி கற்று பதவிகள் பெறும் முன் அத்தனை பதவிகளிலும் பிராமணர்கள் நிறைந்துவிட்டனர்.
பிராமணர்கள் மீண்டும் ஆதிக்கவர்க்கமாக உருவெடுத்தனர்.
அதாவது நாம் நினைப்பதுபோல நிதிக்கு, நீதிக்கு, வேளாண்மைக்கு, கல்விக்கு என அனைத்திற்கும் தனித்தனி துறைகள் அமைக்கும் 'செக்கரட்ரியேட்' முறையின் வருங்காலத்தை முன்பே கணித்து பிராமணர்கள் அதில் புகுந்துவிடவில்லை.
வேலையில்லாத் திண்டாட்டத்தை முதலில் எதிர்கொண்ட சமூகம் என்ற வகையில் தானாக அவர்கள் சென்றடைந்தனர்.
இப்பாது பதவிகளைப் பெறுவதில் ஆங்கில-இந்தியப் போட்டியைவிட பிராமணர்-பிராமணரல்லாதோர் போட்டி கடுமையாக ஏற்பட்டது.
இந்த நிலையை தமக்கு சாதகமாக்கிக் கொள்ள ஆங்கிலேயர் தமது பிரித்தாளும் மூளையைக் கசக்கினர்.
திராவிடம் பிறந்தது.
. . . தொடரும்
2073 நவம்பர் 27
" அமெரிக்கா ஒதுங்கிக்கொள்ளாவிட்டால் தமது கப்பல்களை மறந்துவிடவேண்டியதுதான்"
தமிழ்க் குடியரசின் முப்படைத்தலைவர் திரு.செழியன் அகமது அலி பதிலடி.
தமிழ் மக்களால் 'நாட்டுத் தந்தை' நாளாக கடைபிடிக்கப்படும் அந்நாட்டின் விடுதலை இயக்கத் தலைவர் திரு.பிரபாகரன் அவர்களின் பிறந்தநாளான நேற்று 'தமிழ்க்குடியரசு வானிலை ஆய்வு மையம்' புதிய தலைமைச்செயலகக் கட்டிடத்தைத் திறந்துவைத்துப் பேசிய முப்படைத்தலைவர் திரு.செழியன் அகமது அலி,
அமெரிக்க அதிபரின் குற்றச்சாட்டுக்கு மறுப்பு தெரிவிக்கும் வகையில் பேசினார்.
கடந்த வெள்ளிக்கிழமை அன்று அனைத்துலகக் கடல் எல்லையில் தமிழ்க்குடியரசுக்குச் சொந்தமான ஒரு கப்பல் அமெரிக்கக் கப்பற்படையால் தாக்கி மூழ்கடிக்கப்பட்டது.
இதற்கு கண்டனம் தெரிவித்திருந்த தமிழ்க்குடியரசின் அதிபர் திரு.தமிழ் மைந்தன்,
அமெரிக்கப் படகுகள் தமிழ்க்குடியரசு மற்றும் தமிழ்க்குடியரசுக்குச் சொந்தமான அந்தமான்-நிகோபர் தீவுகளுக்கு இடையேயான கடல்பகுதியில் நுழையத் தடைவிதிப்பதாகவும்,
ஏற்கனவே வந்தக் கப்பல்கள் திருப்பி அனுப்பப்படும் என்றும் தடையை மீறி நுழைந்தால் அந்தமான் தீவுகளைச் சுற்றி நிற்கும் தமிழ்க்குடியரசின் போர்க்கப்பல்களால் மூழ்கடிக்கப்படும் என்றும் கூறியிருந்தார்.
இதையடுத்து அமெரிக்க அதிபர் வெளியிட்ட அறிக்கையில்,
அங்கீகரிக்கப்படாத நாடான தமிழ்க்குடியரசு கடந்த 35ஆண்டுகளாக இந்தியா மற்றும் சிறிலங்கா ஆகிய நாடுகளின் நிலப்பரப்பை தமது படைவலிமையால் ஆக்கிரமித்திருப்பதாகவும்,
அது நாடாகவே அங்கீகரிக்கப்பட்டாலும் அந்தமான்தீவுகளுக்கும் இந்தியாவுக்கும் இடையேயானக் கடலில் நுழையத் தடைவிதிக்க இயலாது எனவும் கூறியிருந்தார்.
