செங்கோட்டை மதமோதல்

செங்கோட்டை மதமோதல்

தமிழகத்தில் எத்தனையோ ஆன்மீக விழாக்களும் ஊர்வலங்களும் நிகழ்ச்சிகளும் நடக்கின்றன.
லட்சக்கணக்கான மக்கள் கலந்துகொள்ளும் விழாக்கள் எல்லா மதங்களிலும் உண்டு.

அப்போதெல்லாம் வராத கலவரம் விநாயகர் சதுர்த்தி நடக்கும்போது மட்டும் தவறாமல் வரும்.
சாதாரண பொதுமக்கள் 50,100 நிதி கொடுத்துவிட்டு பிள்ளையார் வந்ததும் போய் தோப்புகரணம் போட்டுவிட்டு பிரசாதம் வாங்கிக்கொண்டு வீட்டில் செய்துவைத்த கொழுக்கட்டையை சாப்பிட்டுவிட்டு படுத்துவிடுவார்கள்.

ஆனால் பொறுக்கிகள் அப்படியில்லை.
மதுவருந்திவிட்டு குத்தாட்டத்தை தொடங்குவார்கள்.

இதை வழி நடத்துபவர்கள் ஒரு இந்துமத அமைப்பினர்.

அதன் வழிகாட்டுதலின் பேரில் வேண்டுமென்றே இசுலாமியர் தெருவழியாக ஊர்வலம் நடத்தி கலவரம் உருவாக்க வழி உண்டா என்று பார்ப்பார்கள்.

எப்போது விநாயகர் ஊர்வலம் நடந்தாலும் இரு தரப்பினர் அடித்துக் கொள்வது செங்கோட்டையில் வழக்கம்.
அந்த இரு தரப்பினரும் பெரும்பாலும் இந்துக்களாகவே இருப்பார்கள்.

வழக்கமாக இந்த தறுதலைக் கும்பல்கள்தான் ஏழரையைக் கூட்டுவார்கள்.

ஆனால் இந்தமுறை அப்படியில்லை.

செங்கோட்டை ஊரின் வரைபடம் தந்துள்ளேன்.
சிறுபான்மை இசுலாமியர் செறிவாக வாழும் பகுதி பச்சை நிறத்தில் காட்டப்பட்டுள்ளது.

ஊர்வலம் செல்லும் வழி சிவப்பில் காட்டப்பட்டுள்ளது.

பிரச்சனை நடந்த இடம் வட்டமிடப்படுள்ளது.

முன்பெல்லாம் இந்த விநாயகர் ஊர்வலம் நடக்கும்போது இசுலாமியர் பகுதிக்கு அருகே நுழைந்ததும் ஆமை வேகத்தில் நகரந்தபடி செண்டை மேளத்தை சத்தமாக அடித்தபடி இசுலாமியரைச் சீண்டும் வகையில் கோசம் போட்டுக்கொண்டு ஆரவாரத்துடன் செல்வர்.

ஆனால், இப்போதெல்லாம் அப்படியில்லை.
இசுலாமியர்கள் பொறுமையைக் கடைப்பிடித்து முறைப்படி இந்த விடயத்தை கையாண்டதால் காவல்துறை மூலம் பல கட்டுப்பாடுகள் விதிக்கப்பட்டு பலத்த பாதுகாப்புடன் கண்கானிப்புடன் இவ்வூர்வலம் நடத்தப்படுகிறது.

முதலில் இசுலாமியர் மாற்றுப் பாதையில் செல்லவைக்க முயன்றனர்.
பொதுவழியில்தான் செல்கிறோம் என்று இந்து தரப்பு பாதையை மாற்ற மறுத்துவிட்டது.
அதனால் பல கட்டுப்பாடுகள் விதிக்கப்பட்டன.
பெரிய சிலை வைக்கமுடியாது,
கோசம் போட முடியாது, வேகத்தைக் குறைக்கமுடியாது, ஆடுவது கத்துவது இருக்காது,
இவை மட்டுமில்லாது  போலீசார் முழு ஊர்வலத்தையும் 4,5 இடங்களில் வீடியோ எடுத்துக்கொண்டு இருப்பர்.
எவனாவது துள்ளினால் அவனை அங்கேயே 'கவனித்து' மறுநாளும் பிடித்துவந்து எச்சரித்து அனுப்பினர்.

நாளாக நாளாக பல்வேறு கட்டுப்பாடுகள் விதிக்கப்பட்டு இந்து அமைப்பினர் பெயருக்கு ஏதோ ஒரு ஊர்வலம் என்று நடத்திவந்தனர்.
இளைஞர்களுக்கும் ஆர்வம் குறைந்து கூட்டமும் கணிசமாகக் குறைந்துவிட்டது.

