சிவனுக்கு தமிழ் தெரியுமா?

சிவனுக்கு தமிழ் தெரியுமா?

ஒண்ணுமில்ல.
நீங்க என்ன பண்றீங்க...

1000 வருசத்துக்கும் மேல பழமையான சிவன் கோவில்கள ஒரு வரைபடத்துல குறிங்க.
அதுல அதிகமான கோவில்கள் எங்கே இருக்குனு பாருங்க.
அங்க என்ன மொழி பேசப்படுது/பேசப்பட்டது னு பாருங்க!
அந்த ஆளு என்ன மொழி பேசினாருனு தெரிஞ்சிடும்.

வரைபடம்: பாடல்பெற்ற 276 சைவ  திருத்தலங்கள்

ஆ.. ஊ..னா ஆரியன்

ஆ.. ஊ..னா ஆரியன் >.<

தாத்தா காலத்துல குடிவந்த மார்வாடி சேட்டுகளே இங்க கருகருனு ஆயாச்சு

(எ.கா:- பியூஷ் மானுஸ், ஆர்.ஜே.பாலாஜி)

இதுல ஆரியர்கள் 3000 ஆண்டுகளா வெள்ளை நிறமா இருக்காங்களாம் 

என்னா அறிவு?

பார்ப்பானரைத் தவிர வேற யாருமே நிறமில்லையா இங்கு?

ஜாதி என்பது தொழிலுடன் தொடர்புடையது.
தொழில் பொருளாதாரத்துடன் தொடர்புடையது.
உடல் நிறத்தின் மாற்றமும் தொழிலுடன் தொடர்புடையதே.

(வாழ்விடத்தின் பொறுத்து வரும் தோல் நிறத்தை இங்கே கூறவில்லை)

ஆரியத்தை அழிப்பது இயலாத ஒன்று.
இருக்கிற ஒன்றைத்தானே அழிக்கமுடியும்?

இல்லாத ஆரியத்தை இல்லாத திராவிடம் கொண்டு எத்தனை ஆண்டுகள் வேண்டுமானாலும் எதிர்க்கலாம்.

ஆனால் இருக்கும் தமிழியத்தை இல்லாததை நோக்கி திருப்புவது எப்படி பலனளிக்கும்?

சிவனும் ஆரியத்தை எதிர்த்த தக்காண பீடபூமி தமிழனாம்.
சிவனை மாணிக்கவாசகர் ஆரியனே என்று அழைக்கிறார்.
கலித்தொகை ஈர்ஞ்சடை அந்தணன் என்றழைக்கிறது.

என்றால் எதுதான் இன்று ஆரியம்?

ஆரியம் என்றால் இன்று ஹிந்தியம்.
திராவிடம் என்றால் இன்று வடுகம்.
தமிழியம் என்றால் என்றும் தமிழியம்.

ஜக்கி ஒழிக்க ஒரே வழி

இங்கே ஒரு ராபின் ஹுட் பிறக்கவேண்டும்...

மீண்டும் ஒரு வீரப்பனார்...

ஜக்கி வாசுதேவ் பிறர்மகளை மொட்டையடித்து போதை கொடுத்து அடிமையாக்கி

சீராட்டி பாராட்டி வளர்த்த அவனது நவநாகரீக மகளைக் கடத்தி

அவன் பணத்தையெல்லாம் பிடுங்கவேண்டும்

அந்த ஜக்கி வாசுதேவ் காடழித்து கட்டிய ஆசிரமத்தில் நுழைந்து

அவனை ஜட்டியோடு அடித்து
கர்நாடகாவிற்கே திருப்பி விரட்டவேண்டும்.

அவன் ஆசிரமத்தை குண்டு வைத்து தகர்த்து

அவன் தன் முகத்தையே நகலெடுத்து கட்டிய சிவன் சிலையை உடைத்து தூள்தூளாக்கி

அந்த வந்தேறிப்பயல் தனக்காக திருப்பிக்கொண்ட காட்டு ஓடையை பழைய பாதையில் மீண்டும் திருப்பவேண்டும்.

