Thursday, 8 June 2023

சாம்ராஜ் போட்ட சர்பத்

இதுதான் சாம்ராஜ் என்கிற எவரோ ஒருவர் தலைவர் பிரபாகரன் பற்றி கேலியாக எழுதிய கவிதை.....

ஒண்டிப்புலி சர்பத் அந்தத் தீவில் மிகப் பிரபலம்.
சீறும் அதன் சிவப்பு முகமே குப்பியில் லட்சினை.
அது பெயருக்குப் பொருத்தமாய் ஊரில் வேறு எவரும் தலையெடுக்காது பார்த்துக்கொண்டது.
கூழ் பதநீர் கள் எல்லாவற்றிக்கும் தடை.
சர்க்கஸிலும் கூட புளிக்குழம்பு தேச விரோதம்.
மொழியிலிருந்து குதித்தோடியது அந்த நான்கு கால் மிருகம்.
கால் நூற்றாண்டு காலத்தில் அதற்கு சர்பத்திற்கும் ரத்தத்திற்கும் குழப்பம்.
ரத்தத்தை சர்பத் என்றது சர்பத்தை ரத்தம் என்றது.
தீவின் அக்கரையில் வாழும் அதன் கழுதைப்புலி முகவர்கள் விற்று வாழ்ந்தனர் வெகுகாலமாய் அதை.
ஒரு வைகாசி மாதத்தில் ஒண்டிப்புலி ஒண்டிப்புலியாய் கடற்கரையில் மரித்தது.
இறக்கும் மதியப் பொழுதிலும் கடலின் சிவப்பை அது சர்பத் என்றே
இறுதிவரை நம்பியது.
- சாம்ராஜ்

(நன்றி: yarl .com)

  இந்த எழவெல்லாம் ஒரு கவிதை என்றால் பல்லியின் எச்சம் கூட சிற்பம் என்றாகும்!

 இதிலிருந்து தெரிவது என்றால்...
 நாலாந்தர கவிதையாக இருந்தாலும் தமிழ்தேசியத்துக்கு எதிராக இருந்தால் அதை எழுதியவனுக்கு வாயில் கவ்வ கொடுத்துவிடுவார்கள் ஒரு விருதினை!

 

Wednesday, 7 June 2023

கோவில் என்றால் பொதுதான்

 திரௌபதியம்மன் கோவில் பிரச்சனை பற்றி விரிவாகத் தெரியவில்லை.

 கோவில் என்றால் அது பொதுதான்.

 அது ஒரு சாதியில் ஒரு கொத்துக்குள் ஒரு கொடிவழி பங்காளிகள் முட்டுசந்துக்குள் கட்டிக்கொண்ட கோவில் என்றாலும் அதில் சாமி கும்பிட அனைவருக்கும் உள்ளது.

 ஆனால் கோவில் சடங்குகளில் வெளியாட்கள்  உரிமை கோருவதோ தலையிடுவதோ சரியாகாது.

