டெல்லி எவ்வளவு தூரம்?

டெல்லி எவ்வளவு தூரம்?

 உண்மையில் உச்ச அதிகார மையமான டெல்லி நமக்கு எவ்வளவு தூரம் என்பது நமக்குப் புரியவில்லை.

 விமானத்தில் போன கதையைக் கூறுகிறேன் கேளுங்கள்.

1) செங்கோட்டை - திருவனந்தபுரம் ஏர்போர்ட் காரில் (பஸ் எனில் செங்கோட்டை - தென்காசி போய் திருவனந்தபுரம் பஸ் பிடிக்க வேண்டும். பின் ஏர்போர்ட் செல்ல வேண்டும்)

2) ஒரு மணிநேரம் விமான நிலையத்தின் உள்ளே செலவாகும் பிறகு மினி பஸ் மூலம் விமானம் அருகே கொண்டு செல்வார்கள்

3) திருவ.-டெல்லி 3:00 -3:30 மணிநேரம் பயணம்

4) டெல்லி வி. நிலையத்தில் 1 மணிநேரம்

5) அங்கிருந்து வி.நிலையத்திற்கான பிரத்யேக மெட்ரோ ஸ்டேஷனுக்கு பஸ்

6) அங்கே வரிசையில் நின்று டோக்கன் வாங்கி மெட்ரோ பிடித்து மெயின் மெட்ரோ

7) பின் அங்கே வரிசையில் நின்று டிக்கட் வாங்கி டெல்லியில் எங்கே போகவேண்டுமோ அங்கே மெட்ரோவில் போக வேண்டும்

8) மைய நகரில் நமக்கெங்கே இடம் அங்கிருந்து ஆட்டோ, டாக்சி அல்லது ஓலா, ஊபர் மூலம் அந்த இடத்திற்கு செல்லலாம்.

 அல்லது பஸ் பிடித்தால் 2,3 பஸ்கள் மாற வேண்டும்.

 அதாவது அதிகாலை கிளம்பினால் இரவாகிவிடும்.

 (இதுவே நீங்கள் மும்பை என்றால் காலையில் விமானம் ஏறி டெல்லியில் ஆபிஸ் போய்விட்டு சாயங்காலம் விமானம் ஏறி வீட்டுக்கு வந்துவிடலாம்.

 இப்படி சீசன் பிளைட் டிக்கெட் வாங்கி டெய்லி ட்யூடி பார்க்கும் மேல்தட்டு வர்க்கம் உண்டு)

இதே ரயில் பயணம் என்றால் (3 மாதம் முன்பே டிக்கெட் எடுக்க வேண்டும் அல்லது தக்கலில் காசைக் கொட்ட வேண்டும்)

 1) செங்கோட்டை - தென்காசி பஸ் 

2) தென்காசி - திலி

3) திலி பழைய பே. நி - ஜங்ஷன் நடை 

4) ரயிலில் ஏறி முழுமையான 2 நாட்கள் (48 மணிநேரம்) ரயிலில் வாழ வேண்டும்.

5) நிஜாமுதீன் ஸ்டேஷனில் இறங்கி வெளியே நடந்து வந்து பஸ் ஸ்டான்ட் (ISBT) க்கு பஸ் பிடிக்க வேண்டும்

(ரயில் தாமதமானால் ஆட்டோ).

அதாவது இரண்டரை நாள் ஆகும்.

பெரும்பாலான டெல்லி தமிழர் பயண அமைப்பு இதுவே!

(டெல்லியில் 8 லட்சம் தமிழர்கள் இருக்கின்றனர்.

ஆர்.கே.புரம் எனும் தமிழர் பகுதி உண்டு. கரோல் பாக் எனும் இடம் உண்டு).

 

இதில் வயதானவர் அல்லது நோயாளி அதுவும் லக்கேஜுடன் மொழியும் தெரியாமல் சென்றால் என்ன கதி என்று யோசித்துப் பாருங்கள்.