மேலும், தமிழ்க்குடியரசு ஒரு இனவெறித் தீவிரவாத நாடென்றும் அதன் கப்பல் ஆயுதத் தளவாடங்களோடு அமெரிக்கா அருகில் வந்ததால் தற்காப்புக்காகத் தாக்கியதாகவும் கூறியிருந்தார்.
இதற்குப் பதிலடி கொடுக்கும் வகையில் முப்படைத்தலைவர் பேசியதாவது,
"அமெரிக்கா இவ்வாறு செய்தது வியப்பிற்குரியது இல்லை.
2059ல் நாம் எமது மண்ணின் 60% பகுதியை மீட்டு வடக்கு நோக்கி வேகமாக முன்னேறிக்கொண்டிருந்தபோது அமெரிக்கப் படைகள் இந்தியாவுக்கும் சிறிலங்காவுக்கும் ஆதரவாக எம்முடன் நேரடியாக நீண்டப் போர்புரிந்து பாரிய இழப்புகளைச் சந்தித்து விரட்டியடிக்கப்பட்டது.
அமெரிக்கா, சீனா, இரசியா போன்ற வல்லாதிக்க நாடுகளில் பிடியில் சிக்கியுள்ள நாடுகளை விடுவிக்கத் தமிழ்க் குடியரசு படையுதவி செய்துவருவதும் தற்போது அமெரிக்கப் பிடியிலிருந்த ஆப்கானித்தான் விடுதலைபெற தமிழ்க்குடியரசு முக்கிய காரணம் என்பதும் அமெரிக்காவுக்கு எரிச்சல் மூட்டியிருக்கவேண்டும்.
எமது அதிபர் அறிவிக்கப் பணித்ததை இங்கே கூறுகிறேன்.
அமெரிக்கா இதன்பிறகு ஒரு கண்டன அறிக்கை வெளியிட்டாலும் இப்போது இந்தியக்கடல் என்றழைக்கப்படும் எமது தமிழ்க்கடலில் நுழைய முடியாதவகையில் தமிழ்க்குடியரசின் தென்பகுதிப் படை நிறுத்தப்படும் என்றும்,
அமெரிக்கா ஒரு தோட்டாவை எமக்கு எதிராகக் கக்கினால் சோமாலிய விடுதலைக்கு களமாடிவரும் எமது படைமூலம் ஐரோப்பிய கடல்வழியிலும் புகென்வில் தீவின் விடுதலைக்காக பப்புவாநியுகெனியாவையும் அதன் பின்னிற்கும் ஆசுத்திரேலியாவையும் எதிர்த்துச் சமராடிவரும் தமிழ்ப்படை வடக்குப் பசுபிக்கிலும் அமெரிக்கக் கப்பல்களை கண்டதும் தாக்கியழிக்கும் என்பதையும் அதையும் மீறி அமெரிக்கா எம்நாட்டு விவகாரங்களில் மூக்கை நுழைந்தால் கடலில் எங்கே அமெரிக்கக்கப்பல் மிதந்தாலும் அதை மறந்துவிடவேண்டிவரும் என்பதை இதன்மூலம் தெரிவிக்கிறேன்.
கப்பற்படையில் முதலிடத்தில் இருக்கும் எமக்கு தற்போதைய வல்லரசான சீனாவும் முன்னால் வல்லரசான அமெரிக்காவும் தொடர்ந்து தொல்லை கொடுத்துவருகின்றன.
தெற்குமுனையில் சீனாவுடன் கடும்போர் நடந்துகொண்டிருக்கிறது.
2009ல் தமிழ்மக்களைப் படுகொலை செய்த சிறிலங்கா மூன்றாண்டுகளுக்கு முன்பு பாரிய இழப்புகளைச் சந்தித்து சொந்த நாட்டுமக்களே போரைக் கைவிடும்படி போராடியபிறகு போரிலிருந்து விலகியது.
அதன்பிறகும் சிறிலங்காவுக்கு உதவுவதாகக் கூறிக்கொண்டு சீனா தொடர்ந்து மூன்றாண்டுகளாகப் போரை நடத்திவருகிறது.
கணக்கிலடங்கா இழப்புகளைச் சந்தித்தும் ஓரடிகூட முன்னேற முடியாத சீனா, தான் உலக வல்லரசு என்றப் பெயரைத் தக்கவைக்கப் போரைத் தொடந்துவருகிறது.