 பொட்டல்புதூரில் எங்கள் சேனைத்தலைவர் சமுதாயம் கட்டிய மாயாண்டி கோவிலில் பரம்பரை பரம்பரையாக பூசாரியாக இருந்துவந்த பறையர் சமுதாயத்தினர் (பிற்கால கோவில் கட்டுமானத்தில் பங்களிப்பு செய்துள்ளனர்) கொடை நடத்த உரிமை கோரியபோது இதேபோல் பிரச்சனை ஆனது.
 அதாவது ஒரு ஊரில் 2,3 சமுதாயங்கள் சேர்ந்து நடத்தும் கோவில்களில் நான்காவதாக ஒரு சமுதாயம் கொடை நடத்த அனுமதி கேட்டு கொடை நடத்திக் கொடுத்து வழிபடுவது இங்கே அடிக்கடி நடக்கும்.
 நேர்த்திக் கடன் நிறைவேற்ற தனிநபர் கேட்பதும் உண்டு.
 ஆனால் ஒரு சமுதாயம் மட்டும் நடத்தும் கோவில்களில் இந்த கொடையை விட்டுக் கொடுக்கமாட்டார்கள்.
 அது அதே சமுதாயத்தில் அதே கொத்தில் வேறு கொடிவழி கேட்டால் கூட விட்டுத் தருவது அரிது. 
 மேற்கண்ட பறையர் - சேனைத்தலைவர் பிரச்சனையில் பேச்சுவார்த்தை தோல்வியில் முடிந்து ஊர்சபை கோவிலைப் பூட்டிவிட்டனர்.
 அவரவர் தனித்தனியே கொடை நடத்துமாறு கூறிவிட்டனர்.
 கோவிலுக்கு வெளியே எங்கள் சமுதாயம் வாழைத்தண்டில் சந்தனம் அப்பி மாயாண்டி உருவம் செய்துவைத்து கொடை நடத்தியபோது அங்கே வந்த பறையர்கள் பூசை உரிமையைக் கோரி தெருக்களிலேயே குடும்பத்துடன் தங்கிவிட்டனர்.
இவர்களுக்கு உணவும் பிற உதவிகளும் எங்கள் சமுதாயத்தினர்தான் செய்தனர்.
 பிறகு ஊர்சபை கூடி சாமியாடி பூசை செய்யும் அவர்களது உரிமையை அவர்களுக்கே கொடுத்தனர்.
 ஒரு பறையர் சாமியாடி ஊர்சுற்றி எங்கள் சமுதாய வீடுகள் முன் நின்று கால்கள் கழுவப் பெற்று திருநீறு பூசி ஆசீர்வாதம் அளித்து பூசை நடத்திக் கொடுத்தார்.
 பிறகு அடுத்த கொடை வரும்போது சமாதானம் ஆகிவிட்டனர்.
பழையபடி கோவில் சடங்குகள் சேனைத்தலைவர் சமுதாயமும் பூசை உரிமை பறையர்களுக்கும் என்றவாறு தொடர்கிறது.
 இதில் ஆச்சர்யம் என்னவென்றால் சிறு கீறல் கூட இல்லாமல் ஒரு கெட்டவார்த்தை கூட பேசாமல் இந்த பிரச்சனை நடந்து முடிந்தது.

 இதைப் போல இன்னொரு உதாரணமும் உள்ளது. வெள்ளங்குழி என்கிற கிராமத்தில் வயல்வெளிகள் மத்தியில் பள்ளர் பெருமக்களுக்குப் பாத்தியப்பட்ட இசக்கியம்மன் கோவில் உள்ளது. என் அப்பாவின் பாட்டி கன்னிப் பெண்ணாக இருக்கும்போது இருட்டிய பிறகு இந்த கோவிலின் அருகே ஓடும் வாய்க்காலைக் கடந்து குறுக்கு வழியில் வீட்டிக்குப் போனாராம். அப்போது இசக்கியம்மன் அவர் மீது இறங்கி காய்ச்சல் கண்டதாம். அந்த கோவிலுக்கு அழைத்துபோய் கூறி கேட்டபோது காத்து கருப்பு அடிக்கப் பார்த்த இந்த கன்னிப் பெண்ணை காப்பாற்ற அவளைப் பிடித்ததாகவும் இதற்கு கைம்மாறாக தனக்கு இந்த பெண் வாக்கப்படும் சந்ததி சர்க்கரைப் பொங்கல் வைத்து வழிபட வேண்டும் என்றும் சாமி கூறிவிட்டதாம். 
 அதை என் அப்பாவின் ஆச்சி கடைபிடித்து என் ஆச்சி கடைபிடித்து என் அம்மா கடைபிடித்து இன்றும் தொடர்கிறது.
 
 

மேல்பாதி கோவிலுக்கு சீல் வைத்தது சரியா?

மேல்பாதி கோவிலுக்கு சீல் வைத்தது சரியா?

பதிவர்: Deva Sena Pathy

மேல்பாதி கிராமத்தின் வன்னியர்களின் குல தெய்வமான திரௌபதி அம்மன் கோவிலுக்கு சீல் வைத்த திமுக அரசை வன்மையாக கண்டிக்கிறேன் !

 வேங்கைவயல் பிரச்சனையில், ஏழு மாதங்கள் ஆகியும், அங்கு பட்டியல் சமூக மக்களுக்கு நீதி வழங்க வக்கில்லாத திமுக அரசு, இன்று வேண்டுமென்றே திரௌபதி அம்மன் கோவிலை பூட்டி சீல் வைத்துள்ளது.

 மேல்பாதி ஊரில் உள்ள பிடாரி அம்மன் கோவில், அனுமன் கோவில், விநாயகர் கோவில், முருகன் கோவில் ஆகிய கோவில்களில் பட்டியல் சமூக மக்கள் அனுமதிக்கப்பட்டுவரும் நிலையில், அங்கு தீண்டாமை இருப்பதாக சொல்லப்படுவது அபத்தமானது.