பெரிதாகப் பேசப்பட்ட ராமர் ரத ஊர்வலம் கூட ஏதோ செங்கோட்டை வழியாக சவ ஊர்வலம் மாதிரி அனாதையாகத்தான் போனது.

ஆனாலும் 'உங்கத் தெரு பிள்ளையார் பெருசா' 'எங்கத் தெரு பிள்ளையார் பெருசா' என்கிற போட்டி மட்டும் இருந்தது.

ஆனால் இந்த முறை எந்த நோக்கத்திற்காக இந்த ஊர்வலம் நடத்தப்படுகிறதோ அது நடந்துவிட்டது.
சில இசுலாமிய இளைஞர்களின் முந்திரிக்கோட்டைத் தனத்தால்.

நான் கேள்விப்பட்டு விசாரித்தவரை நடந்தது இதுதான்.

உப்புசப்பில்லாது போய்விட்ட அந்த ஊர்வலம் வந்துகொண்டிருந்த போது மாலை எட்டுமணி அளவில் கீழப் பள்ளிவாசல் தெரு முக்கிய சாலையில் சந்திக்கும் இடத்தில் சில இசுலாமிய இளைஞர்கள் திடீரென்று வழியை மறித்துள்ளனர்.

போலீசார் அவர்களிடம் சென்று
"இது அனுமதி பெற்ற ஊர்வலம்,
கட்டுக்கோப்பாக நாங்கள் நடத்தித் தருகிறோம்,
உங்கள் தெருக்குள் வரவில்லை,
வழக்கம்போல பம்ப் ஹவுஸ் சாலை வழியாகத்தான் போகவுள்ளது,
காரணமின்றி இப்படி மறிப்பது சரியில்லை" என்று சமாதனம் பேசிக் கொண்டிருந்தனர்.

அப்போது ஊர்வலத்தில் எவனோ ஒரு பொட்டை கூட்டத்தில் ஒளிந்துநின்று "அல்லா ஒழிக" என்று கத்தியுள்ளான்.

பதிலுக்கு இந்த பக்கம் எவனோ ஒரு பொட்டை இருட்டில் கூட்டத்தின் மத்தியிலிருந்து  பிள்ளையார் சிலை மீது கல்லெறிந்துள்ளான்.

பொதுவழியில் ஊர்வலம் போகக்கூடாது என்று மறியல் செய்தது கூட பெரிய தவறில்லை.

அங்கே கல்லெறிந்து பத்துபேரின் மண்டையை உடைத்திருந்தால் கூட பிரச்சனை வந்திருக்காது.

ஆனால் கடவுள் சிலை மீது கல்லெறிந்து இந்து மக்களின் மத உணர்வுகளைக் காயப்படுத்தியதன் மூலம் இசுலாமியத் தரப்பின் 20 ஆண்டுகால உழைப்பிலும் சகிப்புத்தன்மையிலும் மண்ணள்ளிப் போடப்பட்டு விட்டது.
(அது கரைக்கப்படவுள்ள சிலை என்றாலும் இப்போது அது புனிதமானதாகப் பார்க்கப்படுகிறது)

ஒருவன் கல்லெறிந்ததைத் தொடர்ந்து இந்து தரப்பினர் பதிலுக்கு இசுலாமிய தரப்பினர் மீது கல்லெறிய இசுலாமியர் பலரும் கற்களை சிலையை நோக்கி எறிய  நிலைமை கட்டுகடங்காது போய் இருதரப்பினருக்கும் நடந்த கைகலப்பில் பத்துபேர் காயமடைந்தனர்.
இசுலாமியர் உடைமைகள் அடித்து நொறுக்கப்பட்டுள்ளன.
கூடுதல் போலீஸ் வந்து தடியடி நடத்தி கூட்டத்தைக் கலைத்துள்ளனர்.

உடனடியாக ஊரடங்கு உத்தரவு பிறப்பிக்கப்பட்டு இருதரப்பு விசமிகளும் கைது செய்யப்பட்டு நிலைமை கட்டுக்குள் கொண்டுவரப்பட்டுள்ளது.

மீண்டும் சொலகிறேன்.
வழக்கமாக இந்து தரப்பு கும்பல்தான் வம்பிழுப்பார்கள்.
அடாவடியில் இறங்குவார்கள்.

ஆனால் இந்த முறை அப்படியில்லை.

இசுலாமிய இளைஞர்கள் அவசரப்பட்டுவிட்டனர்.

நடத்துவது ஒரு மதவெறி அமைப்பாகவே இருந்தாலும் ஜனநாயக நாட்டில் முக்கியமான ஒரு பொதுவழியில் ஒரு ஊர்வலம் போகக்கூடாது என்று கூறமுடியாது.

என்னதான் மாற்றுமதம் என்றாலும் அவர்களது உணர்வுகளுக்கும் மதிப்பளிக்கவேண்டும்.