னசீனாவால் ஒடுக்கப்பட்டுவரும் திபெத் மற்றும் ஹாங்காங் ஆகிய நாடுகளில் சீனாவால் இனப்படுகொலை நடந்தபோது அந்நாடுகள் விடுதலைப்போரை ஆரம்பித்தால் தமிழ்க்குடியரசு வேண்டிய உதவிகளைச் செய்யும் என்று எமது அதிபர் அறிக்கைவிட்டதிலிருந்தே சீனாவுக்கு அச்சம் தொற்றிக்கொண்டுவிட்டது.
இதுவரை சிறிலங்காவுக்கும் இந்தியாவுக்கும் ஆதரவாகக் களமிறங்கிய அமெரிக்கா, யப்பான், கியூபா, இசுரேல், இரசியா, ஆசுத்திரேலியா மற்றும் பல நாடுகள் கூட்டாக மோதி பலத்த இழப்புக்குப் பின் விலகிக்கொண்டனர்.
இப்போது முன்பைவிட எமது படைவலிமை பன்மடங்கு பெருகிய நிலையில் சீனா, இந்தியா என்ற இரண்டே நாடுகள் தமது அடிபொடி நாடுகளுடன் எம்மோடு மோதி எப்படி வெல்லமுடியும் என்பதை எண்ணிப்பார்க்கவேண்டாமா?
வடமுனையில் இந்தியாவுடன் முப்பது வருடங்களாக நீடித்த போர் இப்போதுதான் தற்காலிகப் போர்நிறுத்தம்வரை வந்துள்ளது.
ஆனால், இந்தியா தனது படையை சீனாவுக்கு ஆதரவாக அனுப்பித் தெற்கில் தொடர்ந்து போரில் ஈடுபட்டுவருகிறது.
சென்ற ஆண்டு காங்கோவில் விடுதலைப்படைக்கு ஆதரவாக நாங்கள் அனுப்பிய போர்க்கப்பல் பிரான்சால் மூழ்கடிக்கப்பட்டது.
அதையாவது பொறுத்துக்கொள்ளலாம்.
அல்ஜீரிய விடுதலைக்கு உதவிவரும் எம்மை எதிரியாக நினைத்து போர்க்கப்பலை மூழ்கடித்ததாக எடுத்துக் கொள்ளலாம்.
ஆனால், ட்ரினாட் டொபகோவிலிருந்து வலுக்கட்டாயமாக வெளியேற்றப்பட்ட தமிழே தெரியாத தமிழ்ப் பரம்பரையினரை தாய்நிலத்துக்கு அழைத்துவர உணவு மற்றும் மருந்துகளோடு சரக்குக் கப்பலுக்கானப் பாதுகாப்புப் படையோடு சென்ற கப்பலை அமெரிக்கா மூழ்கடித்திருப்பதை எப்படி ஏற்றுக்கொள்ளமுடியும்?
முன்பு பிறநாடுகளைச் சுரண்டி வல்லரசாக இருந்த அமெரிக்கா இன்று ஏழைநாடாக மாறிக்கொண்டிருக்கிறது.
இருந்தும் தமது மக்களை ஏமாற்ற இத்தகைய சண்டித்தனத்தைச் செய்துவருகிறது.
பொருளாதாரத்தில் வேகமாக முன்னேறிவரும் பிரேசிலையும் எமது குடியரசையும் எதிரிகளாகக் காட்டி அமெரிக்கா போன்ற நாடுகள் தம்மை அறத்தின் காவலனாகக் காட்டிவருகின்றன.
இவர்களை விட முன்னேறிய சீனாவும் ஆசுத்திரேலியாவும் கூட நேரடியாக மோதி வெல்லமுடியாதத் தமிழ்க்குடியரசை அமெரிக்கா குறுக்குவழியில் மோதி முறியடிக்கத் திட்டம் போடுகிறது.
தவிர எமது நாட்டை இனவெறிநாடு என்று கூறியுள்ளது.
எங்கள் நாட்டு படையில் 25% வேற்றினத்தவர் என்பதையும் எமது கட்டுப்பாட்டுப் பகுதியில் 30% தமிழரல்லாதோர் எங்களோடு தோள்கொடுத்து வாழ்வதையும் இவர்கள் அறியாதவர்களா?