எறையூரில் சில வருடங்களுக்கு முன்பு வன்னியர் கிருஸ்தவர்களுக்கும், ஆதி திராவிட கிருஸ்தவர்களுக்கும் இடையே கலவரம் ஏற்பட்டு இரண்டு பேர் காவல்துறையால் சுட்டுக் கொல்லப்பட்டார்கள். அந்த பிரச்சனையில், அந்த ஊரின் சர்ச் சீல் வைக்கப்படவில்லை.
ஆனால், மேல்பாதி-யில் மட்டும் வேண்டுமென்றே இந்து கோவில் என்பதால் அதன் வழிபாடு முடக்கப்பட்டுள்ளது.
தனியார் பட்டா நிலத்தில் அமைக்கப்பட்டு, சில குடும்பங்களுக்கு மட்டுமே குலதெய்வமாக இருக்கும் திரௌபதி அம்மன் கோவிலில், அறநிலைய துறைக்கு என்ன வேலை?

அறநிலைய துறையின் அபகரிப்பு முயற்சியை உயர்நீதிமன்றமே ரத்து செய்துவிட்ட பிறகும், அது அறநிலைய துறைக்கு சொந்தமான கோவில் என்று ஊடகங்கள் குறிப்படுவது ஏன் ?

அந்த கோவிலில் பிராமணர் சமூகம் உட்பட வேறு எந்த சமூகமும் அனுமதிக்கப்படுவதில்லை. 
அந்த கோவிலை குலதெய்வமாக கொண்டிராத, அல்லது அவர்களது உறவினர்கள் அல்லாத, பிற வன்னியர்களும் அனுமதிக்கப் படுவதில்லை. 
பிறகு எப்படி அதை தீண்டாமை என சொல்லமுடியும் ?

மேல்பாதி கிராமத்தில் சமாதானத்தை ஏற்படுத்துவதற்காக எனது தலைமையில் ஒரு சமாதானக் குழு உருவாக்கப்பட்டு அதில் பறையர் பேரியக்கம் தலைவர் சிவகுரு பறையனார், வட்டார வன்னியர் சங்கங்களின் கூட்டமைப்பு மாநில பொறுப்பாளர்கள் வர்மா, பொன்னுரங்கம் ஆகியோர் இணைந்து மேல்பாதி கிராமத்திற்கு சென்று பறையர் சமூக பெருமக்களையும், வன்னியர் சமூக பெருமக்களையும் சந்தித்தோம்.

விழுப்புரம் மாவட்ட ஆட்சி தலைவரையும் சந்தித்து ஆக்கப்பூர்வமான தீர்வுகளை முன்வைத்து வந்திருந்தோம்.

எங்கள் சமாதானக் குழு மேற்கொண்டுவரும் சமாதான முயற்சிகள் வெற்றியடைந்து அமைதி நிலை திரும்பும் நிலையில், அதை குலைக்கும் விதமாக வேண்டுமென்றே திரௌபதி அம்மன் கோவிலை பூட்டி சீல் வைத்துள்ளது திமுகவின் விடியா அரசு!

இது அந்த கிராமத்தில் அமைதி திரும்பவதை இந்த திமுக அரசு விரும்பவில்லை என்பதையே காட்டுகிறது. வேண்டுமென்றே வன்மத்தோடு இரு சமூகங்களிடையே பிரச்சனையை உண்டாக்குவது போல ஒரு அரசாங்கமே நடந்து கொள்வது வேதனையானது.

திமுக அரசின் இந்த செயல்பாடு வன்னியர் பெருமக்களின் திரௌபதி வழிபாட்டை குலைத்து சீரழிக்கும் நோக்கத்தில் செய்யப்பட்டிருக்கிறது.

 திமுகவின் விடியா அரசு திரௌபதி கோவிலை உடனடியாக விடுவித்து பட்டா நிலத்தில் இருக்கிற அந்த கோவிலை அபகரிக்கிற முயற்சியை உடனடியாக கைவிட வேண்டும்.