15 நிமிட சகிப்புத்தன்மை இல்லாததால் இன்று கலவரம் உருவாகும் சூழல்.

அம்பேத்கர் ரசிகர்களுக்கு...

அம்பேத்கர் ரசிகர்களுக்கு...

 அம்பேத்கர் பற்றிய மூட நம்பிக்கைகள் மற்றும் அதன் உண்மைத்தன்மை ஒவ்வொன்றாக ஆராய்வோம்.

* அம்பேத்கர் இடவொதுக்கீடு பெற்றுத் தந்தார்

1882ல் அதாவது அம்பேத்கர் பிறக்கும் முன்பே பிரிட்டிஷ் ஆட்சிக்கு அடங்கிய கோல்ஹாப்பூர் அரசாட்சியில் பிராமணரல்லாத சாதிகளுக்கு முதன்முதலாக இடவொதுக்கீடு ஷாஹு எனும் அரசரால் வழங்கப்பட்டது.

 1893 ல் (அதாவது அம்பேத்கர் இரண்டு வயது குழந்தையாக இருந்தபோதே) அன்றைய தமிழர் பெரும்பான்மை மாநிலமான சென்னை மாகாணத்து தலைவர்கள் ஆங்கிலேயருக்கு கோரிக்கை வைத்து 49 சாதிகளைத் தேர்ந்தெடுத்து ஆங்கிலக் கல்வியில் இடவொதுக்கீடு வழங்கச் செய்தனர்.

 1927 லேயே இடவொதுக்கீடு அன்றைய தமிழர் பெரும்பான்மை மாநிலமான மெட்ராஸ் மாகாணத்தில் நடைமுறைக்கு வந்துவிட்டது.

 இதைப் பெற்றுத் தந்தது சுப்பராயக் கவுண்டர் மற்றும் முத்தையா முதலியார்.

 (அதாவது அம்பேத்கர் காந்தியுடன் பூனா ஒப்பந்தம் போட்டு தேர்தலில் 18% தனி தொகுதிகள் வாங்கித் தருவதற்கு 5ஆண்டுகள் முன்பே)

1935ல் எம்.சி.ராஜா அவர்கள் தெளிவாக வரையறுத்து அதை சட்டமாக்கினார்.

SC 14%, 

BC 14%, 

Non Brahmin 44%, 

Brahmin 14%,

Christian 7%,

Muslim 7% 

என்றவாறு 100% இடவொதுக்கீடு நடைமுறைக்கு வந்தது.

(அதாவது அம்பேத்கர் ஆங்கில அரசுடன் பேசி 8.33% இடவொதுக்கீடு கொண்டுவந்ததற்கு 7ஆண்டுகள் முன்பே)

 தற்போதும் இந்திய ஒன்றியம் முழுவதும்

SC=15%

ST=7.5%

OBC=27.5

என 50% இடவொதுக்கீடு உள்ள நிலையில்,

 தமிழகத்தில் மட்டும்தான்

BC=26.5%

BCM=3.5% (பிற். இசுலாமியர்)

MBC=20%

SC=15%

SCA=3% (அருந்ததியர்)

ST=1%

என 69% இடவொதுக்கீடு உள்ளது.

 (இதற்கு முக்கிய காரணம் பா.ம.க முன்னெடுத்த போராட்டம் ஆகும்)

------------------

* அம்பேத்கர் தலித் என்ற அடையாளத்தின் கீழ் மக்களை ஒன்று திரட்டினார்

 அம்பேத்கர் ஓரிரு முறை தலித் என்ற வார்த்தையை பயன்படுத்தி இருந்தாலும் அவர் 'தீண்டத்தகாதோர்' என்ற சொல்லாலேயே எப்பொதும் குறிப்பிடுவார்.

 ஆவணங்களில் 'சாதியற்ற இந்துக்கள்' என்று குறிப்பிட முன்மொழிந்தார்.

 தலித் என்ற வார்த்தை அவர் விரும்பாதது.

 (தமிழகத்தில் 'தலித்' என்ற வார்த்தையும் 'தாழ்த்தப்பட்ட' என்ற வார்த்தையும் 1981ல் இருந்து தடை செய்யப்பட்டுள்ளன)

----------------------

* அம்பேத்கர் சுதந்திரத்திற்காக போராடினார்

 அம்பேத்கர் இறுதிவரை ஆங்கிலேயருக்கு விசுவாசமாக இருந்தவர்.

 காந்தியை எதிர்கொள்ள ஆங்கிலேயர் அவரை பயன்படுத்தினர்.

 ஆங்கிலேயர் வெளியேறியதும் அவர் இந்துத்துவத்திற்கு மாறினார்.