தென்கொரிய அதிபர் எமது அரசு தமிழரல்லாத பெண்களையும் குழந்தைகளையும் தூக்கில்போடுவதாகப் பேட்டியளித்துள்ளார்.
நாங்கள் எங்களுக்குள் இருக்கும் துரோகிகளைத்தான் தண்டிக்கிறோம்.
அதுவும் முறையாக விசாரித்து நிறுவப்பட்டால்தான் தண்டனை வழங்குகிறோம்.
அவர்களில் ஓரிரு தமிழரே உண்டு.
அவர்களில் குழந்தைகளே கிடையாது.
நாங்கள் எப்படி இனவாதியாவோம்?
ஒடுக்கப்பட்ட நாடுகளை ஒருங்கிணைத்து செயற்கைக்கோள் ஏவியதிலிருந்தே எமக்கெதிரான அரசியல் வலுத்துவிட்டது.
அப்படி ஒரு செயற்கைக்கோள் இருந்ததால்தான் எமது கப்பல் அனைத்துலக எல்லையில் மூழ்கடிக்கப்பட்டதை நிறுவமுடிந்தது.
எமக்கெதிரான ஆற்றல்கள் மீண்டும் கிளர்ந்தெழுவதாகத் தெரிகிறது.
ஐம்பதிற்கும் மேற்பட்ட நாடுகள் கூட்டாக எதிர்த்தபோதும் எம்மை விடுதலைப்போரில் தோற்கடிக்கமுடியவில்லை.
பத்தொன்பது வருடங்களுக்கு முன்பே எந்த நாட்டின் ஆதரவுமில்லாமல் ஐம்பது நாடுகளைத் தோற்கடித்த எம்மை,
ஒரு கோடி உயிரைக் கொடுத்தேனும் இன்று எங்கள் பூர்வீக மண்ணை மீட்டு ஆறுகோடி மக்களோடு முப்படையோடும் எந்த நாட்டுக்கும் குறைவில்லாதப் பொருளாதாரத்தோடும் இருக்கும் நிலையில் இந்த உலகமே வந்தாலும் தோற்கடிக்கமுடியாது.
இருமுனைகளில் எப்போதும் போர், பொருளாதாரத்தடை, போரில் தடைசெய்யப்பட்ட ஆயுதங்களை எதிர்கொள்வது, கண்டன அறிக்கைகள், கப்பல் மூழ்கடிப்புகள், வீண்பழி, உலகம் முழுவதும் தமிழருக்கு எதிரான பரப்புரை, உலகைவிட்டுத் தனிமைப்படுத்தல் என இன்னும் எத்தனையோ, அத்தனையையும் தாங்கியபடி தமிழ்க்குடியரசு வல்லரசாக மாறிவருகிறது.
இன்று உலகின் அத்தனை ஊடகங்களிலும் தமிழ்க்குடியரசு தலைப்புச் செய்தியாக நாள்தோறும் வெளிவரும் அளவு எம்மீது கவனம் செலுத்தும் உலகநாடுகள் 2009ல் இருநூறாயிரம் தமிழர் படுகொலை செய்யப்பட்டபோதும் 2033ல் அறுநூறாயிரம் தமிழர் படுகொலை செய்யப்பட்டபோதும் எங்கே போயிருந்தன?
ஐ.நா.சபை எம்மை நாடாக அங்கீகரிக்க வாக்கெடுப்பு நடத்தவிருப்பதாகத் தானாக அறிக்கை விடுகிறது.
ஏன்? எமது விடுதலைப்போராட்டம் நாடு அமைந்தவுடன் நின்றுவிடும் என்றொரு நப்பாசைதான்.
ஆனால், அது ஒருபோதும் நடக்கப்போவதில்லை.
தமிழ்க்குடியரசின் கடைசிக்குடிமகன் இருக்கும்வரை,
உலகின் ஒரு மூலையில் ஒரு தமிழன் இருக்கும்வரை பலம் வாய்ந்த மக்கள் எளிய மக்களை நாடாகவோ மதமாகவோ சாதியாகவோ இனமாக ஒடுக்கவிடமாட்டோம்.
உலகமே எதிர்த்து நின்றாலும் தமிழ்க்குடியரசு எவருக்கும் அடிபணியப்போவதில்லை."
என்று பேசியுள்ளார்.
(ஜூலை 2013 இட்ட பதிவு)