Tuesday, 6 June 2023

இரண்டு அருந்ததியர் வன்கொலை

இரண்டு அருந்ததியர் வன்கொலை

 எனக்குத் தெரிந்து திருநெல்வேலி மாவட்டத்தில் பதவிக்காக நடந்த சாதிய கொலை என்றால் ஜக்கன் மற்றும் சேர்வரான் ஆகிய இருவர் கொலைதான்!

 அதாவது காதல், குடும்பம், பணம் என தனிப்பட்ட விடயம் அல்லாமல் பதவிக்கான போட்டியில் ஆதிக்க வெறிகொண்டு செய்யப்பட்ட கொலைகள்!

 2006, 2007 காலகட்டத்தில் நடந்த சம்பவங்கள் இவை!

 இதில் கொல்லப்பட்ட இருவருமே சக்கிலியர் (அருந்ததியர்) ஆவர்!

இதற்குக் காரணம் இவர்கள் (இடவொதுக்கீடு படி) பஞ்சாயத்துத் தலைவர் பதவிக்கு வந்தது மட்டுமே! 

 இந்த இரண்டு கொலைகளையும் செய்தது இவர்களுக்கு கீழ் பணியாற்றிய ( பஞ்சாயத்து துணைத் தலைவர்) நாயக்கர்கள்! 

 இந்த இரண்டு கொலைகள் பற்றி அருந்ததிய அமைப்புகள் வாய் திறப்பதே இல்லையே ஏன்?!

பதவிக்கான கொலை என்றால் நினைவுக்கு வருவது 1996இல் நடந்த மேலவளவு முருகேசன் கொலை.
 சொல்லப்போனால் மேற்கண்ட இரண்டையும் விட பயங்கரமான சம்பவம் மேலவளவு முருகேசன் கொலை. அது பதவிக்காக செய்யப்பட்டது அல்ல. கோவில் நிலத்தை குத்தகைக்கு எடுப்பதில் எழுந்த போட்டி சமூக மோதலாக உருவெடுத்தது. பட்ட பகலில் ஓடும் பேருந்தை 20 பேர் (கள்ளர்) பறித்து 6 பேரை (பறையர்) வெட்டிக் கொன்றனர். இதில் கைதானவர்கள் வன்கொடுமை சட்டத்தில் கைதாகவும் இல்லை. பிறகுதான் வழக்கு பதவிக்காக தலித் படுகொலை என மாறியது. 

 அப்போதும் அருந்ததியர் அமைப்புகள் அல்லது தலித் அமைப்புகள் போராட்டம் எதுவும் செய்யவில்லை. புரட்சி பாரதம் பூவை மூர்த்தியார் மட்டுமே போராடினார். குற்றவாளிகள் தண்டனை பெற்று விடுதலையும் ஆகிவிட்டனர். பாதிக்கப்பட்டோர் அரசு வேலை, இழப்பீடு என வழங்கப் பெற்றனர். 

 ஆனால் சக்கிலியர் கொல்லப்பட்ட வழக்குகளில் இதுவரை குற்றவாளிகள் தண்டிக்கப்பட வில்லை.

அம்பேத்கர் மக்கள் ஆதரவு பெற்ற தலைவரா

அம்பேத்கர் மக்கள் ஆதரவு பெற்ற தலைவரா 

 இந்திய அளவில் ஜாதி, மதம், மொழி, பிறப்பிடம் என அனைத்தையும் கடந்து தலித் மக்கள் ஒன்றிணைய வேண்டும் என்று நினைப்பது நடக்காத காரியம் ஆகும்.
  இத்தகைய தலித்திய - தேசியத்தை வலியுறுத்துவதன் மூலம் தலித் மக்களை ஒரு போலியான இலக்கை நோக்கி நகர்த்திக் கொண்டிருப்பது இந்திய ஏகாதிபத்திய ஆளும் வர்க்கத்திற்கு வசதியான ஒன்று.

  அம்பேத்கராலேயே இந்த 'இந்திய- தலித்திய ஒருமைப்பாடு' சாத்தியப் படவில்லை.
 அவர் காலத்திற்குப் பிறகு இந்திய அளவில் செல்வாக்கு பெற்ற தலித் தலைவர் யாரும் இதுவரை உருவாகவில்லை.
 அம்பேத்கர் கூட தனது அத்தனை முயற்சிகளிலும் தோல்வியையே அடைந்தார்.
 அவர் ஆளும் வர்க்கத்துக்கு அடிபணிந்து (ஆங்கிலேயர் அல்லது காங்கிரஸ்) அந்த ஆதரவின் மூலம் சில விடயங்களைச் சாதித்தாரே தவிர மக்கள் ஆதரவு அவருக்கு கிடைத்ததே இல்லை.

