யார் மூவேந்தர் வாரிசு?
தமிழர் அனைவருக்கும் (சேரருக்கும் சோழருக்கும் கூட) முன்னோன் பாண்டியன்.
எனக்கு இன்று பாண்டியன் வாரிசு யார் என்றெல்லாம் தெரியாது.
ஆனால் பாண்டியன் கூடப்பிறந்த குடி எது என்று தெரியும்.
"தென்னவன் தொல் இசை நட்ட குடியொடு தோன்றிய நல் இனத்து ஆயர்" என்று கலித்தொகை கூறுகிறது.
முழுமையாக,
"மலிதிரை யூர்ந்துதன் மண்கடல் வௌவலின்
மெலிவின்றி மேற்சென்று மேவார்நா டிடம்படப்
புலியொடு வில் நீக்கிப், புகழ் பொறித்த கிளர்கெண்டை,
வலியினால் வணக்கிய, வாடாச்சீர்த் தென்னவன்
தொல்லிசை நட்ட குடியொடு தோன்றிய நல்லினத்து ஆயர்”
(கலித்தொகை 104)
(மூன்றாம் ஊழியில்) குமரிக்கண்டத்தின் கடைசி பகுதி மூழ்கியபோது வடக்கே முன்னேறிய பாண்டியன் சேரர், சோழரைத் தோற்கடித்து (புலியொடு வில் நீக்கி) தன் ஆட்சியை பரப்பினான்.
அந்த தென்னவனின் (பாண்டியனின்) குடி தோன்றியபோதே ஆயரும் தோன்றிவிட்டார்களாம்.
அப்பன் சொத்தை அடுத்தவன் ஆட்டையைப் போட்டு வளமாக வாழ்கிறான்.
அண்ணன்-தம்பிகள் 'அப்பனின் புகழுக்கு யார் வாரிசு' என்று அடித்துக்கொள்கிறார்கள்.
சித்தப்பன் இதைப் பார்த்துக்கொண்டு இருக்கிறான்.
எவன் அப்பன் சொத்தை மீட்கிறானோ அவனே உண்மையான மகன்.
எவன் சேர, சோழ, பாண்டியர் ஆண்ட 'தமிழர்நாட்டை' மீட்டு எவன் தனியரசு செலுத்துகிறானோ அவனே மூவேந்தர் வாரிசு.