-----------

* அம்பேத்கர் இந்து மதத்தை அதன் சாதிய கட்டுமானத்தை எதிர்த்தார்

 தொடக்கத்தில் அவ்வாறு இருந்தாலும் பிறகு நிறம் மாறினார்.

 இசுலாமியரை நம்பமுடியாதவர்கள் என்றும் இந்துக்களின் எதிரி என்றும் கூறி பாகிஸ்தானை பிரிக்கவும் முழு ஆதரவளித்தார்(9).

ஒரே மதம், ஒரே நாடு, ஒரே மொழி என்ற இந்துத்துவ - இந்திவெறி கொள்கையை முன்வைத்தார்(5)

 

 பௌத்தம், சமணம், சீக்கியம் ஆகிய மதங்களை இந்துமதத்தின் பிரிவுகள் என்றாக்கி அவர்களை சட்டபடி இந்துக்களாக ஆக்கினார் (சட்டம்-25).

சமஸ்கிருதத்தை ஆட்சிமொழி ஆக்க முயற்சிகளை மேற்கொண்டார் (6,7,8).

---------------

 

* அம்பேத்கர் சாதி அடையாளத்தை உதறியவர்

 நிச்சயமாக இல்லை. 

தனது சாதி பட்டத்தை மறைத்து அம்பேத்கர் எனும் உயர்சாதி பட்டத்தைப் போட்டுக்கொண்டாலும்.

 இறுதிவரை தமது சாதியான மகர் சாதிக்கு முடிந்தவரை போராடினார்.

 அவருக்கு முதலில் கிடைத்த பெரிய பதவி 1941ல் 'பாதுகாப்பு ஆலோசனை வாரிய உறுப்பினர்' பதவியாகும்.

 அவர் செய்த முதல் வேலை ராணுவத்தில் மஹர் படையணி என்று ஒன்றை உருவாக்கியது ஆகும் (1941).

 அது இன்றும் உள்ளது.

------------------

* அம்பேத்கர் மொழி இன அடையாளங்களைக் கடந்தவர்

 இதை ஓரளவு ஏற்றுக்கொள்ளலாம் என்றாலும் முழுமையாக அப்படி கூறமுடியாது.

 பாம்பே (மும்பை) நகரம் குஜராத்தியர் கைக்கு போக இருந்தது.

 தன் இனத்தின் தலைநகரமான அதை தனது இனமான மராத்தியர்களுக்கே கிடைக்கச் செய்ததில் அம்பேத்கரின் பங்கு குறிப்பிடத்தக்கது.

 அப்போது அந்நகரம் குஜராத்திய பெரும்பான்மை மாநிலத்துடன் இணைந்திருந்தது.

 சொத்துகள் அனைத்தும் குஜராத்தியர் வசமிருந்தன.

 மராத்தியர் எண்ணிக்கை அந்நகரில் பாதி கூட இல்லை.

 அதற்கு முந்தைய மராத்திய பேரரசிலும் அந்நகர் இல்லை.

 மாநில எல்லைகள் புனரமைப்பின்போது மராத்திய மொழிவழி மாநிலம் அமைவது பற்றி அவர் சமர்ப்பித்த ஆவணம்(3) மராத்தியருக்கு மும்பையை பெற்றுத்தந்தது.

 அதன் வரலாற்றுப் பெயரான மகாராஷ்ட்ரா என்ற பெயரும் அவரால் பரிந்துரைக்கப்பட்டு சூட்டப்பெற்றது.

-----------

* அம்பேத்கர் தமிழ் மீதும் தமிழர் மீதும் அன்பு கொண்டிருந்தார்.

 இல்லை. தமிழ் மூத்தமொழி என்று கூறினார்தான்(4).

ஆனால் மூத்த குடி என நாகர் எனும் இல்லாத இனத்தைக் கூறினார்.

 தமிழகம் உட்பட மொழிவழி மாநிலம் அமையவிருந்தபோது எதிர்த்தார்.

 மொழிவழி மாநிலங்கள் இந்தியாவை துண்டுதுண்டாக உடைக்கும் என்று எச்சரித்தார்.

 மொழி உரிமைகளை அவர் வழங்கக்கூடாது என்று கூறினார்.

 காஷ்மீருக்கு தன்னாட்சி வழங்கும் சிறப்பு சட்டத்தை (பிரிவு- 370) நேரு சொல்லியும் எழுதித்தர அவர் மறுத்தார் (பிறகு கோபாலசாமி ஐயங்கார் எழுதினார்).

 தமிழ் ஆட்சிமொழி ஆக காயிதே மில்லத் அவர்கள் வாக்கெடுப்பு நடத்தி தமிழ் 72ம் இந்தி 73 வாக்குகளும் பெற்றதை அதிர்ச்சியுடன் குறிப்பிட்டு இந்தியை நாடு முழுவதும் திணிப்பதற்கு முழு ஆதரவு வழங்கினார்(2).