  இதனை நாம் தற்போது ஆராய்ந்து பார்ப்போம்.
 அம்பேத்கர் தனிமனிதனாக இந்திய அரசியலில் ஏற்படுத்திய மிகப்பெரிய தாக்கம் (அவரது 20 ஆண்டுகால நோக்கமான) பௌத்த மதமாற்றம் ஆகும்.
 அன்று பௌத்த மத மாற்றம் இன்றைய இந்தியாவில் பௌத்தம் மூன்று மடங்கு வளர காரணம் என்கின்றனர்.
 அவருடைய மதமாற்றம் மகாராஷ்டிரா மாநிலத்தில் ஏறத்தாழ சுழியமாக (1951 இல் 0.01%)  இருந்த பௌத்த மதத்தை ஏறத்தாழ 7% ஆக சதவிகிதமாக உயர்த்தியது.

  அதாவது அவர் தனது செல்வாக்கில் உச்ச நிலையில் இருந்த போது தன்னுடைய சொந்த பலத்தில் செய்த ஒரே காரியம் பௌத்த மதமாற்றம் மட்டுமே.
 இந்த ஒரு நிகழ்வை வைத்தே அவருக்கு எந்த அளவு மக்கள் செல்வாக்கு இருந்தது என்பதை நாம் கணக்கிட முடியும்.

 1956 இல் அம்பேத்கர் பௌத்த மதமாற்றம் செய்த போது அவருடன் மதம் மாறியவர்கள் ஏறத்தாழ 6 லட்சம் பேர்!
 இன்று இந்தியாவில் உள்ள பௌத்தர்களில் 78% இவர்களே!

 உண்மை என்னவென்றால் இவர்கள் அனைவரும் அம்பேத்கரது சொந்த ஜாதிக்காரர்கள் மட்டுமே!
  அன்று மகாராஷ்டிராவில் அவருடைய சொந்த ஜாதியான மஹர் சாதி 9% இருந்தனர்.
 அதாவது அம்பேத்கர் தலித்துகளுக்கு பௌத்த மதத்திற்கு மாற அழைப்பு விடுத்த பொழுது அவருடைய சொந்த இனத்தில் அவருடைய சொந்த ஜாதியில் 80% அதைச் செய்தனர்.

 இந்த வட்டத்திற்கு வெளியே அப்போது பௌத்தத்திற்கு மாறியவர்கள் மிகமிக சொற்பம்!

 இந்த ஆதரவுக்கும் காரணம் அம்பேத்கர் தனது ஜாதிக்கு (ஆங்கிலேயருக்கு ஆதரவாக இருந்ததன் மூலம்) ஒரு படையணியை உருவாக்கி கொடுத்தார்.
 (இந்தியாவிலேயே சாதியின் பெயரால் ஒரு படையணி இருக்கிறது என்றால் அது மகர் படையணிதான்!)
 அதன் மூலம் மகர்களுக்கு வேலை வாய்ப்பு கிடைத்தது.
 (அதற்கு முன்பே பழைய பாம்பே மாகாணத்தில் 25% ராணுவ சிப்பாய்கள் மகர் சாதியினர்தான்,  இவர்கள் அம்பேத்கரால் தனியான ஒரு படையணியாக மஹர் என்ற பெயரிலேயே இடவொதுக்கீடு போல பெற்றனர். அதன் மூலம் ராணுவத்தில் மகர்களுக்கான பணியிடங்கள் உறுதி செய்யப்பட்டது.
 ஆனால் இன்று அம்பேத்கர் ரசிகர்கள்தான் நாம் சாதியின் பெயரிலேயே இடவொதுக்கீடு கேட்டால் சாதிவெறியன் என்கின்றனர்).
 இதனாலும் இயல்பான சாதிப்பற்றாலும் மகர் சாதியினர் மட்டுமே அவருக்கு முழுமையான ஆதரவை அளித்துள்ளனர்.
 பௌத்த மதமாற்றம் நடந்த போது அன்று மகாராஷ்டிராவில் இருந்த இவரது சொந்த ஜாதினர் முற்று முழுதாக மதம் மாறி இருந்தால் கூட 9% வந்திருக்க வேண்டும்.
 ஆனால் 7% தான் பௌத்தம் எட்டியது.
 இதிலிருந்தே அவரது சொந்த ஜாதினர் கூட 100% அவரை ஆதரிக்கவில்லை எனலாம்.
 தன் சொந்த மாநிலத்தில் தன் சொந்த ஜாதியினரையே 100% திரட்ட முடியாத ஒரு தலைவரை தான் இந்திய அளவிலான தலைவராக தலித்திய வாதிகள் பிம்பப் படுத்துகின்றனர்.

