விடுதலையன்றோ அறம்
------------------------------------
தமிழ் தோன்றியது
நேற்றே என்க....
தமிழன் இவ்வுலகில்
ஒருவனே என்க...
தமிழர்த் தாய்நிலம்
பிடி மண்ணே என்க...
தமிழின விடுதலைக்கு
இல்லை வாய்ப்பே என்க...
தன்னரசு வாய்த்தால்
அதுவொரு நொடியே என்க..
தனிநாடு வேண்டல்
பல்லுயிர்க் கேடே என்க..
தன்னாட்சி இல்லாமையும்
குறையற்ற வாழ்வே என்க..
தவறில்லை என்று ஏற்பேன் ஆயினும்
தமிழர் விடுதலை அடைவதும்
தனித் தமிழர்நாடு அமைப்பதும்
தவிர்க்காமல் செய்யவேண்டிய
தன்னிகரில்லா அறமென்றே
தன்னிலை விளக்கம் கூறுவேன் நான்!
No comments:
Post a Comment