-----------

* அம்பேத்கர் இந்தியா முழுவதற்குமான தலைவர்

 அம்பேத்கர் அவரது வாழ்நாளில் மக்கள் செல்வாக்கு பெற்றவராக திகழ்ந்தது இல்லை.

 தேர்தலிலும் கூட தோற்றுதான் போனார்.

 அவர் தொடங்கிய இயக்கங்களும் பரவலான ஆதரவைப் பெறவில்லை.

 அவருக்கு கிடைத்த பதவிகள் ஆங்கிலேயரோ அல்லது காங்கிரசோ அளித்த வாய்ப்புதான்.

--------------

* அம்பேத்கர் ஒழுக்கமானவர்

 அம்பேத்கர் தமது 57 வயதில் தமக்கு மருத்துவம் பார்த்த தன்னை விட 19 வயது இளையவரான ஒரு பிராமணப் பெண்ணை இரண்டாம் தாரமாகத் திருமணம் செய்துகொண்டவர்.

 அடுத்த மூன்று ஆண்டுகளுக்குள் இறந்தும் போனார். 

------------

* அம்பேத்கர் சாதியொழிப்பில் முன்னோடி

 முதல் சாதி ஒழிப்பு மாநாடு தமிழகத்தில் 1891ல் அயோத்திதாசர் அவர்களால் நீலகிரியில் நடத்தப்பெற்றது.

 சாதி ஒழிப்பில் தமிழகமே முதலடி எடுத்துவைத்தது.

 எம்.சி.ராஜா 1927ல் எழுதிய 'ஒடுக்கப்பட்ட இந்துக்கள்' எனும் நூலை அப்படியே நகலெடுத்து 

'The Untouchables' எனும் நூலாக 1948ல் வெளியிட்டார் அம்பேத்கர்.

 இதேபோல 1907 ல் அயோத்திதாசப் பண்டிதர் எழுதிய 'புத்தரும் அவரது ஆதிவேதமும்' எனும் நூலை அப்படியே நகலெடுத்து 

'The Buddha and his dhamma' என்ற புத்தகமாக அம்பேத்கர் எழுதி (அவர் இறந்த பிறகு அது) 1957ல் வெளிவந்தது.

 நகலெடுத்து தமது பெயரில் போட்டுக்கொண்டது கூட பரவாயில்லை.

 அந்த சிந்தனை எங்கே கிடைத்தது என்று பின்னிணைப்பில் கூட அவர் மேற்கண்ட தமிழர்களை மேற்கோள் காட்டவில்லை.

------------

* அம்பேத்கர் தீண்டாமையை எதிர்த்ததில் முதல் ஆள்

 வடயிந்தியா அளவு தமிழகத்தில் தீண்டாமை இல்லை என்றாலும்

 1923 ல் சென்னை சட்டமன்ற உறுப்பினராக இருந்த ரெட்டமலை சீனிவாசன் பொது இடங்களில் பட்டியல் சாதியினர் நடமாட தடையில்லை என்று அரசாணை வெளியிட்டது தீண்டாமைக்கு எதிரான குறிப்பிடத் தகுந்த முதல் நடவடிக்கை ஆகும்.

-------------

 

* அம்பேத்கர் வந்தபிறகுதான் பறையர் முன்னேறினர்

 நிச்சயமாக இல்லை. 

அம்பேத்கர் அரசியலுக்கு வரும் முன்பே பறையர்கள் கல்வியிலும் அரசியலிலும் வேலைவாய்ப்பிலும் சிறந்து விளங்கினர்.

 சொல்லப்போனால் அம்பேத்கருக்கு முன் அவரது இடத்தில் இருந்தவர் எம்.சி.ராஜா எனும் பறையர்தான்.

--------------

* அம்பேத்கர் ஆரியர்களை எதிர்த்தார் 

 அம்பேத்கர் ஆரிய கட்டுக்கதையை நிராகரித்தவர்.

 பிராமண ஆதிக்கத்தை எதிர்த்து மனுஸ்மிருதி எரிப்பு போராட்டத்தை நடத்தியவர்.

 பிராமணர் ஆரியர் என்பதையோ வேற்றினம் என்பதையோ அவர் ஏற்றுக்கொள்ளவில்லை (4, தொகுதி 7, பக். 85)

--------------

* அம்பேத்கர் புத்தமதத்தை சாதியை ஒழிக்கும் தீர்வாக முன்வைத்தார்

 அம்பேத்கர் இயற்றிய சட்டப்படி புத்தமதம் இந்து மதத்தின் பிரிவே.

 ஒரு இந்து புத்தமதத்திற்கு மாறினாலும் சட்டப்படி அவரது சாதி மாறாது.