 இவருடன் காந்தியையோ ஜின்னாவையோ நாம் ஒப்பிட்டுப் பார்த்தால் காந்தி மக்களுக்கு அழைப்பு விடுத்த போது இந்தியா முழுவதும் மக்கள் அந்த அழைப்பை ஏற்று அவர் சொன்னதை செய்துள்ளனர்.
 ஜின்னா இஸ்லாமியர்களுக்கு அழைப்பு விடுத்த போது இனம், மொழி தாண்டி இஸ்லாமியர்கள் போராட்டங்களிலும் கலவரங்களிலும் ஈடுபட்டுள்ளனர்.
  ஆனால் அம்பேத்கர் இந்திய அளவில் அழைப்பு விடுத்த போது அவ்வாறு நடக்கவில்லை.
 எனவே அம்பேத்கரை மையப்படுத்தி கட்டமைக்கப்படும் "இந்திய - தலித்தியம்" எனும் கருத்து ஆளும் வர்க்கத்திற்கும் இந்திய ஏகாதிபத்தியத்திற்கும் சாதகமானது.
 இப்படி மதம் மாறிய அம்பேத்கரிய பௌத்தர்கள் கூட கடந்த 50 ஆண்டுகளில் எந்த ஒரு குறிப்பிடத்தக்க முன்னேற்றத்தையும் அடையவில்லை.
 
 இதுவே அம்பேத்கர் தனது இனத்திற்குள் மட்டும் அரசியல் செய்திருந்தாலோ அதிலும் ஒருவேளை மகாராஷ்டிரா தனிநாடு ஆகியிருந்தால் அப்போது மிகப்பெரிய வெற்றி பெற்றிருப்பார் அல்லவா?!

 நான் ஏற்கனவே கூறியது போல!
தமிழின தலித்துகள் தனித் தமிழர்நாடு அடைய ஆதரவு தர வேண்டும்!
 இனவாத தேசியத்துடன் தலித்திய அரசியல் தீர்வைத் தர வல்லது.
 இனம் தாண்டிய எந்த அரசியலும் எந்த மக்களுக்கு நன்மை பயக்காது.

 அம்பேத்கர் வாழ்க்கையே இதற்கு சான்று! 

பி.கு: இந்த கட்டுரையில் தலித் என்கிற சொல் எளிமையாகப் புரிந்து கொள்ள மட்டுமே பயன்படுத்தப் பட்டுள்ளது.
 இது Scheduled caste பிரிவில் உள்ளவர்களைக் குறிக்கும்.
 

Monday, 5 June 2023

SC நாயுடு

SC நாயுடு

 SC பட்டியலில் தெலுங்கு கவரா (நாயுடு) இருக்கிறார்கள் என்றால் நம்ப முடிகிறதா?
 ஆம். இருக்கிறார்கள்.
கன்னியாகுமரி மற்றும் செங்கோட்டை வட்டம் (தமிழகத்துடன் இணைந்த பகுதி) தனியான இடவொதுக்கீடு பட்டியல் கொண்டது.
 இதன் scheduled caste பட்டியலில்  Kavara (எண்.11) உள்ளனர்.
 1000 பேர் கூட தேறாத இவர்களுக்கு sc சலுகை கொடுத்துள்ளது திராவிடம்.