பரிசாக தீவிரவாதப் பட்டமும் தேசதுரோக வழக்கும் அதன் முடிவாக தூக்கோ துப்பாக்கித் தோட்டாவோ கிடைக்கலாம்

ஆனால் பழங்குடிகளும் மண்ணின் மைந்தர் குடும்பங்களும்  யானைகளும் அதன் குட்டிகளும் அவனை என்றும் வாழ்த்தும்

திருப்பதி: சைவ, வைணவ மோதலால் தமிழன் இழந்த மண்

திருப்பதி: சைவ, வைணவ மோதலால் தமிழன் இழந்த மண்

"திருப்பதி முருகன் கோவில் இல்லை அது திருமாலின் உறைவிடம்" என்போர் காட்டும் ஒரு வலுவான சான்று சிலப்பதிகாரத்தில் காடுகாண் காதையில் வரும்,

ஆயிரம் விரித்தெழு தலையுடை அருந்திறற்
பாயற் பள்ளிப் பலர்தொழு தேத்த
விரிதிரைக் காவிரி வியன்பெரு துருத்தித்
திருவமர் மார்பன் கிடந்த வண்ணமும்
வீங்குநீ ரருவி வேங்கட மென்னும்
ஓங்குயர் மலையத் துச்சி மீமிசை
விரிகதிர் ஞாயிறுந் திங்களும் விளங்கி
இருமருங் கோங்கிய இடைநிலைத் தானத்து
மின்னுக்கோடி யுடுத்து விளங்குவிற் பூண்டு
நன்னிற மேகம் நின்றது போலப் பகையணங் காழியும் பால்வெண் சங்கமும்
தகைபெறு தாமரைக் *கையி னேந்தி*
நலங்கிளர் ஆரம் மார்பிற் பூண்டு
பொலம்பூ வாடையிற் பொலிந்து தோன்றிய
செங்கண் நெடியோன் நின்ற வண்ணமும்

என்ற பாடலைத்தான்,
அதாவது காவிரிக்கரையில் (திருவரங்கம்?!) கிடந்தவண்ணம் இருக்கும் இறைவன் வேங்கடத்தில் சக்கரமும் சங்கும் கையில் ஏந்தி வேங்கடத்தில் நிற்கிறான் என்று இதிலிருந்து அறியமுடிகிறது.

இதுதான் முறியடிக்கவியலாத வலுவான சான்று.
ஆனால் இதை வலுவிழக்கச் செய்யமுடியும்.

திருப்பதி சிலையில் சங்கும் சக்கரமும் கையிலா ஏந்தப்பட்டுள்ளது??????

இல்லை. தோளில்தான் ஒட்டப்பட்டுள்ளது!

வேங்கடத்தைக் குறிக்கும்போது மறக்காமல் குறிப்பிடப்படும் பெரிய அருவி இன்று இல்லை.
அதேபோல ஆயிரம் தலையுடைய பாம்பின்மேல் அரங்கன் படுத்திருக்கவும் இல்லை.

சரி, சங்கும் சக்கரமும் திருமாலுக்கு மட்டுமே உரியதா?

இதே சிலப்பதிகாரத்தின் காடுகாண் காதைக்கு அடுத்துவருவது வேட்டுவ வரி அதில்,

சங்கமும் சக்கரமும் தாமரைக் கையேந்திச்
செங்கண் அரிமால் சினவிடைமேல் நின்றாயால்
கங்கை முடிக்கணிந்த
கண்ணுதலோன் பாகத்து
மங்கை உருவாய் மறையேத்த வேநிற்பாய்

தனது சடைமுடியில் கங்கையை அணிந்துள்ள, நெற்றியில் கண்ணை உடையவனின் (சிவன்?!) திருமேனியிலே மறைகள் போற்றும் பாதி பெண்ணுருவமான நீ,
உன் தாமரை போன்ற கைகளில் சங்கும் சக்கரமும் ஏந்தி சினத்தால் சிவந்தகண்ணுடைய சிங்கத்தின் மேலேறி நிற்பது என்ன மாயமோ?!
என்று இதற்குப் பொருள்.
கொற்றவை கூட சங்கு சக்கரம் ஏந்தியுள்ளாள்!

பால்வெண் சங்கம் என்று வந்துள்ளது. திருமாலுக்கு பிடித்தது சாளக்கிராமம் என்ற கருப்பு சங்கு.
சிவனுக்கு பிடித்தது அதிவெண்மையான வலம்புரி சங்கு.

அழகாபுத்தூர் சிவன் ஆலயத்தில் முருகன் சங்கும் சக்கரமும் ஏந்தியுள்ளான்.