 ' உயர்சாதி இந்துக்களுடன் சண்டை போடுகிறேன் அதற்காக நான் இந்து இல்லை என்று ஆகாது.

 பாகிஸ்தான் முஸ்லீம்களால் ஆபத்து வந்தால் இந்தியாவிற்காக உயிரைக்கொடுத்து போராடுவேன்' என்றும் கூறியுள்ளார் (9).

 இறப்பதற்கு 50 நாட்கள் முன்பு அவர் லட்சக்கணக்கான மக்களோடு புத்த மதத்தைத் தழுவியபோது எடுத்த 22 உறுதிமொழிகளில் சாதி பற்றி எதுவுமே இல்லை. 

--------------------------

 அம்பேத்கருக்கு ஃபேர் அண்ட் லவ்லி போட்டு வெள்ளையாக்கி கோட்சூட்டுடன் வரைந்து,

 தம்மை உயர்த்திய தலைவர் அவரென்றும் தம்மை தலித் என்றும் கூறிக்கொண்டு,

வரலாறும் உண்மையும் தெரியாமல்,

 மற்ற எந்த சாதிவெறி கும்பலுக்கும் சளைக்காத அலப்பறை செய்யும் அம்பேத்கர் ரசிகர்களே !

இனியாவது திருத்துங்கள்!

இதிலுமா வடக்கத்திய மோகம்!

----------------

1. Dr. Babasaheb Ambedkar: writings and speeches, Vol, 2.

2. Thoghts on linguistic states 

3. Maharashtra as linguistic 

4. Who were the untouchables? 

5. Dr. Babasaheb Ambedkar: writings and speeches, Vol, 1. page: 213 & 214)

6. Statesmen, 11th September 1949

7. The National Herald (11.09.1949)

8. The Hindu (11.09.1949)

9. Dr. Babasaheb Ambedkar: writings and speeches, Vol, 15. page: 130 - 143))

சதுர்த்தி

சதுர்த்தி

முன்பு தமிழர்கள் களிமண்ணால் ஆன உருண்டையை அருகம்புல் அல்லது எருக்கம்பூ உடன் கிணறு, குளம், குட்டை போன்றவற்றில் கரைப்பார்கள்.
(அந்த உருண்டையை பிள்ளையார் என்று அழைப்பார்கள். திருமுருகாற்றுப்படை இலக்கியத்தில் முருகன்தான் பிள்ளையார் என்று அழைக்கப்படுகிறார்)
இதற்கு பின்னால் என்ன அறிவியல் என்பது தெளிவாகத் தெரியவில்லை.

ஆனால் இதிலிருந்து தோன்றிய பண்டிகையான  விநாயகர் சதுர்த்தி இன்று தமிழரல்லாத வடயிந்திய இந்து மதவெறியர்களால் கொண்டாடப்படுகிறது.
பண்டிகை என்ற பெயரில் வளமான களிமண்ணை தோண்டியெடுத்து
அதில் பெயிண்ட், பிளாஸ்டிக் போன்றவற்றை கலந்து ஆற்றிலோ கடலிலோ கொண்டு கரைத்து  மாசாக்குவது எந்தவகையிலும் அறிவார்ந்த செயலாகத் தோன்றவில்லை.

ராமகோபாலன் தெலுங்கரே!

ராமகோபாலன் தெலுங்கரே!

ராமகோபாலனின் தங்கை மகன் ரமேஷ்.
அவருக்கு சென்னையில் இரண்டு நிறுவனங்கள் உள்ளன.
Seetharam mechatronics மற்றும் Rameshwar engineering.
அதாவது ஒரே நிறுவனத்தை இரண்டாக பிரித்து ஒன்றை தனது மனைவி பெயரில் வீட்டிலேயே அலுவலகம் அமைத்து நடத்துகிறார்.
இவர் ஒரு ஹிந்துத்துவ இயக்கமும் நடத்திவருகிறார்.
அதன் பெயர் Sathsamhita.

இவர் நிறுவனத்தில் வேலை பார்த்த எனது நண்பர் அம்பத்தூர் பழைய நகரத்தில் (தொழிற்பேட்டை) உள்ள  இவர்கள் வீட்டிற்கு அலுவல் ரீதியாக பலமுறை சென்றுள்ளார்.
இவர்கள் வீட்டில் தெலுங்கு பேசுபவர்கள் என்று அவர் கூறினார்.

ஹிந்துத்வா

ஹிந்துத்வா

ஹந்தியாவும்,
அதன் அடிப்படையான ஹிந்தி மொழியும்
அதன் கொள்கையான ஹிந்துத்வாவும்

ஒரு ஹிந்திய இசுலாமியனின் உணர்வுக்கு மதிப்பு கொடுத்து உரிமையும் சலுகையையும் வழங்கினாலும் வழங்குமே தவிர

ஒரு தமிழனுக்கு ஒருபோதும் வழங்காது.