நன்றி: தென்காசி சுப்பிரமணியன்

 இதே போல (திருவிதாங்கூர் லிருந்து) கேரளாவுடன் சேர்ந்த பகுதிகள் உண்டு.
 கேரளா SC பட்டியலிலும் Kavara உண்டு. ஆனால் மலையாளிகள் நம் போன்று இளித்தவாயர் இல்லை.
 அவர்களது SC பட்டியல் (எண்.23) இல் தமிழ் அல்லது தெலுங்கு பேசாத கவரா எவரும் இருந்தால் அவர்கள் என்று குறிப்பிட்டுள்ளனர். 
 அதோடு கவரா உட்பிரிவுகள் அத்தனையும் குறித்து இவர்களுக்கு சலுகை கிடையாது என்று குறிப்பிட்டுள்ளனர்.
 அதாவது,
23. Kavara (Other than Telugu speaking or Tamil speaking Balija, Kavarai, Gavara, Gavari, Gavarai Naidu, Balija Naidu, Gajalu Balija or Valai Chetty)
என்று தெளிவாக குறிப்பிட்டுள்ளனர்.
 அதாவது இந்த வரையில் எந்த கவராவும் வரமுடியாது.

Saturday, 3 June 2023

நம் முடிவு நெருங்கிவிட்டது

நம் முடிவு நெருங்கிவிட்டது 

 முதலில் பிறருக்கு உதவும் ஆசை இருந்தது. கொல்லாமை கொள்கையாக இருந்தது.

 அதன் பின்னர் பிறரை கொல்லும் ஆசை இருந்தது.
அதனால் தன் சுயநலத்திற்காக பிறரை கொன்றனர். அதன் மூலம் லாபம் அடைந்தனர்.

 அதன் பிறகு தன்னை தானே கொல்லும் ஆசை வந்தது
 இதனால் மது குடித்தனர், புகையிலை புகைத்தனர், வேகமாக வண்டி ஓட்டினர், மேலும் பல ஆபத்தான காரியங்களில் இறங்கினர்.
 தன்னைத் தானே சிறிது சிறிது அழித்து இன்பம் கண்டனர்.

தற்போது இது ஒரு படி மேலே போய் தன்னையும் தன்னுடைய தலைமுறையையும் சேர்த்து கொல்லும் ஆசை வந்துவிட்டது. இதனால் மக்கள் திமுக விற்கு வாக்களித்தனர்.

இதன் மூலம் தான், தன் பிள்ளை, தன் பேரப்பிள்ளை  என மொத்தமாகக் கொல்லும் ஆசையை நிறைவேற்றிக் கொண்டனர்.

 இந்த உலகம் முடிவை நோக்கிச் செல்கிறது என்பதை இதன் மூலம் அறிந்துகொள்ள முடிகிறது.

 தி.மு.க தமிழ்நாட்டில் தோன்றியதால் மட்டுமே இத்தனை காலம் ஒரு மாநிலத்தில் முடங்கி இருககிறது. 
இல்லையென்றால் இவர்களின் தந்திரத்திற்கும் வெறிக்கும் இந்நேரம் இந்த உலகையே விழுங்கியிருப்பர். 

 வேறொரு மாநிலத்தில் ஈவேரா வும் கருணாநிதியும் பிறந்திருந்தால் இந்நேரம் இந்தியாவில் இவர்கள் ஆட்சியைப் பிடித்து கால் நூற்றாண்டு ஆகியிருக்கும்.

 ஏனென்றால் இவர்களைவிட கொடூரமானது காங்கிரசோ அல்லது பாஜகவோ அல்லவே அல்ல! 

 தந்திரத்தின் இலக்கணமான கருணாநிதியை முற்று முழுமையான வெற்றி பெற விடாமல் கடைசி வரை ஒரு தத்தளிப்பிலேயே வைத்திருந்த தமிழர்கள் இன்று சரியாக பல்விளக்கக் கூடத் தெரியாத ஸ்டாலினிடம் வீழ்ந்து கிடக்கின்றனர்.

 2009 க்குப் பிறகு தனக்கே புரியாத தற்கொலை எண்ணத்துடன் அலைகின்றனர்.

 தமிழர்களை விழிப்படையச் செய்ய முயற்சிப்பது வீண்வேலை என்றே தோன்றுகிறது.

 நேற்று கருணாநிதியின் கேடுகளை நினைவு கூர்ந்த விதம் ஆறுதலாக இருந்தாலும் முன்பு போல வீரியமாக இல்லை!

 நாம் வடுக ஆதிக்கத்தை ஏற்றுக்கொள்ள பழகிவிட்டோமா?!

 நம் முடிவை நாமே தேட ஆரம்பித்து விட்டோமா?!

 தன் கழுத்தையும் தன் குழந்தையும் கழுத்தையும் தானே அறுக்க திட்டமிடுபவனை எவர்தான் நெடுநேரம் தடுத்து நிறுத்த முடியும்?!