சரி நெடியோன் என்பது திருமாலுக்கு மட்டுமே உரிய பெயரா?

சிலப்பதிகாரம் மற்றொரு இடத்திலும் 'நீலமேனி நெடியோன் கோயிலைப்' பற்றிக் கூறுகிறது.

அகநானூறு (149) நெடியோன் என்று விளிப்பது திருப்பரங்குன்றத்து தலைவனை அதாவது முருகனை!!!

"வச்சிரத் தடக்கை நெடியோன் கோவில்" என்று புறநானூறு (241) கூறுகிறது. வச்சிரம் வைத்திருப்பவன் இந்திரன்.

மதுரைக் காஞ்சி தேவர்தலைவனை (இந்திரனை) 'மழுவாள் நெடியோன்' (453 - 467) என்கிறது.

பெரும்பாணாற்றுப்படை (402) கூறும் நெடியோன் கரிய நிறத்திலும் தொப்புள்கொடியில் நான்முகனைக் கொண்டவனாகவும் திருமாலுடன் ஒத்துபோகும் உருவத்துடன் உள்ளான்.

குமரிக்கண்டத்தில் ஆட்சி செலுத்திய பாண்டியமன்னன் பெயர் நெடியோன்தான் (மதுரைக்காஞ்சி 764).

சிலப்பதிகாரமே அழற்படுகாதையில் (56-61) பல அரசர்களை தோற்கடித்து நான்குவகை நிலங்களை கைப்பற்றிய மன்னனை 'உரைசால் சிறப்பின் நெடியோன் அன்ன' என்று உவமை கூறுகிறது.
நடுகற்காதையில் பகைவரை வென்ற சேரனான செங்குட்டுவனை 'நிலந்தரு திருவின் நெடியோன்' என்று குறித்தலைக் காணலாம்.

நெடியோன் என்பது பொதுப்பெயர்.
உயர்ந்தவன் அல்லது உயரமானவன் என்று பொருள்படும்.
இது மன்னருக்கும் கடவுளுக்கும் பயன்படுத்தப்பட்டுள்ளது.

சரி கிடந்தநிலை திருமாலுக்கு மட்டுமே உரியதா?

திருப்பதிக்கு அருகே சுட்டபள்ளியில் உள்ள சிவனும் குலசேகரப்பட்டிணத்தில் உள்ள முருகனும் கூட கிடந்தநிலையில்தான் உள்ளனர்.
சிறுதெய்வங்களிலும் சில தெய்வங்கள் கிடந்தநிலையில் உண்டு. சிறந்த எடுத்துக்காட்டு வண்டிமறிச்சம்மன்.

சிலப்பதிகாரத்தில் வரும் தெய்வங்களின் அடையாளங்கள் இன்றைய சிவன், திருமால், முருகன், துருக்கை ஆகிய தெய்வங்களுடன் ஒத்துப்போனாலும்
அப்போது சைவமோ வைணவமோ இந்துமதமோ இருந்திருக்கவில்லை.

மாயோனை திருமாலாக்கி வைணவம் எடுத்துக்கொண்டது.
சேயோனை முருகனாக்கி சைவம் எடுத்துக்கொண்டது.

மாயோன்தான் திருமால் என்று பழந்தமிழ் இலக்கியம் எங்கும் கூறவில்லை.

மாயோன் அன்ன மால் என்கிறதுதான் நற்றினை (37:1) கூறுகிறது.

மால் மாயோன் ஆகியோர் கடவுளரா?

கலித்தொகையில் தலைவன் மாலுக்கும் (104:35) மாயோனுக்கும் (109:17) ஒப்பானவனாக புகழப்படுகிறான்.

புறநானூறு பாண்டிய மன்னின் புகழ் மாயோனின் புகழுக்கு ஒப்பானது என்கிறது (57:1)

ஆக மால், மாயோன் ஆகியோர் ஏற்கனவே புகழ்பெற்றிருந்த *மனிதர்கள்* என்று கருதமுடியும்.

சங்க நூல்களிலே வேங்கடமும், அதனைச் சூழ்ந்த நாட்டிற்கும் தலைவரென விளங்கிய
புல்லி (அகம் 61, 83, 209, 393-புறம் 385),
திரையன் (அகம் 85),
ஆதன் உங்கன் (புறம் 389) என்போரும் புகழ்பெற்ற மன்னர்கள்.