அவன் எந்த மதத்து தமிழன் ஆனாலும் சரி.

இந்துத்துவ நியாயங்கள்

இந்துத்துவ நியாயங்கள்

வட இந்திய ஹிந்துக்கள் பக்கம் ஓரளவு நியாயம் உள்ளது.
ஆனால் அந்த நியாயம் தமிழ்மண்ணுக்கு வெளியே மட்டும்தான்.

தமிழ்தேசியமும் இந்துத்துவமும் பல ஒற்றுமைகளைக் கொண்டுள்ளன.

கீழ்கண்டவற்றை நான் ஒரு சராசரித் தமிழனின் பார்வையிலும் சராசரி வடயிந்திய இந்துவின் பார்வையிலும் எழுதுகிறேன்.
(** குறியிட்டவை என் சொந்த கருத்துகள் இல்லை)

* தமிழே மூத்த மொழி, பிற இனங்கள் அதிலிருந்து வந்தவை.
** இந்து மதமே மூத்த மதம், பிற மதத்தார் இந்துவிலிருந்து மாறியவர்கள்

* சாதியாக பிரிந்து அடித்துக்கொள்வது.
** இனங்களாகப் பிரிந்து அடித்துக்கொள்வது.

* வேற்றின (விஜயநகர) படையெடுப்பு மற்றும் கொடுங்கோல் ஆட்சி.
** இசுலாமிய (டெல்லி சுல்தானிய, முகலாய) படையெடுப்பு மற்றும் கொடுங்கோல் ஆட்சி.

* ஆங்கில ஆட்சி நுழைய வழிவிட்ட வேற்றின ஆட்சி மற்றும் ஆங்கிலேயருக்கு அடுத்தநிலை அதிகாரங்கள் வேற்றினத்தார் கையில்
**ஆங்கில ஆட்சி நுழைய இடம் கொடுத்த பிறமத ஆட்சி
மற்றும் ஆங்கிலேயருக்கு அடங்கிய இசுலாமிய நவாபு, நிஜாம் அதிகாரம்

* அண்டை இனங்களிடம் நிலத்தை இழந்தது
** அண்டை நாடுகளிடம் நில இழப்பு

* இமயம் முதல் குமரி வரை சிந்து முதல் கங்கை வரை வாழ்ந்த சங்ககாலத் தமிழர்கள் இன்று ஒரு மூலையில் சுருங்கிவிட்டமை
** ஆப்கானிஸ்தான் முதல் இந்தோனேசியா வரை பரவியிருந்த அகண்டபாரத இந்துக்கள் இன்று சுருங்கிவிட்டமை

* இனப்பிரச்சனையால் பெருமளவு மக்கள் இடப்பெயர்ச்சி (மலையக, ஈழத் தமிழர்)
** பாகிஸ்தான் உருவான போது நடந்த இடப்பெயர்ச்சி

* வேற்றினத்தவர் மத்தியில் வாழும் தமிழர்கள் வன்முறை மற்றும் இனப்படுகொலைக்கு ஆளாதல்
** பிற மதத்தவர் மத்தியில் வாழும் இந்துக்கள் வன்முறை மற்றும் இனப்படுகொலைக்கு முகம் கொடுத்தல்
(பாகிஸ்தான் உருவாகும்போது 20% இந்துக்கள் இருந்தனர்.
தற்போது 2% ஆகிவிட்டனர்)

*தமிழக மீனவர் கடல் எல்லையில் கொல்லப்படுதல்
** இமயமலை எல்லையில் இராணுவ வீரர்கள் கொல்லப்படுதல்

* நடிகர்கள் பெரும்பாலும் வந்தேறிகள்
** நடிகர்கள் பெரும்பாலும் இசுலாமியர்கள்

* மேற்கத்தியபாணி தமிழ்ப் பண்பாடு மீது  தாக்குதல்
** இந்திய கலாச்சாரத்தில் மேற்கத்திய கலாச்சார தாக்குதல்

* ஹிந்தியர் தமிழரை மதிக்காதது
** பிற நாடுகள் இந்தியரை மதிக்காதது

* வேற்றின குடியேற்றம் தொடர்ச்சியாக நடத்தல், தமிழர் செறிவு நீர்த்துப்போதல்
** மதமாற்றம், வங்கதேச மக்கள் நுழைவு என மதப் பெரும்பான்மை நீர்த்துப்போதல்

* அண்டை மாநிலங்கள் தமிழரைப் புறக்கணித்தல், ஆனால் தமிழகத்தில் வந்தேறிகள் வாழ்வாங்கு வாழ்தல்
**இசுலாமியநாடுகள் இந்துக்களை புறக்கணித்தல், ஆனால் இந்தியாவில் இசுலாமிய மதத்தாருக்கு சிறுபான்மையை விட அதிக சலுகைகள்

* வேற்றினத்தாரே அரசியலில் கோலோச்சுதல்
** பிறமத வம்சாவழிகளே அரசியலில் கோலோச்சுதல் (நேருவின் தாத்தா காஜிகான் ஆப்கானியர், இந்திரா காந்தி கணவர் இசுலாமியர், சோனியா கிறித்துவ இத்தாலியர் )

* தமிழ் அழிந்து வருதல்
** இந்துமத வேதமொழி சமக்கிருதம் அழிந்துவிட்டமை

* தமிழருக்கு ஒரு நாடு இல்லை
** இந்துக்களுக்கு ஒரு நாடு இல்லை (இந்தியா மதசார்பற்ற கொள்கையுடன் இருப்பது, நேபாளம் இந்து நாடாக இல்லாமல் போனது)

*சிங்களவருடன் போரில் தோல்வி
** சீனாவுடன் போரில் தோல்வி

* ஆங்கிலேயர் நிறுவிய திராவிடம் மற்றும் திராவிட கட்சிகள் ஏற்படுத்திய கேடு
** ஆங்கிலேயர் நிறுவிய காங்கிரசு மற்றும் அக்கட்சி ஏற்படுத்திய கேடு

இதுபோல இன்னும் கூறலாம்.
வேறுபாடுகளும் உள்ளன.
இந்தியாவுக்கு அண்டை நாடுகள் ஆறுகளை மறிப்பதில்லை.
  அதேபோல தீவிரவாத தாக்குதல்கள் தமிழினத்தின் மீது நடப்பதில்லை.

நான் இங்கே கூறவருவது இந்துத்துவத்தின் பக்கமும் நியாயம் உள்ளது.
அப்படி என்னதான் நியாயமிருந்தாலும் ஹிந்தியா தமிழ்மண்ணை ஆக்கிரமித்து சுரண்டுவதை ஒருக்காலும் ஏற்கமுடியாது.

சில தமிழர்கள் இந்து மதத்தையும் இந்தியாவையும் இன்னமும் நம்புகின்றனர் (சில ஈழத்தமிழரும் கூட).
அதற்குக் காரணம் இந்து மதம் தமிழரின் வாழ்வியலை நகலெடுத்து தமிழக தலைவர்களை கடவுளாக்கி தானாக உருவான ஒரு முறைப்படுத்தப்படாத அவியல் மதம்.
தமிழர் நாகரீக எச்சங்கள் இன்றும் வடக்கே காணப்படுகின்றன.
"இமயம் வரை நமது மண்" என்ற எண்ணம் தமிழர் மனதில் இயற்கையாக இருப்பதே இத்தகைய இந்திய சார்பு மனநிலைக்குக் காரணம்.

ஆனால், இன்று அத்தகைய பரந்த மனநிலை கேடையே தரும்.

ஹிந்தியா வேறு, தமிழகம் வேறு.

ஹிந்திய பிராமணருக்கும் தமிழ்ப் பார்ப்பனருக்கும் எந்த தொடர்பும் கிடையாது.

ஹிந்திய இசுலாமியருக்கும் தமிழ் இசுலாமியருக்கும் எந்த தொடர்பும் கிடையாது.

ஹிந்துத்துவம் ஹிந்தியருக்கு.

தமிழியம் தமிழருக்கு.

திராவிடவாதியும் சரி, இந்துவாதியும் சரி,
விவாதத்திற்கு வந்தால்
தமிழ் மண்ணிற்குள் ஆரிய, இசுலாமிய ஆதிக்கத்திற்கான சான்றுகளைக் காட்ட கூறுங்கள்.

நம்மைக் குழப்பமுடியாமல் ஓடியே போய்விடுவான்.

நாம் எப்போது இந்துத்துவத்தை ஆதரிக்கலாம்?

ஹிந்தியா தனக்கு தொடர்பில்லாத இனங்களுக்கு (காஷ்மீரி, தமிழ், பிற தென்னிந்தியர், கிழக்கு மாநில இனங்கள், அந்தமான் நிகோபர் லட்சத்தீவு பழங்குடிகள் என பலர்) விடுதலை அளித்துவிட்டு
இழந்த ஹிந்து மொழிக்குடும்ப பகுதிகளை இணைக்க முயற்சித்தால்
அப்போது நாம் ஆதரிக்கலாம்.
____________
மேலும் அறிய,

ஹிந்தியா வல்லரசாக என்ன செய்யவேண்டும்?
vaettoli. blogspot. com/2016/07/blog-post_20.html?m=1

வடயிந்தியாவும் தென்னிந்தியாவும்
vaettoli. blogspot. com/2017/01/blog-post_26.html