மலைபடுகடாம் பாடும் நன்னன் வேண்மான், வேல் உடையவனாகவும் திருவார் மார்பன் என்றும் புகழப்படுகிறான்.
வேல் முருகனுடன் தொடர்புடையது, திருவாழமார்பன் என்பது மார்பில் திருமகளைக் கொண்ட திருமாலைக்குறிப்பது.
மதுரைக்காஞ்சி (611) முருகனை நன்னன் என்றே அழைக்கிறது.

மேலும் ஒரு சான்று தரவா?

தாழ்சடையும் நீண்முடியும் ஒண்மழுவும் சக்கரமும்
சூழரவும் பொன்னாணும் தோன்றுமால் - சூழும்
திரண்டருவி பாயும் *திருமலை*மேல் எந்தைக்கு,
இரண்டுருவும் *ஒன்றாய் இணைந்து*
- பேயாழ்வர், (மூன்றாம் திருவந்தாதி 63)

அதாவது சடை, மழு, சூழரவு இவை சிவனின் அடையாளங்கள்,
நீள்முடி, சக்கரம், பொன்னாண் இவை திருமாலின் அடையாளங்கள்,
இரண்டும் கலந்த உருவம்தான் திருப்பதியில் உள்ளது என்று பொருள்.

திருப்பதியில் நடக்கும் வில்வ அர்ச்சனை, பாலாஜி என்பதில் பாலா என்ற  வேலைக் குறிக்கும் வடசொல் என பல சான்றுகள் சைவத்தின் தொடர்புக்கு வலுசேர்க்கின்றன.

என்றால் திருமால் என்ற சொல் அப்போது இருந்ததில்லையா?
இருந்துள்ளது.
காடுகாண் காதையிலேயே
திருமால் குன்றத்துச் செல்குவி ராயின்
பெருமால் கெடுக்கும் பிலமுண் டாங்கு
விண்ணோர் ஏத்தும் வியத்தகு மரபிற்
புண்ணிய சரவணம் பவகா ரணியோடு
இட்ட சித்தி யெனும்பெயர் போகி விட்டு நீங்கா விளங்கிய பொய்கை
முட்டாச் சிறப்பின் மூன்றுள வாங்குப்
புண்ணிய சரவணம் பொருந்துவி ராயின்

*திருமால்*குன்றம் மலையின் மேலே
புண்ணிய*சரவணம்* என்ற  பொய்கை இருந்துள்ளதைக் குறிப்பிட்டுள்ளார் இளங்கோவடிகள்.
அதுதான் இன்றைய அழகர் மலை.
பழைய பெயர் 'திருமாலிருஞ்சோலை'.
மலைக்கு மேலே சுனையும் உண்டு.
இதனை சிலம்பாறு (சிலம்பு!) என்றும் கூறுவர்.

ஆனால் இவ்விரண்டிற்கும் நடுவில் இருக்கும் பழமுதிர்சோலை பற்றி எந்த குறிப்பும் இல்லை.
அழகர்தான் முருகரோ என்ற ஐயம் தோன்றுகிறது.
காரணம் முருகனைத்தான் அழகன் என்று கூறுவர்.
இளங்கோவடிகள் திருமால் என்று முருகனைக் குறிப்பிட்டுள்ளார் என்றுகூடச் சொல்லலாம்.

சரவண என்பது முருகருடன் தொடர்புடையதா?
ஆம். குன்றக்குரவையில்
'சரவணப் பூம் பள்ளியறைத் தாய்மார் அறுவர்
திரு முலைப் பால் உண்டான்
திருக் கை வேல்' என்று வருகிறது.
அதாவது ஆறுகுழந்தையாகப் பிறந்து சரவணப் பொய்கையில் ஆறு (கார்த்திகைப்) பெண்களிடம் தாய்ப்பால் குடித்த முருகன் கையில் இருக்கும் வேல் என்பதிலிருந்து இதை அறியலாம்.

அழகர் ஆற்றிலிறங்குவது நாயக்கர்கள் காலத்தில்தான் பெரிய அளவில் கொண்டாடப்பட்டது.
காலங்காலமாக அழகர் மலையில் இருந்து அலங்காநல்லூர் வழியாக தேனூரில் வைகையாற்றிலிறங்கிய அழகரை, நாயக்கர்கள் இறங்கவிடாது தடுத்து முறையை மாற்றி மதுரையிலேயே இறக்குகின்றனர்.

மேலேயிருந்த சிலம்பாற்றில் 'ராக்காயி' அம்மனை உட்காரவைத்தனர்.
கள்ளழகர் நகைகள் தெலுங்கு குடும்பத்தின் பொறுப்பில்தான் உள்ளது.

இதையெல்லாம் ஏன் சொல்கிறேன் என்றால் நாயக்கர்களால் முருகனின் படைவீடான பழமுதிர்சோலையே மறைக்கப்பட்டது.
அதை வெளிக்கொணர்ந்து இப்போது தற்காலக் கோவிலான சோலைமுருகன் கோவிலை 1950களில் நிறுவியவர் அண்ணல் கி.பழனியப்பனார்.

நான் ஏற்கனவே போட்ட இந்த பதிவிலும் சில சான்றுகளைத் தந்துள்ளேன்.
( vaettoli.blogspot.in/2014/09/blog-post_20.html?m=1 )

அப்பதிவு தமிழர் மண்மீட்பை அடிப்படையாகக் கொண்டது.
அதாவது நாயக்கர்காலத்தில் வைணவ ஆதரவும் தெலுங்கு ஆதரவும் தமிழர் பகுதியான திருப்பதியை பறித்து தெலுங்கு வைணவரிடம் கொடுத்துவிட்டன.

திருமால் பக்தரோ முருக பக்தரோ தமிழர்கள் தங்களுக்குள் அடித்துக்கொள்ளாமல் திருப்பதியை மீட்டுவந்தால் போதும்.

வெறிபிடித்த நாயன்மார்கள்

வெறிபிடித்த நாயன்மார்கள்

எல்லா சாதிகளிலிருந்தும் நாயன்மார்கள் தோன்றியுள்ளனர்.

இதை பெருமையாகக் கூறுவோரும்
சில நாயன்மார்கள் நடத்திக்காட்டிய அற்புதங்களையும்
அவர்கள் இயற்றிய தமிழ்ப் பாடல்களையும் போற்றுவோரும்
நாயன்மார்களின் தீச்செயல்களையும் கூறவதே இல்லையே ஏன்?
மக்களுக்கு ஒரு நல்லதும் செய்யாத
ஒரு நல்ல அறிவுரையும் கூறாத நாயன்கள் மதிப்பிற்குரியோர் ஆனது எப்படி நடந்தது?

சிவன் மீது பற்று முற்றிப்போய் பைத்தியக்காரத்தனமாக நயன்மார் செய்த கொடுஞ்செயல்கள்

*இயற்பகையார்- சிவனடியார் வந்து கேட்க தன் மனைவியை அவனோடு அனுப்பிவைத்தார்.

*சண்டேஸ்வர நாயனார்- சிவனுக்கு முழுக்கு நடத்த வைத்திருந்த பாலைத் தட்டிவிட்டதால் தந்தையின் காலை வெட்டினார்.

*செருத்துணை நாயனார்- சிவனுக்கு வைத்திருந்த பூவை முகர்ந்து பார்த்ததால் அரசியின் மூக்கை அறுத்தார்

*கழற்சிங்க நாயனார்- பூவை முகர்ந்த அவ்வரசியின் கணவர், கைதானே அப்பூவை முதலில் தீண்டியது என்று மூக்கறுபட்ட அவ்வரசியின் கையை வெட்டினார்

*கலிய நாயனார்- சிவனுக்கு விளக்கு வைக்க பணமில்லாததால் நடுத்தெருவில் மனைவியை நிறுத்தி விற்க முயன்றார்

*அமர்நீதி நாயனார்- சிவனடியாரின் கோவணத்துக்கு ஈடுதர தராசில் தன் சொத்துகளோடு மனைவி மக்களையும் வைத்து தானும் அமர்ந்தார்

*சிறுதொண்ட நாயனார் -அடியார் கறி கேட்க பெற்ற மகனை வெட்டி கறி செய்து பிள்ளைக்கறி விருந்துவைத்தார்

*சத்தி நாயனார் -சிவனடியாரை யாராவது இகழ்ந்து பேசினால் நாக்கை அறுப்பார்

*எறிபத்த நாயனார்- சிவனுக்கான மலர்கூடையை பிடுங்கி எறிந்த யானையையும் அதன் பாகர்கள் ஐந்துபேரையும் வெட்டிக் கொன்றார்

*கலிக்கம்ப நாயனார்- சிவனடியார் பாதம் கழுவ தயங்கிய மனைவியின் கையை வெட்டினார்

*கோட்புலி நாயனார்
சிவனுக்காக வைத்திருந்த நெல்லை பஞ்சத்தின் காரணமாக எடுத்து உண்ட மக்களை (தாய், தந்தை, உடன்பிறந்தோர் உட்பட) பரிசு தருவதாக அழைத்து கண்டந்துண்டமாக வெட்டினான்

***செய்த ஈகங்கள்(தியாகம்) பட்டியல்:-

*அப்பூதியடிகள்- திருநாவுக்கரசர் வீட்டுக்கு வந்திருந்தபோது மகன் பாம்பு தீண்டி இறக்க அவனை அப்படியே போட்டுவிட்டு விருந்துவைக்க முயன்றார்

* அரிவாட்டாய நாயனார்- சிவனுக்கு எடுத்துச் சென்ற உணவு தரையில் சிந்தியதால் கழுத்தை அறுதாதுக்கொள்ளப் பார்த்தார்

*இடங்கழி நாயனார்- சோழ அரசரான இவர் சிவனுக்கு அமுது படைக்க நெல்லைத் திருடியதாக திருடன் கூற தன் அரசின் மொத்த நெல்லையும் நிதியையும் சிவனடியார்கள் எடுத்துக்கொள்ளலாம் என்று அறிவித்தார்

*கண்ணப்ப நாயனார்- சிவலிங்கத்தின் கண்ணில் குருதி வழிந்ததால் தன் கண்ணை நோண்டி ஒட்டவைத்தார்

*ஏனாதி நாத நாயனார்- எதிரி வாள்சண்டையின் போது திருநீறு அணிந்திருந்ததால் வேண்டுமென்றே உயிரைவிட்டார்

*கணம்புல்ல நாயனார் - சிவனுக்கு விளக்கேற்ற தலைமுடியில் தீவைத்துக்கொண்டார்

*குங்கிலிக்கலய நாயனார்- வறுமையால் பசிபொறுக்காத தம் குடும்பத்திற்காக அரிசி வாங்க மனைவியின் தாலியைக் கொண்டு சென்றபோது சிவனுக்கு விருப்பமான குங்கிலியம் கண்ணில் பட அதை வாங்கி கோயிலில் சேமித்தார்

*திருக்குறிப்புத் தொண்ட நாயனார்- சிவனடியார் ஒருவரின் உடையைத் துவைக்கும்போது மழை விடாது பெய்யவே துவைக்கும் பாறையிலேயே தலையை மோதிக்கொண்டார்

*புகழ்ச்சோழ நாயனார் -எறிபத்த நாயனார் தன் யானையையும் பாகரையும் வெட்டியபோது அவரிடம் சென்று மன்னிப்பு கேட்டு தன்னையும் கொல்லும்படி வேண்டினார்.
போரில் வெட்டுண்ட ஆயிரக்கணக்கான தலைகளில் ஒரு சிவனடியார் தலை இருந்ததைக் கண்டு தன் மகனுக்கு பட்டம் கட்டிவிட்டு நெருப்பில் குதித்தார்

*மூர்க்கநாயனார்- சூதாடி சம்பாதித்து பூசை செய்தார். சூதில் ஏமாற்றினால் சூரியால் குத்துவார்.

*மெய்ப்பொருள் நாயனார் - சிவனடியார் வேடமிட்டு வந்து தன்னை வாளால் வெட்டிய பகைவனை உயிர்போகும் நிலையிலும் உயிரோடு பாதுகாப்பாக விட்டுவிடச் சொன்னான்

நாயன்மார் கதைகள் கூறுவது சிவபக்திக்காகவும் சிவனடியார்களுக்காகவும் தற்கொலை செய்யவும் எவரையும் கொல்லவும் தயங்கக்கூடாது என்பது மட்டும்தான்.

ஆக சைவம் என்பது தமிழருக்கான நெறிவழி ஆகுதல் கூடாது என்பது என் கருத்து.